ക​ണ്ണൂ​ര്‍ സി​റ്റി റോ​ഡ് ഇം​പ്രൂ​വ്മെ​ന്റ് പ​ദ്ധ​തിക്ക് ഒടുവിൽ പച്ചക്കൊടി

ക​ണ്ണൂ​ർ: ന​​ഗ​​ര​​ത്തി​​ലെ ഗ​​താ​​ഗ​​ത​​ക്കു​​രു​​ക്കി​​ന് പ​​രി​​ഹാ​​ര​​മാ​​കു​​ന്ന ക​​ണ്ണൂ​​ര്‍ സി​​റ്റി റോ​​ഡ് ഇം​​പ്രൂ​​വ്മെ​​ന്റ് പ​​ദ്ധ​​തി​ക്ക് ഒ​ടു​വി​ൽ പ​ച്ച​ക്കൊ​ടി. പ​ദ്ധ​തി​യു​ടെ ആ​ദ്യ​ഘ​ട്ട​ത്തി​ന് 16.15 കോ​ടി രൂ​പ​യു​ടെ ഭ​ര​ണാ​നു​മ​തി ന​ല്‍കി പൊ​തു​മ​രാ​മ​ത്ത് വ​കു​പ്പ് ഉ​ത്ത​ര​വാ​യി. ഒ​ന്നാം ഘ​ട്ട​ത്തി​ലെ മൂ​ന്ന് റോ​ഡു​ക​ളു​ടെ ന​വീ​ക​ര​ണ​ത്തി​നാ​ണ് തു​ക അ​നു​വ​ദി​ച്ച​ത്. ഇ​തോ​ടെ ഇ​ന്ന​ര്‍ റി​ങ് റോ​ഡ്, പ​ട്ടാ​ളം റോ​ഡ്, ജ​യി​ല്‍ റോ​ഡ് എ​ന്നി​വ​യു​ടെ ന​വീ​ക​ര​ണ പ്ര​വൃ​ത്തി ഉ​ട​ൻ ആ​രം​ഭി​ക്കാ​നാ​കും. കേ​ര​ള റോ​ഡ് ഫ​ണ്ട് ബോ​ര്‍ഡി​നാ​ണ് നി​ർമാ​ണ ചു​മ​ത​ല.

വ​ർ​ഷ​ങ്ങ​ളാ​യി വി​വി​ധ കാ​ര​ണ​ങ്ങ​ളാ​യി നീ​ണ്ടു​പോ​യ പ​ദ്ധ​തി​യാ​ണ് ഒ​ടു​വി​ൽ ട്രാ​ക്കി​ലാ​കു​ന്ന​ത്. ക​​ണ്ണൂ​​രി​​ലെ ഗ​​താ​​ഗ​​ത​​ക്കു​​രു​​ക്ക് പ​​രി​​ഹ​​രി​​ക്കു​​ന്ന​​തി​​നാ​​യി ന​​ഗ​​ര​​ത്തി​​ലൂ​​ടെ ക​​ട​​ന്നു​​പോ​​കു​​ന്ന 11 റോ​​ഡു​​ക​​ള്‍ വീ​​തി കൂ​​ട്ടി അ​​ന്താ​​രാ​​ഷ്ട്ര നി​​ല​​വാ​​ര​​ത്തി​​ലേ​​ക്ക് ഉ​​യ​​ര്‍ത്തു​​ന്ന ക​​ണ്ണൂ​​ര്‍ സി​​റ്റി റോ​​ഡ് ഇം​​പ്രൂ​​വ്‌​​മെ​​ന്റ് പ​​ദ്ധ​​തി​​ക്കാ​​യി 738 കോ​​ടി രൂ​​പ​​യാ​​ണ് സ​​ര്‍ക്കാ​​ര്‍ അ​​നു​​വ​​ദി​​ച്ചി​രു​ന്ന​ത്. നി​യ​മ​ക്കു​രു​ക്ക​ട​ക്ക​മു​ള്ള വി​വി​ധ കാ​ര​ണ​ങ്ങ​ളാ​ലാ​ണ് പ​ദ്ധ​തി അ​ന​ന്ത​മാ​യി നീ​ണ്ട​ത്.

