ദൂരപരിധി ലംഘിച്ച് മത്സ്യബന്ധനം; അഞ്ച് ബോട്ടുകൾക്കെതിരെ കേസ്

ത​ല​ശ്ശേ​രി: ദൂ​ര​പ​രി​ധി നി​യ​മം ലം​ഘി​ച്ച് മ​ത്സ്യ​ബ​ന്ധ​നം ന​ട​ത്തി​യ അ​ഞ്ച് ബോ​ട്ടു​ക​ൾ​ക്കെ​തി​രെ ത​ല​ശ്ശേ​രി കോ​സ്റ്റ​ൽ പൊ​ലീ​സ് കേ​സെ​ടു​ത്തു. പി​ടി​കൂ​ടി​യ ബോ​ട്ടു​ക​ൾ​ക്ക് ക​ന​ത്ത പി​ഴ ചു​മ​ത്തു​ന്ന​തിലും ജോ​ലി ത​ട​സ്സ​പ്പെ​ടു​ത്തു​ന്ന​തി​ലും ബോ​ട്ടു​ട​മ​ക​ൾ ത​ലാ​യി ഹാ​ർ​ബ​റി​ൽ പ്ര​തി​ഷേ​ധി​ച്ചു.

പൊ​ലീ​സു​മാ​യി തൊ​ഴി​ലാ​ളി​ക​ൾ വാ​ക്കേ​റ്റ​വും ബ​ഹ​ള​വു​മു​ണ്ടാ​യി. ഇ​രു​കൂ​ട്ട​രും സം​യ​മ​നം പാ​ലി​ച്ച​തി​നാ​ൽ അ​നി​ഷ്ട സം​ഭ​വ​ങ്ങ​ളു​ണ്ടാ​യി​ല്ല. തീ​ര​ത്തു​നി​ന്നും അ​ഞ്ച് നോ​ട്ടി​ക്ക​ൽ മൈ​ൽ ദൂ​ര​ത്തി​ന് അ​പ്പു​റ​ത്തു​ള​ള ക​ട​ലി​ൽ മാ​ത്ര​മേ ചെ​റി​യ ബോ​ട്ടു​ക​ൾ​ക്ക് മ​ത്സ്യ​ബ​ന്ധ​ന​ത്തി​ന് അ​നു​വാ​ദ​മു​ള്ളൂ. ഇ​ത് ലം​ഘി​ച്ച് ധ​ർ​മ​ടം, മു​ഴ​പ്പി​ല​ങ്ങാ​ട് ഭാ​ഗ​ത്ത് ഒ​ന്ന​ര നോ​ട്ടി​ക്ക​ൽ മൈ​ലി​നു​ള്ളി​ൽ​നി​ന്ന് ക​രി​ക്കാ​ടി, മാ​ന്ത​ൽ തു​ട​ങ്ങി​യ​വ പി​ടി​ക്കു​ന്ന​താ​യി ശ്ര​ദ്ധ​യി​ൽ പെ​ട്ട​തി​നെ​തു​ട​ർ​ന്നാ​ണ് ബോ​ട്ടു​ക​ൾ​ക്കെ​തി​രെ നി​യ​മ​ന​ട​പ​ടി തു​ട​ങ്ങി​യ​തെ​ന്ന് കോ​സ്റ്റ​ൽ പൊ​ലീ​സ് ഇ​ൻ​സ്പെ​ക്ട​ർ പി. ​ശ്രീ​കു​മാ​ർ പ​റ​ഞ്ഞു. നി​ല​വി​ലു​ള്ള നി​യ​മ​ത്തെ​പ്പറ്റി ബോ​ട്ടു​കാ​രെ ബോ​ധ്യ​പ്പെ​ടു​ത്തി​യെ​ന്നും ലം​ഘി​ച്ചാ​ൽ ന​ട​പ​ടി സ്വീ​ക​രി​ക്കേ​ണ്ടി​വ​രു​മെ​ന്ന് അ​റി​യി​ച്ച​താ​യും അ​ദ്ദേ​ഹം പ​റ​ഞ്ഞു.

