കാലവർഷം ശക്തിപ്രാപികുന്നു; മലയോരത്ത് കുന്നിടിച്ചിലും മരം കടപുഴകി വീഴലും വ്യാപകം

കാ​ഞ്ഞ​ങ്ങാ​ട്: മ​ഴ​യി​ൽ മ​ണ്ണി​ടി​ച്ചി​ലും ശ​ക്ത​മാ​യ കാ​റ്റും കാ​ര​ണം മ​ര​ങ്ങ​ൾ ക​ട​പു​ഴ​കി​യും വ​ലി​യ ശി​ഖ​ര​ങ്ങ​ൾ പൊ​ട്ടി​വീ​ണും ഉ​ള്ള അ​പ​ക​ട​ം നി​ത്യ​സം​ഭ​വ​മാ​യി. ഏ​ത് സ​മ​യ​ത്തും വീ​ഴാ​ൻ പാ​ക​ത്തി​ൽ റോ​ഡു​വ​ക്കു​ക​ളി​ൽ ഉ​ള്ള മ​ര​ങ്ങ​ൾ യാ​ത്ര​കാ​ർ​ക്ക് വ​ലി​യ ഭീ​ഷ​ണി​യാ​ണ്. ശ​നി​യാ​ഴ്ച രാ​വി​ലെ നി​ര​വ​ധി വാ​ഹ​ന​ങ്ങ​ൾ ക​ട​ന്നു​പോ​കു​ന്ന പെ​രു​മ്പ​ട്ട-​കു​ന്നും​കൈ റോ​ഡി​ൽ മു​ള്ളി​ക്കാ​ട് റോ​ഡി​ന് കു​റു​കെ വ​ലി​യ റ​ബ​ർ മ​രം വീ​ണ് ഏ​റെ​നേ​രം ഗ​താ​ഗ​തം ത​ട​സ്സപ്പെ​ട്ടു. പെ​രി​ങ്ങോം അഗ്നിരക്ഷാസേനാസംഘം എ​ത്തി മ​രം മു​റി​ച്ചു​മാ​റ്റി ഗ​താ​ഗ​തം പു​നഃ​സ്ഥാ​പി​ച്ചു. മ​ഴ​ക്കാ​ലം എ​ത്തു​ന്ന​തി​ന് മു​മ്പ്​ വ​ഴി​യോ​ര​ങ്ങ​ളി​ൽ അ​പ​ക​ട​ക​ര​മാ​യ നി​ല​യി​ലു​ള്ള മ​ര​ങ്ങ​ൾ മു​റി​ച്ചു​മാ​റ്റാ​നു​ള്ള ശ്ര​മ​ങ്ങ​ൾ ആ​വ​ശ്യ​മാ​യി​രു​ന്നെ​ന്ന് നാ​ട്ടു​കാ​ർ അ​ഭി​പ്രാ​യ​പ്പെ​ട്ടു.

നീ​ലേ​ശ്വ​രം: കോ​ട്ട​പ്പു​റം ഗ​വ. ഹ​യ​ർ സെ​ക്ക​ൻ​ഡ​റി സ്​​കൂ​ൾ പ​രി​സ​ര​ത്തെ അ​പ​ക​ട​വ​സ്ഥ​യി​ലു​ള്ള മ​ര​ങ്ങ​ൾ എ​ത്ര​യും​വേ​ഗം മു​റി​ച്ചു​മാ​റ്റ​ണ​മെ​ന്ന് ആ​വ​ശ്യ​പ്പെ​ട്ട് ജി​ല്ല ക​ല​ക്​​ട​ർ കെ. ​ഇ​മ്പ​ശേ​ഖ​റി​ന് നി​വേ​ദ​നം ന​ൽ​കി. വാ​ർ​ഡ് കൗ​ൺ​സി​ല​ർ റ​ഫീ​ക്ക് കോ​ട്ട​പ്പു​റ​മാ​ണ് നി​വേ​ദ​നം ന​ൽ​കി​യ​ത്.

അ​പ​ക​ട ഭീ​ഷ​ണി​യു​യ​ർ​ത്തി നി​ൽ​ക്കു​ന്ന മ​ര​ത്തി​ന്റെ വാ​ർ​ത്ത നേ​ര​ത്തേ ‘മാ​ധ്യ​മം’ പ്ര​സി​ദ്ധീ​ക​രി​ച്ചി​രു​ന്നു. ന​ഗ​ര​സ​ഭ വൈ​സ് ചെ​യ​ർ​മാ​ൻ പി.​പി. മു​ഹ​മ്മ​ദ്‌ റാ​ഫി, കൗ​ൺ​സി​ല​ർ​മാ​രാ​യ ഇ. ​ഷ​ജീ​ർ, കെ. ​അ​ബൂ​ബ​ക്ക​ർ, ടി.​വി. ഷീ​ബ എ​ന്നി​വ​രും സ​ന്നി​ഹി​ത​രാ​യി​രു​ന്നു.