പ​ദ്ധ​തി വേ​​ഗ​​ത്തി​​ലാ​​ക്കാ​​ന്‍ എ.​​ഡി.​​എം, ജ​​ന​​പ്ര​​തി​​നി​​ധി​​ക​​ള്‍, ഹൈ​​കോ​​ട​​തി പ്ലീ​​ഡ​​ര്‍ തു​​ട​​ങ്ങി​​യ​​വ​​രു​​ടെ സാ​​ന്നി​​ധ്യ​​ത്തി​​ല്‍ ക​ഴി​ഞ്ഞ ദി​വ​സം ക​ല​ക്ട​റേ​റ്റി​ൽ പ്ര​​ത്യേ​​ക യോ​​ഗം ചേ​​ര്‍ന്നി​രു​ന്നു. പ​​ദ്ധ​​തി​​ക്കെ​​തി​​രെ നി​​ല​​നി​​ല്‍ക്കു​​ന്ന കേ​​സു​​ക​​ള്‍ വേ​​ഗ​​ത്തി​​ല്‍ തീ​​ര്‍പ്പാ​​ക്കാ​​ന്‍ ആ​​വ​​ശ്യ​​മാ​​യ ഇ​​ട​​പെ​​ട​​ലു​​ക​​ള്‍ ന​​ട​​ത്താ​​ന്‍ എ.​ജി​​യു​​ടെ നി​​ര്‍ദേ​​ശ പ്ര​​കാ​​ര​​മാ​​ണ് യോ​​ഗം ചേ​​ര്‍ന്ന​​ത്. വി​​ക​​സ​​ന​​വു​​മാ​​യി ബ​​ന്ധ​​പ്പെ​​ട്ട് കേ​​സി​​ൽപെ​​ട്ട റോ​​ഡു​​ക​​ളി​​ല്‍ ഒ​​രാ​​ഴ്ച​​ക്ക​​കം എ​​തി​​ര്‍ സ​​ത്യ​​വാ​​ങ്മൂ​​ലം ന​​ല്‍കാ​​നും കാ​​ര്യ വി​​വ​​ര​​പ​​ട്ടി​​ക ഹൈ​​കോ​​ട​​തി​​യി​​ല്‍ സ​​മ​​ര്‍പ്പി​​ക്കാ​​നും തീ​​രു​​മാ​​നി​​ച്ചി​രു​ന്നു.

ഒ​ടു​വി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ന്റെ അ​ധ്യ​ക്ഷ​ത​യി​ല്‍ ചേ​ര്‍ന്ന യോ​ഗ​ത്തി​ൽ സ്ഥ​ലം ഏ​റ്റെ​ടു​ക്ക​ല്‍ ആ​വ​ശ്യ​മി​ല്ലാ​ത്ത ഒ​ന്നാം​ഘ​ട്ട പ്ര​വൃ​ത്തി ആ​രം​ഭി​ക്കാ​ന്‍ നി​ര്‍ദേ​ശം ന​ല്‍കു​ക​യാ​യി​രു​ന്നു. ര​ണ്ടാം​ഘ​ട്ട​ത്തി​ല്‍ മ​ന്ന ജങ്ഷ​ന്‍ പു​തി​യ എ​ന്‍.​എ​ച്ച് ബൈ​പ്പാ​സ്, പൊ​ടി​ക്കു​ണ്ട്-​കൊ​റ്റാ​ളി റോ​ഡ്, ത​യ്യി​ല്‍ -തെ​ഴു​ക്കി​ല പീ​ടി​ക റോ​ഡ്, കു​ഞ്ഞി​പ്പ​ള്ളി-​പു​ല്ലൂ​പ്പി റോ​ഡ് എ​ന്നി​വ​യും മൂ​ന്നാം​ഘ​ട്ട​ത്തി​ല്‍ ചാ​ലാ​ട്-​കു​ഞ്ഞി​പ്പ​ള്ളി റോ​ഡ്, മി​നി ബൈ​പാ​സ് റോ​ഡ്, ക​ക്കാ​ട് -മു​ണ്ട​യാ​ട് റോ​ഡ്, പ്ലാ​സ ജങ്ഷ​ന്‍ - ജെ​ടി എ​സ് റോ​ഡ് എ​ന്നി​വ​യും ന​വീ​ക​രി​ക്കും.