നീലേശ്വരം നഗരസഭ ബജറ്റ്; നഗരകേന്ദ്രീകൃത വികസനത്തിന് ഊന്നൽ

നീ​ലേ​ശ്വ​രം: ന​ഗ​ര കേ​ന്ദ്രീ​കൃ​ത വി​ക​സ​ന​ത്തി​നും സേ​വ​ന കാ​ര്യ​ക്ഷ​മ​ത​ക്കും ഊ​ന്ന​ൽ ന​ൽ​കി നീ​ലേ​ശ്വ​രം ന​ഗ​ര​സ​ഭ ബ​ജ​റ്റ് ധ​ന​കാ​ര്യ സ്ഥി​രം സ​മി​തി അ​ധ്യ​ക്ഷ​നും ന​ഗ​ര​സ​ഭ വൈ​സ് ചെ​യ​ർ​മാ​നു​മാ​യ പി.​പി. മു​ഹ​മ്മ​ദ് റാ​ഫി അ​വ​ത​രി​പ്പി​ച്ചു. 75.31 കോ​ടി രൂ​പ വ​ര​വും 73.23 കോ​ടി ചെ​ല​വും പ്ര​തീ​ക്ഷി​ക്കു​ന്ന ബ​ജ​റ്റാ​ണ് ന​ഗ​ര​സ​ഭ കൗ​ൺ​സി​ൽ യോ​ഗ​ത്തി​ൽ അ​വ​ത​രി​പ്പി​ച്ച​ത്.

വെ​ള്ളി​യാ​ഴ്ച ശി​ലാ​സ്ഥാ​പ​നം ന​ട​ത്തു​ന്ന പു​തി​യ ബ​സ് സ്റ്റാ​ൻ​ഡ് കം ​ഷോ​പ്പി​ങ് കോം​പ്ല​ക്സി​ന് ഒ​രു കോ​ടി രൂ​പ അ​നു​വ​ദി​ക്കും. ഫെ​ബ്രു​വ​രി 26 ന് ​ഉ​ദ്ഘാ​ട​നം ചെ​യ്യാ​നി​രി​ക്കു​ന്ന ന​ഗ​ര​സ​ഭ​യു​ടെ പു​തി​യ ആ​സ്ഥാ​ന മ​ന്ദി​ര​ത്തി​ന് ഫ​ർ​ണി​ച്ച​ർ വാ​ങ്ങു​ന്ന​തി​ന് 50 ല​ക്ഷം രൂ​പ​യും സ്മാ​ർ​ട്ട് ഓ​ഫി​സ് ആ​ക്കി മാ​റ്റു​ന്ന​തി​നും ഐ.​എ​സ്.​ഒ സ​ർ​ട്ടി​ഫി​ക്കേ​ഷ​ൻ ല​ഭ്യ​മാ​ക്കു​ന്ന​തി​നും 35 ല​ക്ഷം രൂ​പ​യും വ​ക​യി​രു​ത്തി. നി​ല​വി​ൽ ന​ഗ​ര​സ​ഭ ഓ​ഫി​സും കൃ​ഷി​ഭ​വ​നും സ്ഥി​തി ചെ​യ്യു​ന്ന സ്ഥ​ല​ങ്ങ​ളി​ൽ പു​തി​യ കെ​ട്ടി​ട​ങ്ങ​ൾ നി​ർ​മി​ക്കാ​നു​ള്ള മാ​സ്റ്റ​ർ പ്ലാ​ൻ ത​യാ​റാ​ക്കു​ന്ന​തി​ന് ര​ണ്ട് ല​ക്ഷം രൂ​പ നീ​ക്കി​വെച്ചി​ട്ടു​ണ്ട്.

ന​ഗ​ര​സ​ഭ ചെ​യ​ർ​പേ​ഴ്സ​ൻ ടി.​വി. ശാ​ന്ത അ​ധ്യ​ക്ഷ​തവ​ഹി​ച്ചു. സ്ഥി​രം സ​മി​തി അ​ധ്യ​ക്ഷ​ൻ മാ​രാ​യ കെ.​പി. ര​വീ​ന്ദ്ര​ൻ, വി. ​ഗൗ​രി, ഷം​സു​ദ്ദീ​ൻ അ​റി​ഞ്ചി​റ, ടി.​പി. ല​ത, പി. ​ഭാ​ർ​ഗ​വി, കൗ​ൺ​സി​ല​ർ​മാ​രാ​യ റ​ഫീ​ക്ക് കോ​ട്ട​പ്പു​റം, എ. ​ബാ​ല​കൃ​ഷ്ണ​ൻ, കെ.​വി. ശ​ശി​കു​മാ​ർ, അ​ൻ​വ​ർ സാ​ദി​ഖ്, ടി.​വി. ഷീ​ബ, വി​നു നി​ലാ​വ്, എം. ​ഭ​ര​ത​ൻ, വി. ​അ​ബൂ​ബ​ക്ക​ർ, എം.​കെ. വി​ന​യ​രാ​ജ്, വി.​വി. ശ്രീ​ജ, പി. ​സു​ഭാ​ഷ് എ​ന്നി​വ​ർ സം​സാ​രി​ച്ചു.