സുരക്ഷ ഒരുക്കാതെ ഹൈവേ നിർമാണം; ബൈക്ക് യാത്രികന് കുഴിയിൽ വീണ് പരിക്ക്

കൊ​ട്ടി​യം: ദേ​ശീ​യ​പാ​ത നി​ർ​മാ​ണ ഭാ​ഗ​മാ​യി കൊ​ട്ടി​യം ഇ.​എ​സ്.​ഐ ജ​ങ്ഷ​നി​ലെ​ടു​ത്ത കു​ഴി​യി​ൽ വീ​ണ് ബൈ​ക്ക് യാ​ത്രി​ക​ന് ഗു​രു​ത​ര പ​രി​ക്ക്. ഉ​മ​യ​ന​ല്ലൂ​ർ, അ​മ​ര​വി​ള വീ​ട്ടി​ൽ ഷം​സു​ദ്ദീ​നാ​ണ് വീ​ണ് വാ​രി​യെ​ല്ലി​ന് പ​രി​ക്കേ​റ്റ് കൊ​ട്ടി​യ​ത്തെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യു​ന്ന​ത്. ഞാ​യ​റാ​ഴ്ച രാ​ത്രി 10ഓ​ടെ കൊ​ട്ടി​യ​ത്തു​നി​ന്ന് ഉ​മ​യ​ന​ല്ലൂ​ർ ഭാ​ഗ​ത്തേ​ക്ക്‌ വ​ര​വേ​യാ​ണ് അ​പ​ക​ടം.

ഹൈ​വേ നി​ർ​മാ​ണ​ത്തി​നാ​യി വ​ലി​യ കു​ഴി​ക​ൾ എ​ടു​ക്കു​ന്ന ഭാ​ഗ​ങ്ങ​ളി​ൽ ബാ​രി​ക്കേ​ഡു​ക​ൾ സ്ഥാ​പി​ക്കാ​തെ റി​ബ​ൺ കെ​ട്ടി​യി​രി​ക്കു​ന്ന​താ​ണ് അ​പ​ക​ട​ങ്ങ​ൾ​ക്ക് വ​ഴി​യൊ​രു​ക്കു​ന്ന​ത്. ക​ഴി​ഞ്ഞ​ദി​വ​സം രാ​ത്രി​യി​ൽ ഒ​രു ലോ​റി​യും ഈ ​ഭാ​ഗ​ത്തു കു​ഴി​യി​ലേ​ക്ക് വീ​ണി​രു​ന്നു.

സു​ര​ക്ഷ ഒ​രു​ക്കാ​തെ​യു​ള്ള നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കെ​തി​രെ കൊ​ട്ടി​യ​ത്ത് പ്ര​തി​ഷേ​ധം ഉ​യ​രു​ന്നു​ണ്ട്. നി​ർ​മാ​ണം ന​ട​ക്കു​ന്ന സ്ഥ​ല​ങ്ങ​ളി​ലെ​ല്ലാം അ​നു​ദി​നം അ​പ​ക​ട​ങ്ങ​ൾ പെ​രു​കു​ക​യാ​ണ്. ക​ഴി​ഞ്ഞ മാ​സം മൂ​ന്നു​പേ​ർ മ​രി​ച്ചു. ഈ ​വി​ഷ​യ​ത്തി​ൽ കൊ​ട്ടി​യം പൗ​ര​വേ​ദി കൊ​ല്ലം ജി​ല്ല ലീ​ഗ​ൽ സ​ർ​വി​സ് അ​തോ​റി​റ്റി​യി​ൽ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ അ​തോ​റി​റ്റി സെ​ക്ര​ട്ട​റി കൊ​ട്ടി​യം ജ​ങ്ഷ​നി​ൽ ഇ​ട​ക്ക് സ​ന്ദ​ർ​ശ​നം ന​ട​ത്തി​യി​രു​ന്നു.

ഹൈ​വേ അ​തോ​റി​റ്റി​ക്കെ​തി​രെ കേ​സെ​ടു​ക്ക​ണം -കൊ​ട്ടി​യം പൗ​ര​വേ​ദി

കൊ​ട്ടി​യം: കു​ഴി​യി​ൽ വീ​ണ് വ​ഴി യാ​ത്ര​ക്കാ​ര​ന് പ​രി​ക്കേ​റ്റ സം​ഭ​വ​ത്തി​ൽ നാ​ഷ​ന​ൽ ഹൈ​വേ അ​തോ​റി​റ്റി, ക​രാ​ർ ക​മ്പ​നി എ​ന്നി​വ​രെ പ്ര​തി​ക​ളാ​ക്കി കേ​സ് ര​ജി​സ്റ്റ​ർ ചെ​യ്യ​ണ​മെ​ന്ന് കൊ​ട്ടി​യം പൗ​ര​വേ​ദി ആ​വ​ശ്യ​പ്പെ​ട്ടു. ദേ​ശീ​യ​പാ​ത നി​ർ​മാ​ണം ആ​രം​ഭി​ച്ച സ​മ​യം മു​ത​ൽ സു​ര​ക്ഷ ഒ​രു​ക്ക​ണം എ​ന്ന ആ​വ​ശ്യം പൗ​ര​വേ​ദി ഉ​ന്ന​യി​ക്കു​ന്നു​ണ്ട്. ജ​ന​ങ്ങ​ളു​ടെ ജീ​വ​ൻ പ​ന്താ​ടി​യ​ല്ല വി​ക​സ​നം കൊ​ണ്ടു​വ​രേ​ണ്ട​ത്.

യാ​ത്ര​ക്കാ​ർ​ക്ക് സു​ര​ക്ഷ ഒ​രു​ക്കാ​നു​ള്ള ബാ​ധ്യ​ത ക​രാ​ർ ക​മ്പ​നി​ക്കും ദേ​ശീ​യ​പാ​ത അ​തോ​റി​റ്റി​ക്കും ഉ​ണ്ട്. കു​ഴി​ക​ൾ എ​ടു​ത്തി​രി​ക്കു​ന്ന സ്ഥ​ല​ങ്ങ​ളി​ൽ അ​ടി​യ​ന്ത​ര​മാ​യി ബാ​രി​ക്കേ​ഡു​ക​ൾ സ്ഥാ​പി​ച്ചി​ല്ലെ​ങ്കി​ൽ നി​ർ​മാ​ണ പ്ര​വൃ​ത്തി​ക​ൾ പൗ​ര​വേ​ദി​യു​ടെ നേ​തൃ​ത്വ​ത്തി​ൽ ജ​ന​ങ്ങ​ൾ ത​ട​യാ​ൻ ത​യാ​റാ​കു​മെ​ന്നും ഭാ​ര​വാ​ഹി​ക​ൾ അ​റി​യി​ച്ചു.