ഡ്രൈവിങ് പഠനം; നിയമലംഘനത്തിന് അധികൃതർ കൂട്ട്

ശ്രീ​ക​ണ്ഠ​പു​രം: ഏ​തു നി​യ​മ​വും ലം​ഘി​ക്കാ​ൻ മോ​ട്ടോ​ർ വാ​ഹ​ന വ​കു​പ്പി​ൽ ചി​ല​ർ കൂ​ട്ടു​ള്ള​പ്പോ​ൾ ഡ്രൈ​വി​ങ് സ്കൂ​ളു​ക​ൾ​ക്കും ഡ്രൈ​വി​ങ് പ​രി​ശീ​ല​ന​ത്തി​നും ഇ​വി​ടെ എ​ന്തു​മാ​വാം. ക​ണ്ണൂ​ർ വി​ജി​ല​ൻ​സ് ഡി​വൈ.​എ​സ്.​പി ബാ​ബു പെ​രി​ങ്ങേ​ത്തി​ന്റെ നേ​തൃ​ത്വ​ത്തി​ൽ ക​ഴി​ഞ്ഞ​ദി​വ​സം ന​ട​ത്തി​യ ഓ​പ​റേ​ഷ​ൻ സ്റ്റെ​പ്പി​നി​യി​ലാ​ണ് വ്യാ​പ​ക ക്ര​മ​ക്കേ​ടു​ക​ൾ ക​ണ്ടെ​ത്തി​യ​ത്. ഡ്രൈ​വി​ങ് സ്കൂ​ളു​ക​ളി​ലും പ​രി​ശീ​ല​നം ന​ൽ​കു​ന്ന വാ​ഹ​ന​ങ്ങ​ളി​ലും ആ​ർ.​ടി.​ഒ ടെ​സ്റ്റ് ഗ്രൗ​ണ്ടു​ക​ളി​ലു​മാ​യി​രു​ന്നു പ​രി​ശോ​ധ​ന.

ക​ർ​ശ​ന നി​യ​മ​വും മാ​ർ​ഗ​നി​ർ​ദേ​ശ​ങ്ങ​ളും ക​ട​ലാ​സി​ൽ ചു​രു​ട്ടി​വെ​ച്ച് പ​ര​സ്യ​മാ​യി നി​യ​മ​ലം​ഘ​നം ന​ട​ത്തു​ന്ന നി​ര​വ​ധി ഡ്രൈ​വി​ങ് സ്കൂ​ളു​ക​ൾ ജി​ല്ല​യി​ൽ വി​വി​ധ ഭാ​ഗ​ങ്ങ​ളി​ൽ പ്ര​വ​ർ​ത്തി​ക്കു​ന്ന​താ​യി ക​ണ്ടെ​ത്തു​ക​യാ​യി​രു​ന്നു. ത​ളി​പ്പ​റ​മ്പ് ചി​റ​വ​ക്ക്, ടൗ​ണ്‍, പ​ഴ​യ​ങ്ങാ​ടി, ക​ണ്ണൂ​ര്‍ ടൗ​ണ്‍, ത​ല​ശ്ശേ​രി എ​ന്നി​വി​ട​ങ്ങ​ളി​ലെ ഡ്രൈ​വി​ങ് പ​രി​ശീ​ല​ന കേ​ന്ദ്ര​ങ്ങ​ളി​ലെ​ല്ലാം വ​ന്‍ ക്ര​മ​ക്കേ​ട് ക​ണ്ടെ​ത്തി​യി​ട്ടു​ണ്ട്.

