Begin typing your search above and press return to search.
exit_to_app
exit_to_app
Posted On
date_range 8 Aug 2022 6:56 PM GMT Updated On
date_range 8 Aug 2022 6:56 PM GMTസ്വാതന്ത്ര്യ ദിനാഘോഷത്തിന് ഒരുങ്ങി അടിമാലി
text_fieldsbookmark_border
അടിമാലി: സ്വാതന്ത്ര്യദിനാഘോഷം വർണാഭമാക്കാൻ അടിമാലി ഒരുങ്ങുന്നു. സംസ്ഥാനത്തുതന്നെ ഏറ്റവും വലിയ റാലി സംഘടിപ്പിച്ച് ചരിത്രത്തിന്റെ ഭാഗമാകാനാണ് തയാറെടുപ്പ്. 2018ലെ മഹാപ്രളയവും തുടർന്ന് കോവിഡും അടിമാലിയിലെ സ്വാന്ത്ര്യദിനാഘോഷ പരിപാടികൾ തടസ്സപ്പെടുത്തിയിരുന്നു. ഇക്കുറി കോവിഡ് ഭീതി അൽപം മാറിയെങ്കിലും കനത്ത മഴ ആഘോഷ പരിപാടികൾക്ക് ഭീഷണിയാകുമെന്ന ആശങ്കയുണ്ട്. പൊതുജനപങ്കാളിത്തംകൊണ്ട് സംസ്ഥാനത്തുതന്നെ ഏറ്റവും ശ്രദ്ധയാകർഷിച്ച അടിമാലിയിലെ സ്വാതന്ത്ര്യദിന റാലി വീണ്ടും എത്തുന്നതിൽ എല്ലാ മേഖലയും ആവേശത്തിലാണ്. ആഗസ്റ്റ് 15ന് പതിനായിരങ്ങൾ അണിനിരക്കുന്ന റാലിക്കും പൊതുസമ്മേളനത്തിനുമുള്ള ഒരുക്കം നടക്കുന്നതായി ചെയർമാൻ എ. രാജ എം.എൽ.എ, ജനറൽ കൺവീനർ പി.വി. സ്കറിയ, പഞ്ചായത്ത് പ്രസിഡന്റ് സനിത സജി എന്നിവർ പറഞ്ഞു. വിദ്യാർഥികൾക്കുള്ള കലാ-കായിക മത്സരങ്ങൾ, പൊതു-സ്വകാര്യ സ്ഥാപനങ്ങളുടെ അലങ്കാര മത്സരം, റാലി കൊഴുപ്പിക്കാൻ വിവിധ മത്സരങ്ങൾ തുടങ്ങിയവ ഇത്തവണയും സംഘടിപ്പിക്കുമെന്ന് സ്വാഗതസംഘം ഭാരവാഹികൾ പറഞ്ഞു. അഡ്വ. ഡീൻ കുര്യാക്കോസ് എം.പിയാണ് മുഖ്യരക്ഷാധികാരി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story