പാണത്തൂർ പരിയാരത്തും റാണിപുരത്തും കാട്ടാനക്കൂട്ടമിറങ്ങി

കാ​ഞ്ഞ​ങ്ങാ​ട്: പാ​ണ​ത്തൂ​ർ പ​രി​യാ​രം പ്ര​ദേ​ശ​ങ്ങ​ളി​ലും ടൂ​റി​സ്റ്റ് കേ​ന്ദ്ര​മാ​യ റാ​ണി​പു​ര​ത്തും കാ​ട്ടാ​ന ക്കൂട്ട​മിറ​ങ്ങി. ക​ഴി​ഞ്ഞ​ദി​വ​സം രാ​ത്രി​യി​ലും പ​ക​ലിലുമാ​യാ​ണ് ആ​ന​ക​ൾ ഇ​റ​ങ്ങി​യ​ത്. പ​രി​യാ​ര​ത്ത് ആ​റോ​ളം കാ​ട്ടാ​ന​ക​ളാ​ണ് എ​ത്തി​യ​ത്. ഇ​വി​ടെ മൂ​ന്ന് ക​ർ​ഷ​ക​രു​ടെ കൃ​ഷി ന​ശി​പ്പി​ച്ചു. നി​ര​വ​ധി ക​വു​ങ്ങു​ം തെ​ങ്ങു​ം ഇതിൽപ്പെടും. പ​രി​യാ​ര​ത്ത് രാ​ത്രി​യി​ലാ​ണ് ആ​ന​ക​ൾ ഇ​റ​ങ്ങി​യ​ത്. ജ​ന​വാ​സ കേ​ന്ദ്ര​ത്തി​ന​ടു​ത്തു​വ​രെ ആ​നയെത്തി ‘ഈ ​പ്ര​ദേ​ശ​ത്ത് പ്ലാ​ന്റേ​ഷ​ൻ കോ​ർ​പ​റേ​ഷ​ന്റെ ക​ശു​വ​ണ്ടിത്തോ​ട്ട​ത്തി​ൽ ആ​ന​ക​ൾ ഇ​റ​ങ്ങാ​റു​ണ്ടെ​ങ്കി​ലും ജ​ന​വാ​സ കേ​ന്ദ്ര​ങ്ങ​ളി​ൽ എ​ത്താ​റി​ല്ല.

തൊ​ട്ട​ടു​ത്ത് ക​ർ​ണാ​ട​ക വ​ന മേ​ഖ​ല​യാ​ണ്. ഈ ​വ​ന​ത്തി​ൽ​നി​ന്നാ​ണ് ആ​ന​ക​ൾ പ​രി​യാ​ര​ത്തെ​ത്തി​യ​ത്. മു​ൻ​വ​ർ​ഷ​ങ്ങ​ളി​ൽ പ്ലാ​ന്റേ​ഷ​നു​ക​ളി​ൽ എ​ത്തിയിരുന്നു.എ​ന്നാ​ൽ, ക​ഴി​ഞ്ഞ ര​ണ്ടു വ​ർ​ഷ​മാ​യി പ്ലാ​ന്റേ​ഷ​നു​ക​ളി​ൽ ആ​ന​ക​ളെ കാ​ണാ​റി​ല്ല. ജ​ന​വാ​സ കേ​ന്ദ്ര​ത്തി​ന​ടു​ത്ത് ആ​ന​ക്കൂ​ട്ടം എ​ത്തി​യ​ത് നാ​ട്ടു​കാ​രെ ഭീ​തി​യി​ലാ​ഴ്ത്തിയി​ട്ടു​ണ്ട്. വി​വ​ര​മ​റി​ഞ്ഞ് പ​ന​ത്ത​ടി ഫോ​റ​സ്റ്റ് സെ​ക്ഷ​ൻ ഓ​ഫി​സ​റു​ടെ നേ​തൃ​ത്വ​ത്തി​ൽ വ​ന​പാ​ല​ക​ർ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.

രാ​ത്രി​യി​ൽത​ന്നെ ആ​ന​ക്കൂ​ട്ടം കാ​ടു​ക​യ​റി​യ​തി​നാ​ൽ ഇ​വ​യെ ക​ണ്ടെ​ത്താ​നാ​യി​ട്ടി​ല്ലെ​ന്ന് വ​ന​പാ​ല​ക​ർ ‘മാ​ധ്യ​മ​’ത്തോ​ട് പ​റ​ഞ്ഞു. പ്ര​ദേ​ശ​ത്ത് നി​രീ​ക്ഷ​ണം ശ​ക്ത​മാ​ക്കി​യി​ട്ടു​ണ്ട്. റാ​ണി​പു​ര​ത്ത് രാ​ത്രി​യി​ലും പ​ക​ലും ആ​ന​ക​ളി​റ​ങ്ങി. വി​നോ​ദ​സ​ഞ്ചാ​രി​ക​ൾ കൂ​ട്ട​മാ​യി എ​ത്തു​ന്ന പ്ര​ദേ​ശ​ത്താ​ണ് മൂ​ന്ന് കാ​ട്ടാ​ന​ക​ൾ എ​ത്തി​യ​ത്.ഏ​റെ നേ​ര​ത്തി​നു​ശേ​ഷം ഇ​വ രാ​ത്രി​യി​ൽ ത​ന്നെ കാ​ടു​ക​യ​റി. ക​ഴി​ഞ്ഞ ദി​വ​സം രാ​വി​ലെ റാ​ണി​പു​രം റോ​ഡി​ൽ കാ​ട്ടാ​ന​യെ ക​ണ്ടു. വി​നോ​ദ​സ​ഞ്ചാ​രി​ക​ൾ എ​ത്തു​ന്ന റാ​ണി​പു​രം പ്ര​ധാ​ന റോ​ഡി​ലാ​ണ് പ​ക​ൽ നേ​ര​ത്ത് ഒ​രു കാ​ട്ടാ​ന​യെ ക​ണ്ട​ത്. ഈ ​പ്ര​ദേ​ശ​ത്തും കാ​ട്ടാ​ന​ക​ളെ കാ​ണു​ന്ന​ത് വി​നോ​ദ​സ​ഞ്ചാ​രി​ക​ളെ​യും ഭീ​തി​യി​ലാ​ക്കി​യി​ട്ടു​ണ്ട്. ഇ​വി​ടെ വ​ന​പാ​ല​ക​ർ നി​രീ​ക്ഷ​ണം ശ​ക്ത​മാ​ക്കി​. റാ​ണി​പു​രം ഉ​ൾ​ഭാ​ഗ​ങ്ങ​ളി​ൽ കാ​ട്ടാ​ന​യെ കാ​ണാ​റു​ണ്ടെ​ങ്കി​ലും ജ​ന​വാ​സ മേ​ഖ​ല​യി​ലേ​ക്ക് കാ​ട്ടാ​ന ഇ​റ​ങ്ങു​ന്ന​താ​ണ് ആ​ശ​ങ്ക​ക്ക് ഇ​ട​യാ​ക്കു​ന്ന​ത്.