ക​ണ്ണൂ​ര്‍ ആ​ര്‍.​ടി.​ഒ ഓ​ഫി​സി​ന് സ​മീ​പ​ത്തെ ഹു​സ്‌​ന ഡ്രൈ​വി​ങ് സ്‌​കൂ​ള്‍ ലൈ​സ​ന്‍സി​ല്ലാ​തെ​യാ​ണ് പ്ര​വ​ര്‍ത്തി​ക്കു​ന്ന​തെ​ന്ന് ക​ണ്ടെ​ത്തി. 2021ല്‍ ​ലൈ​സ​ന്‍സ് കാ​ലാ​വ​ധി ക​ഴി​ഞ്ഞ​താ​ണ് ഈ ​ഡ്രൈ​വി​ങ്‌ സ്‌​കൂ​ളി​ന്റേ​ത്. എ​ന്നാ​ല്‍ ഡ്രൈ​വി​ങ്‌ പ​രി​ശീ​ല​നം ഉ​ള്‍പ്പെ​ടെ എ​ല്ലാ ഇ​ട​പാ​ടു​ക​ളും ഇ​വി​ടെ​നി​ന്ന് ന​ട​ത്തു​ന്ന​താ​യാ​ണ് ക​ണ്ടെ​ത്തി​യ​ത്.

ഇ​തി​നു സ​മീ​പ​ത്താ​യി അ​ന​ധി​കൃ​ത​മാ​യി പ്ര​വ​ർ​ത്തി​ച്ച​തി​നാ​ൽ നേ​ര​ത്തെ വി​ജി​ല​ൻ​സ് ഇ​ട​പെ​ട​ലി​ലൂ​ടെ പൂ​ട്ടി​ച്ച ഡ്രൈ​വി​ങ്‌ സ്കൂ​ൾ ഇ​പ്പോ​ൾ പേ​രു​മാ​റ്റി ഡ്രൈ​വി​ങ്‌ സ​ഹാ​യകേ​ന്ദ്ര​മാ​യി പ്ര​വ​ർ​ത്തി​ക്കു​ന്ന​താ​യും ക​ണ്ടെ​ത്തി. പ​രി​ശീ​ല​ന കേ​ന്ദ്ര​ങ്ങ​ളി​ല്‍ വേ​ണ്ട​ത്ര യോ​ഗ്യ​ത​യി​ല്ലാ​ത്ത​വ​രാ​ണ് പ​ഠി​പ്പി​ക്കു​ന്ന​തെ​ന്നും ക​ണ്ടെ​ത്തി​യി​ട്ടു​ണ്ട്.

പ​ഠി​പ്പി​ക്കു​ന്ന വാ​ഹ​ന​ങ്ങ​ളി​ല്‍ ഡ്യു​വ​ല്‍ സി​സ്റ്റം വേ​ണ​മെ​ന്നാ​ണ് നി​യ​മം. പ​ഠി​താ​വി​നും പ​ഠി​പ്പി​ക്കു​ന്ന​യാ​ള്‍ക്കും വാ​ഹ​നം നി​യ​ന്ത്രി​ക്കാ​ന്‍ ക​ഴി​യു​ന്ന​താ​ണ് ഇ​ര​ട്ട സം​വി​ധാ​നം. എ​ന്നാ​ല്‍, അ​പൂ​ര്‍വം വാ​ഹ​ന​ങ്ങ​ളി​ല്‍ മാ​ത്ര​മാ​ണ് ഈ ​സം​വി​ധാ​ന​മു​ള്ള​തെ​ന്ന് ക​ണ്ടെ​ത്തി.

മോ​ട്ടോ​ർ വാ​ഹ​ന വ​കു​പ്പി​ന്റെ യ​ഥാ​ർ​ഥ അ​നു​മ​തി​യി​ല്ലാ​തെ തോ​ന്നി​യ​പോ​ലെ വി​വി​ധ വ​ണ്ടി​ക​ളി​ൽ ഇ​ര​ട്ട ഡ്രൈ​വി​ങ്‌ നി​യ​ന്ത്ര​ണ സം​വി​ധാ​നം ഒ​രു​ക്കി​യ​താ​യും ക​ണ്ടെ​ത്തി. പ​ഠി​താ​ക്ക​ളെ കേ​ന്ദ്ര​ങ്ങ​ളി​ല്‍ ഇ​രു​ത്തി ഡ്രൈ​വി​ങ്‌ നി​യ​മ​ങ്ങ​ളെ​ക്കു​റി​ച്ചും മ​റ്റും പ​ഠി​പ്പി​ക്ക​ണ​മെ​ന്നാ​ണ് ച​ട്ടം. എ​ന്നാ​ല്‍ മി​ക്ക ഡ്രൈ​വി​ങ്‌ സ്‌​കൂ​ളു​ക​ള്‍ക്കും നി​ല​വാ​ര​മു​ള്ള ഓ​ഫി​സ് പോ​ലു​മി​ല്ലെ​ന്ന് ക​ണ്ടെ​ത്തി​യി​ട്ടു​ണ്ട്.

