മണ്ണിടിച്ചിലിൽ വീട് ഭാഗികമായി തകർന്നു

മു​ണ്ട​ക്ക​യം: ക​ന​ത്ത മ​ഴ​യി​ലു​ണ്ടാ​യ മ​ണ്ണി​ടി​ച്ചി​ലി​ൽ വീ​ട് ഭാ​ഗി​ക​മാ​യി ത​ക​ർ​ന്നു. മു​ണ്ട​ക്ക​യം പ​ഞ്ചാ​യ​ത്ത്​ അ​ഞ്ചാം​വാ​ർ​ഡി​ലെ കീ​ച്ച​ൻ പാ​റ​യി​ലാ​ണ്​ സ്വ​കാ​ര്യ വ്യ​ക്തി​യു​ടെ പു​ര​യി​ട​ത്തി​ൽ നി​ന്നും മ​ണ്ണി​ടി​ഞ്ഞു​വീ​ണ് സ​മീ​പ​ത്തെ വീ​ട് ഭാ​ഗി​ക​മാ​യി ത​ക​ർ​ന്ന​ത്. പു​തു​പ്പ​റ​മ്പി​ൽ ഇ​ബ്രാ​ഹി​മി​ന്‍റെ വീ​ടി​നാ​ണ് കേ​ടു​പാ​ടു​ക​ൾ സം​ഭ​വി​ച്ച​ത്. ബു​ധ​നാ​ഴ്ച രാ​ത്രി എ​​ട്ടോ​ടെ​യാ​യി​രു​ന്നു അ​പ​ക​ടം. മു​പ്പ​ത്തി​യൊ​ന്നാം മൈ​ൽ സ്വ​ദേ​ശി​യാ​യ സ്വ​കാ​ര്യ വ്യ​ക്തി​യു​ടെ ഉ​ട​മ​സ്ഥ​ത​യി​ലു​ള്ള സ്ഥ​ല​ത്ത് നി​ന്നു​മാ​ണ് മ​ണ്ണി​ടി​ഞ്ഞു വീ​ണ​ത്.​അ​ശാ​സ്ത്രീ​യ​മാ​യ രീ​തി​യി​ൽ റോ​ഡ് നി​ർ​മി​ച്ച​താ​ണ് മ​ണ്ണി​ടി​ച്ചി​ലി​ന് കാ​ര​ണ​മെ​ന്ന് നാ​ട്ടു​കാ​ർ പ​റ​യു​ന്നു. കു​ത്തി​യൊ​ഴു​കി​യെ​ത്തി​യ മ​ണ്ണും​ക​ല്ലും റോ​ഡി​ലേ​ക്കും സ​മീ​പ​ത്തെ വീ​ട്ടി​ലേ​ക്കും പ​തി​ക്കു​ക​യാ​യി​രു​ന്നു. വീ​ട്ടി​ൽ ഉ​ണ്ടാ​യി​രു​ന്ന​വ​ർ ഓ​ടി മാ​റി​യ​തി​നാ​ൽ വ​ൻ​ദു​ര​ന്തം ഒ​ഴി​വാ​യി. വീ​ടി​ന്‍റെ അ​ടു​ക്ക​ള​യും ബാ​ത്ത്​​റൂ​മും പൂ​ർ​ണ്ണ​മാ​യും ത​ക​ർ​ന്നു. റോ​ഡി​ൽ മ​ണ്ണും ചെ​ളി​യും നി​റ​ഞ്ഞ​ത്​ ഗ​താ​ഗ​ത​വും ദു​ഷ്ക​ര​മാ​യി. ജ​ന​പ്ര​തി​നി​ധി​ക​ളു​ടെ​യും നാ​ട്ടു​കാ​രു​ടെ​യും നേ​തൃ​ത്വ​ത്തി​ൽ രാ​ത്രി​യി​ൽ മ​ണ്ണു​മാ​ന്തി​യ​ന്ത്രം ഉ​പ​യോ​ഗി​ച്ച് മ​ണ്ണ് നീ​ക്കം​ചെ​യ്തെ​ങ്കി​ലും തു​ട​ർ​ന്നും മ​ഴ പെ​യ്ത​തോ​ടെ റോ​ഡ് ചെ​ളി കൂ​മ്പാ​ര​മാ​യി. ഇ​തി​ൽ തെ​ന്നി നി​ര​വ​ധി ഇ​രു​ച​ക്ര​വാ​ഹ​ന​ങ്ങ​ളും അ​പ​ക​ട​ത്തി​ൽ​പ്പെ​ട്ടു. ക​ന​ത്ത മ​ഴ​പെ​യ്താ​ൽ വീ​ണ്ടും മ​ണ്ണി​ടി​യു​മെ​ന്ന ഭീ​തി​യി​ലാ​ണ് പ്ര​ദേ​ശ​ത്തെ കു​ടും​ബ​ങ്ങ​ൾ. ഗ​താ​ഗ​തം സു​ഗ​മ​മാ​ക്ക​ണ​മെ​ന്നാ​വ​ശ്യ​പ്പെ​ട്ട് പ​ഞ്ചാ​യ​ത്തി​ലും പൊ​ലീ​സി​ലും നാ​ട്ടു​കാ​ർ പ​രാ​തി​യും ന​ൽ​കി.