പാലം വരും; ചങ്ങാടയാത്രക്ക്​ അവസാനമാകുന്നു

കോ​ട്ട​യം: ര​ണ്ടു പ്ലാ​സ്റ്റി​ക്​ വീ​പ്പ ​​ഉ​പ​യോ​ഗി​ച്ച്​ കെ​ട്ടി​യു​ണ്ടാ​ക്കി​യ ച​ങ്ങാ​ട​ത്തി​ൽ​നി​ന്ന്​ മോ​ച​നം കി​ട്ടി​യെ​ന്ന പ്ര​തീ​ക്ഷ​യി​ലാ​ണ്​ തി​രു​വാ​ർ​പ്പ്​ പ​ഞ്ചാ​യ​ത്തി​ലെ അ​ഞ്ച്, എ​ട്ട്​ വാ​ർ​ഡ്​ നി​വാ​സി​ക​ൾ. ഇ​രു​ക​ര​യെ​യും ബ​ന്ധി​പ്പി​ക്കു​ന്ന​ തോ​ണി​ക്ക​ട​വ് പാ​ല​ത്തി​നു ബ​ജ​റ്റി​ൽ തു​ക അ​നു​വ​ദി​ച്ച​താ​ണ് പ്ര​തീ​ക്ഷ​ക്കു കാ​ര​ണം.

പാ​ലം നി​ർ​മി​ക്കാ​ൻ വോ​യി​സ്‌ ഓ​ഫ് കു​മ്മ​നം, എ​ന്‍റെ കു​മ്മ​നം വാ​ട്​​സ്​​ആ​പ്​ കൂ​ട്ടാ​യ്മ​ക​ളു​ടെ നേ​തൃ​ത്വ​ത്തി​ൽ ജ​ന​കീ​യ കൂ​ട്ടാ​യ്മ രൂ​പ​വ​ത്​​ക​രി​ച്ച്​ പ്ര​വ​ർ​ത്ത​നം തു​ട​ങ്ങി​യ​തി​നു പി​ന്നാ​ലെ​യാ​ണ്​ ആ​ശ്വാ​സ​മാ​യി തു​ക അ​നു​വ​ദി​ച്ച വാ​ർ​ത്ത​യെ​ത്തു​ന്ന​ത്. ആ​ദ്യം ക​യ​റി​ൽ വ​ലി​ച്ചു​യാ​ത്ര ചെ​യ്യാ​വു​ന്ന തോ​ണി​യാ​യി​രു​ന്നു ഇ​രു​ക​ര​ക്കാ​രു​​ടെ​യും യാ​ത്ര​മാ​ർ​ഗം. തോ​ണി ത​ക​ർ​ന്ന​തോ​ടെ മൂ​ന്നു കി​ലോ​മീ​റ്റ​റി​ല​ധി​കം ചു​റ്റി യാ​ത്ര​ചെ​യ്യേ​ണ്ട അ​വ​സ്ഥ​യി​ലാ​യി​രു​ന്നു. പി​ന്നീ​ട് ഇ​രു​വാ​ർ​ഡി​ലെ​യും മെം​ബ​ർ​മാ​ർ മു​ൻ​കൈ​യെ​ടു​ത്ത്​ താ​ൽ​ക്കാ​ലി​ക ന​ട​പ്പാ​ലം നി​ർ​മി​ച്ചു. ഏ​ഴു​വ​ർ​ഷം ആ ​ന​ട​പ്പാ​ല​മാ​യി​രു​ന്നു ആ​ശ്ര​യം. 2018ലെ ​പ്ര​ള​യ​ത്തി​നു​ശേ​ഷം ബ​ല​ക്ഷ​യ​ത്തി​ലാ​യ പാ​ലം പി​ന്നീ​ട് കു​ത്തൊ​ഴു​ക്കി​ൽ ത​ക​ർ​ന്നു.

നൂ​റു​ക​ണ​ക്കി​ന് പേ​ർ ഉ​പ​യോ​ഗി​ച്ച പാ​ലം ത​ക​ർ​ന്ന​തോ​ടെ ഇ​രു​ക​ര​യും ത​മ്മി​ലു​ള്ള ബ​ന്ധം വീ​ണ്ടും അ​റ്റു. ച​ങ്ങാ​ടം ഉ​പ​യോ​ഗി​ച്ചാ​ണ്​ പ​ല​രും സ​ഞ്ച​രി​ച്ചി​രു​ന്ന​ത്. അ​പ​ക​ട​ക​ര​മാ​യ​തി​നാ​ൽ കു​ട്ടി​ക​ൾ​ക്കും മു​തി​ർ​ന്ന​വ​ർ​ക്കും ഇ​തി​ൽ യാ​ത്ര ​ചെ​യ്യാ​നാ​കു​മാ​യി​രു​ന്നി​ല്ല. നാ​ട്ടു​കാ​ർ പ​ല​ത​വ​ണ നി​വേ​ദ​ന​ങ്ങ​ളു​മാ​യി അ​ധി​കൃ​ത​രെ സ​മീ​പി​​ച്ചെ​ങ്കി​ലും ന​ട​പ​ടി​യാ​യി​ല്ല. ഒ​ടു​വി​ൽ നാ​ട്ടു​കാ​ർ ജ​ന​കീ​യ പാ​ല​ത്തി​നാ​യി വീ​ണ്ടും ഒ​രു​മി​ക്കു​ക​യാ​യി​രു​ന്നു. നാ​ട്ടി​ൽ​നി​ന്ന് പ​ണം പി​രി​ച്ച്​ ന​ട​പ്പാ​ലം നി​ർ​മി​ക്കാ​നാ​യി​രു​ന്നു ഉ​ദ്ദേ​ശം.

ഇ​രു​വാ​ർ​ഡി​ലെ​യും മെം​ബ​ർ​മാ​രാ​യ ഷൈ​നി​മോ​ൾ, റൂ​ബി ചാ​ക്കോ എ​ന്നി​വ​രു​ടെ നേ​തൃ​ത്വ​ത്തി​ൽ കെ.​പി. അ​ൻ​സാ​ർ​ഷാ, ല​ത്തീ​ഫ് മാ​ന​ത്തു​കാ​ട​ൻ, ഫൈ​സ​ൽ പു​ളി​ന്താ​ഴ, സ​ക്കീ​ർ ചെ​ങ്ങ​മ്പ​ള്ളി, കെ.​എ​സ്. അ​ബ്ദു​ൽ ഖാ​ദ​ർ, ഷ​മീ​ർ വ​ള​യം​ക​ണ്ടം, ജാ​ബി​ർ​ഖാ​ൻ, ആ​ർ.​ആ​ർ. റ​ഫീ​ഖ്, നി​സം പ​ഴ​ന്ത​റ എ​ന്നി​വ​രു​മാ​യി സ​ഹ​ക​രി​ച്ചാ​ണ്​ ജ​ന​കീ​യ കൂ​ട്ടാ​യ്മ രൂ​പ​വ​ത്​​ക​രി​ച്ച​ത്. ഇ​തി​നു പി​ന്നാ​ലെ ബ​ജ​റ്റി​ൽ തു​ക അ​നു​വ​ദി​ച്ച പ്ര​ഖ്യാ​പ​നം കൂ​ടി എ​ത്തി​യ​തോ​ടെ നാ​ട്ടു​കാ​ർ സ​ന്തോ​ഷ​ത്തി​ലാ​ണ്. പാ​ല​ത്തി​ന്​ 44 ല​ക്ഷം രൂ​പ ചെ​ല​വ് വ​രു​മെ​ന്നാ​ണ് ക​രു​തു​ന്ന​ത്.