വാ​ഹ​ന​ങ്ങ​ളു​ടെ എ​ൻജിന്‍ ഭാ​ഗ​ങ്ങ​ളെപ​റ്റി​യും ഡ്രൈ​വി​ങ്‌ ടെ​സ്റ്റി​ന് എ​ത്തു​ന്ന​വ​രെ പ​ഠി​പ്പി​ക്ക​ണം. എ​ന്നാ​ല്‍ ഇ​ത്ത​ര​മൊ​രു സം​വി​ധാ​നം ഡ്രൈ​വി​ങ്‌ സ്‌​കൂ​ളു​ക​ളി​ല്‍ പ​ല​യി​ട​ത്തും ഇ​ല്ല. പ്രാ​ക്ടി​ക്ക​ല്‍ പ​ഠ​നം പോ​ലും കൃ​ത്യ​മാ​യ​ല്ല ന​ട​ക്കു​ന്ന​ത്. പ​ല ഡ്രൈ​വി​ങ്‌ സ്‌​കൂ​ളു​ക​ള്‍ക്കും ബോ​ര്‍ഡ് സ്ഥാ​പി​ച്ച​ത​ല്ലാ​തെ അ​വ നി​യ​മാ​നു​സ​ര​ണം രേ​ഖ​ക​ളും മ​റ്റും സൂ​ക്ഷി​ച്ച് തു​റ​ന്ന് പ്ര​വ​ര്‍ത്തി​ക്കാ​റി​ല്ലെ​ന്നും ക​ണ്ടെ​ത്തി​യി​ട്ടു​ണ്ട്.

തോ​ന്നി​യ​തു​പോ​ലു​ള്ള ഫീ​സാ​ണ് വി​വി​ധ ഡ്രൈ​വി​ങ്‌ സ്‌​കൂ​ളു​ക​ളി​ല്‍ നി​ന്ന് ഈ​ടാ​ക്കു​ന്ന​തെ​ന്നും വ്യ​ക്ത​മാ​യി. ര​ജി​സ്റ്റ​ര്‍ തു​ട​ങ്ങി​യ​വ​യും സൂ​ക്ഷി​ക്കാ​റി​ല്ല. ആ​ളു​ക​ളെ വ​ണ്ടി ഓ​ടി​ക്കാ​ൻ പ​ഠി​പ്പി​ക്കു​ന്ന റൂ​ട്ട് ആ​ര്‍.​ടി.​ഒ ഓ​ഫി​സി​ല്‍ അ​റി​യി​ക്ക​ണ​മെ​ന്ന് നി​യ​മ​മു​ണ്ടെ​ങ്കി​ലും അ​ത് പാ​ലി​ക്കാ​റി​ല്ലെ​ന്നും ക​ണ്ടെ​ത്തി.

എ.​ഐ കാ​മ​റ സ്ഥാ​പി​ക്കാ​ൻ മ​ത്സ​രി​ച്ചി​റ​ങ്ങി​യ മോ​ട്ടോ​ർ വാ​ഹ​ന വ​കു​പ്പ് ഡ്രൈ​വി​ങ്‌ ടെ​സ്റ്റ് കേ​ന്ദ്ര​ങ്ങ​ളി​ലെ കാ​മ​റ പ്ര​വ​ർ​ത്തി​പ്പി​ക്കാ​ൻ ത​യാ​റ​ല്ലെ​ന്നും ക​ണ്ടെ​ത്തി. ചി​ല​യി​ട​ങ്ങ​ളി​ൽ ത​ക​രാ​റി​ലാ​യ​തും മ​റ്റി​ട​ങ്ങ​ളി​ൽ മ​നഃ​പൂ​ർ​വം ത​ക​രാ​റാ​ക്കി​യ​താ​ണെ​ന്നും തെ​ളി​ഞ്ഞു.