ഡി.​സി.​സി അം​ഗം കെ. ​ശി​വ​ദാ​സ​ൻ, ത​ല​ശ്ശേ​രി ബ്ലോ​ക്ക് കോ​ൺ​ഗ്ര​സ് ജ​ന​റ​ൽ സെക്രട്ട​റി എം.​വി. സ​തീ​ശ​ൻ. യൂ​ത്ത് ലീ​ഗ് നേ​താ​വ് റ​ഷീ​ദ് ത​ലാ​യി എ​ന്നി​വ​രും ഹാ​ർ​ബ​റി​ലെ​ത്തി പൊ​ലീ​സു​മാ​യി വി​ഷ​യം സം​സാ​രി​ച്ചു. 40 മീ​റ്റ​ർ വ​ലുപ്പ​മു​ള്ള ബോ​ട്ടു​ക​ൾ ക​ട​ൽ നി​യ​മ​ങ്ങ​ൾ പാ​ലി​ച്ചു മാ​ത്ര​മാ​ണ് ത​ലാ​യി​യി​ൽ മ​ത്സ്യം പി​ടി​ക്കു​ന്ന​ത്. എ​ന്നാ​ൽ, 110 മീ​റ്റ​ർ വ​ലുപ്പ​മു​ള്ള യ​ന്ത്ര​വ​ൽ​കൃ​ത ബോ​ട്ടു​ക​ൾ ആ​ഴ​ക്ക​ട​ലി​ൽ മ​ത്സ്യം പി​ടി​ക്കു​ന്ന​തി​നു പ​ക​രം ക​ര​യി​ൽ​നി​ന്ന് മൂ​ന്ന് നോ​ട്ടി​ക്ക​ൽ മൈ​ലി​ൽ പോ​ലും വ​ന്ന് മ​ത്സ്യം​പി​ടി​ക്കു​ന്നു. ഇ​ത് ത​ട​യാ​ത്ത തീ​ര​ദേ​ശ പൊ​ലീ​സ് വ​ലി​യ യ​ന്ത്ര​വ​ത്കൃ​ത ബോ​ട്ടു​ക​ളെ​യും ബോ​ട്ടു​ട​മ​ക​ളെ​യും സ​ഹാ​യി​ക്കാ​നാ​ണ് ചെ​റി​യ ബോ​ട്ടു​ക​ൾ പി​ടി​ക്കു​ന്ന​തെ​ന്ന് ഇ​രു​വ​രും ആ​രോ​പി​ച്ചു.

വ​ലി​യ യ​ന്ത്ര​വ​ത്കൃ​ത ബോ​ട്ടു​ക​ൾ​ക്ക് ക​ട​ലി​ൽ യ​ഥേ​ഷ്ടം എ​വി​ടെ​യും മ​ത്സ്യം പി​ടി​ക്കാ​ൻ കൂ​ട്ടു​നി​ൽ​ക്കു​ന്ന തീ​ര​ദേ​ശ പൊ​ലീ​സ്, ചെ​റി​യ ബോ​ട്ടു​ക​ൾ അ​ന്യാ​യ​മാ​യി പി​ടി​ച്ചെ​ടു​ത്ത് വ​ൻ പി​ഴ ഈ​ടാ​ക്കു​ന്ന​ത് ത​ട​യ​ണ​മെ​ന്ന് ആ​വ​ശ്യ​പ്പെ​ട്ട് ഇ​രു​വ​രും ഫി​ഷ​റീ​സ് മ​ന്ത്രി, ഫി​ഷ​റീ​സ് ഡ​പ്യൂ​ട്ടി ഡ​യ​റ​ക്ട​ർ എ​ന്നി​വ​ർ​ക്ക് നി​വേ​ദ​ന​മ​യ​ച്ചു.