തെരുവുനായ്ക്കള്‍ക്ക് വാക്‌സിനേഷന്‍ നല്‍കിത്തുടങ്ങി

ഏറ്റുമാനൂർ: അതിരമ്പുഴ ഗ്രാമപഞ്ചായത്തില്‍ അലഞ്ഞുതിരിഞ്ഞു നടക്കുന്ന എല്ലാ നായ്ക്കള്‍ക്കും പേവിഷബാധക്കെതിരെ വാക്‌സിനേഷന്‍ നല്‍കിത്തുടങ്ങി. മൃഗസംരക്ഷണ വകുപ്പും പഞ്ചായത്തും സംയുക്തമായി സഹകരിച്ച് നായ്ക്കളെ പിടിച്ച് വാക്‌സിനേഷന്‍ നല്‍കുന്നതാണ് പദ്ധതി. വാക്‌സിനേഷന്‍ നല്‍കിയ നായ്ക്കളെ തിരിച്ചറിയുന്നതിനായി നായ്ക്കള്‍ക്ക് പെയിന്‍റ് മാര്‍ക്കും നല്‍കുന്നുണ്ട്. പഞ്ചായത്തിലെ 22 വാര്‍ഡുകളിലും രണ്ടാഴ്ച നീളുന്ന തീവ്രയത്ന പരിപാടിയാണ് സംഘടിപ്പിച്ചിരിക്കുന്നത്.