ത​ളി​പ്പ​റ​മ്പി​ല്‍ ഡ്രൈ​വി​ങ്‌ ടെ​സ്റ്റ് ഗ്രൗ​ണ്ടി​ല്‍ മാ​സ​ങ്ങ​ളാ​യി കാ​മ​റ പ്ര​വ​ര്‍ത്ത​ന​ര​ഹി​ത​മാ​ണ്. ഇ​തു​കാ​ര​ണം ഒ​ട്ടേ​റെ ക്ര​മ​ക്കേ​ടു​ക​ള്‍ ന​ട​ത്താ​ന്‍ ക​ഴി​യു​ന്നു​ണ്ടെ​ന്നും വ്യ​ക്ത​മാ​യി. ഡ്രൈ​വി​ങ്‌ സ്കൂ​ളു​ക​ളു​ടെ ബോ​ർ​ഡ് സ്ഥാ​പി​ച്ചാ​ൽ പി​ന്നെ ആ​ർ.​ടി.​ഒ ഓ​ഫി​സ് പ​രി​സ​ര​ത്ത് ചു​റ്റി​ക്ക​റ​ങ്ങി ഇ​ട​പാ​ടു​ക​ൾ ത​ര​പ്പെ​ടു​ത്തി​ക്കൊ​ടു​ക്കു​ന്ന വ​ലി​യ ഏ​ജ​ൻ​റു​മാ​ർ ത​ന്നെ പ്ര​വ​ർ​ത്തി​ക്കു​ന്നു​ണ്ട്.

ഇ​വ​രാ​ണ് വാ​ഹ​ന സം​ബ​ന്ധ​മാ​യ ആ​വ​ശ്യ​ങ്ങ​ൾ​ക്ക് എ​ത്തു​ന്ന​വ​രെ സ​മീ​പി​ച്ച് വ​ൻ തു​ക കൈ​മ​ട​ക്ക് വാ​ങ്ങി ഉ​ദ്യോ​ഗ​സ്ഥ​ർ​ക്ക് ന​ൽ​കു​ന്ന​തെ​ന്നും വ്യ​ക്ത​മാ​യി. കൈ​മ​ട​ക്ക് കൃ​ത്യ​മാ​യി കി​ട്ടു​ന്ന​തി​നാ​ൽ ഏ​ജ​ൻ​റു​മാ​രു​ടെ മു​ന്നി​ൽ ഉ​ദ്യോ​ഗ​സ്ഥ​ർ​ക്ക് എ​തി​ര​ഭി​പ്രാ​യ​മു​ണ്ടാ​വാ​റി​ല്ല. അ​തു ത​ന്നെ​യാ​ണ് ഡ്രൈ​വി​ങ്‌ സ്കൂ​ളു​ക​ളും പ​രി​ശീ​ല​ന​വും തോ​ന്നി​യ​പോ​ലെ​യാ​യി​ട്ടും അ​ധി​കൃ​ത​ർ ക​ണ്ണ​ട​ക്കു​വാ​ൻ കാ​ര​ണം.

ക​ണ്ണൂ​രി​ലും ത​ല​ശ്ശേ​രി​യി​ലും ത​ളി​പ്പ​റ​മ്പി​ലും പ​യ്യ​ന്നൂ​രി​ലും ആ​ർ.​ടി.​ഒ ഓ​ഫി​സു​ക​ളി​ൽ വ​ൻ തു​ക കൈ​ക്കൂ​ലി പ​ണ​മാ​യി ദി​നം​പ്ര​തി എ​ത്തു​ന്നു​ണ്ടെ​ന്ന് വി​ജി​ല​ൻ​സി​ന് വി​വ​രം ല​ഭി​ച്ചി​ട്ടു​മു​ണ്ട്. മു​ൻ വ​ർ​ഷ​ങ്ങ​ളി​ൽ ഇ​വി​ട​ങ്ങ​ളി​ൽ നി​ന്നെ​ല്ലാം കൈ​ക്കൂ​ലി പി​ടി​കൂ​ടി​യ സം​ഭ​വ​വു​മു​ണ്ടാ​യി​രു​ന്നു. ഏ​ജ​ന്റു​മാ​രാ​ണ് പ​ണം വാ​ങ്ങി ഉ​ദ്യോ​ഗ​സ്ഥ​ർ​ക്ക് ന​ൽ​കു​ന്ന​ത് എ​ന്ന​തി​നാ​ൽ അ​വ​രെ​ക്കൂ​ടി പ്ര​തി​ചേ​ർ​ക്കാ​നും തീ​രു​മാ​നി​ച്ചി​ട്ടു​ണ്ട്.

ഓ​ൺ​ലൈ​ൻ സം​വി​ധാ​നം വ​ന്നി​ട്ടു​പോ​ലും അ​തേ​പ്പറ്റി ജ​ന​ങ്ങ​ളെ ബോ​ധ​വ​ത്ക​രി​ക്കാ​ത്ത​തി​നാ​ലാ​ണ് മോ​ട്ടോ​ർ വാ​ഹ​ന വ​കു​പ്പി​ൽ ഇ​പ്പോ​ഴും ക്ര​മ​ക്കേ​ട് ന​ട​ക്കു​ന്ന​ത്. ഏ​ജ​ൻ​റു​മാ​രെ ക​ണ്ട് പ​ണം ന​ൽ​കി​യാ​ൽ വ​ണ്ടി​യു​ടെ ആ​ർ.​സി മാ​റ്റം, ബ്രേ​ക്ക് എ​ടു​ക്ക​ൽ, ഡ്രൈ​വി​ങ്‌ ടെ​സ്റ്റ് തു​ട​ങ്ങി​വ​യെ​ല്ലാം ആ​വ​ശ്യ​ക്കാ​ർ പോ​കാ​തെ​ത​ന്നെ ന​ട​ന്നു കി​ട്ടു​ന്ന​താ​യും ചി​ല​ർ വി​ജി​ല​ൻ​സി​ന് വി​വ​രം ന​ൽ​കി​യി​ട്ടു​ണ്ട്.

ത​ട്ടി​പ്പ് തു​ട​രു​ന്ന സാ​ഹ​ച​ര്യ​ത്തി​ൽ ഡ്രൈ​വി​ങ്‌ സ്കൂ​ളു​ക​ളി​ലും ഗ്രൗ​ണ്ടു​ക​ളി​ലും ആ​ർ.​ടി.​ഒ ഓ​ഫി​സു​ക​ളി​ലും തു​ട​ർ​പ​രി​ശോ​ധ​ന ന​ട​ത്തു​മെ​ന്നും ക​ണ്ടെ​ത്തി​യ ക്ര​മ​ക്കേ​ടു​ക​ൾ സം​ബ​ന്ധി​ച്ച റി​പ്പോ​ർ​ട്ട് സ​ർ​ക്കാ​രി​ന് സ​മ​ർ​പ്പി​ച്ച് ന​ട​പ​ടി​ക്ക് ശി​പാ​ർ​ശ ചെ​യ്യു​മെ​ന്നും ഡി​വൈ.​എ​സ്.​പി ബാ​ബു പെ​രി​ങ്ങേ​ത്ത് പ​റ​ഞ്ഞു. ത​ളി​പ്പ​റ​മ്പി​ല്‍ വി​ജി​ല​ൻ​സ് സി.​ഐ വി​നോ​ദ്, എ​സ്.​ഐ ഗി​രീ​ഷ്, ക​ണ്ണൂ​രി​ല്‍ സി.​ഐ അ​ജി​ത്കു​മാ​ര്‍, ത​ല​ശ്ശേ​രി​യി​ല്‍ സി.​ഐ രാ​ജേ​ഷ്‌​കു​മാ​ര്‍ എ​ന്നി​വ​രും പ​രി​ശോ​ധ​ന​ക്ക് നേ​തൃ​ത്വം ന​ല്‍കി.