കുഞ്ഞോളങ്ങൾ സുരക്ഷയൊരുക്കി; കുഞ്ഞു ഖയിസ് പെരിയാർ കീഴടക്കി

ആ​ലു​വ: പൊ​തു​വി​ൽ രൗ​ദ്ര​ഭാ​വ​ത്താ​ൽ കാ​ണ​പ്പെ​ടു​ന്ന പെ​രി​യാ​റി​ന്‍റെ അ​ടി​ത്ത​ട്ടും ഓ​ള​ങ്ങ​ളും ആ ​നി​മി​ഷ​ങ്ങ​ളി​ൽ ശാ​ന്ത​മാ​യി​രു​ന്നു. പു​ഴ​യി​ലെ അ​പ​ക​ട ക​യ​ങ്ങ​ൾ അ​ഞ്ചു വ​യ​സ്സു​കാ​ര​ന്‍റെ നി​ശ്ച​യ​ദാ​ർ​ഢ്യ​ത്തി​ന് മു​ന്നി​ൽ വ​ഴി മാ​റി നി​ന്നു. കു​രു​ന്നു​ക​ള​ട​ക്കം നി​ര​വ​ധി​യാ​ളു​ക​ളെ സാ​ക്ഷി​നി​ർ​ത്തി ഓ​ള​ങ്ങ​ളെ കീ​റി​മു​റി​ച്ച് മു​ഹ​മ്മ​ദ് ഖ​യി​സ് അ​നാ​യാ​സം പെ​രി​യാ​റി​നെ കീ​ഴ​ട​ക്കി.

കു​ന്നു​ക​ര ജെ.​ബി.​എ​സ് സ്കൂ​ൾ യു.​കെ.​ജി വി​ദ്യാ​ർ​ഥി മു​ഹ​മ്മ​ദ് ഖ​യി​സാ​ണ് അ​ഞ്ചാം വ​യ​സ്സി​ൽ പെ​രി​യാ​ർ മു​റി​ച്ചു​ക​ട​ന്ന് ച​രി​ത്ര​ത്തി​ലേ​ക്ക് നീ​ന്തി​ക്ക​യ​റി​യ​ത്. ക​ള​രി ഗു​രു​ക്ക​ളാ​യ പു​തു​വാ​ശ്ശേ​രി ക​ട്ട​പ്പ​ള്ളി വീ​ട്ടി​ൽ സു​ധീ​റി​ന്‍റെ​യും കു​സാ​റ്റ് ഗ​ണി​ത ശാ​സ്ത്ര ഗ​വേ​ഷ​ണ വി​ദ്യാ​ർ​ഥി​നി റി​നു​ഷ​യു​ടെ​യും മ​ക​നാ​യ ഖ​യി​സ് വെ​ള്ളി​യാ​ഴ്​​ച രാ​വി​ലെ ഒ​മ്പ​തി​നാ​ണ് നീ​ന്തി​യ​ത്.

‘ഇ​നി​യൊ​രു മു​ങ്ങി​മ​ര​ണം സം​ഭ​വി​ക്കാ​തി​രി​ക്ക​ട്ടേ, എ​ല്ലാ​വ​രും നീ​ന്ത​ൽ പ​രി​ശീ​ലി​ക്കൂ’ എ​ന്ന സ​ന്ദേ​ശ​വു​മാ​യി 14 വ​ർ​ഷ​മാ​യി ആ​ലു​വ മ​ണ​പ്പു​റം ദേ​ശം ക​ട​വി​ൽ സൗ​ജ​ന്യ​മാ​യി നീ​ന്ത​ൽ പ​രി​ശീ​ലി​പ്പി​ക്കു​ന്ന സ​ജി വാ​ളാ​ശ്ശേ​രി​യു​ടെ കീ​ഴി​ൽ മൂ​ന്നു​മാ​സ​ത്തോ​ളം നീ​ണ്ട പ​രി​ശീ​ല​ന​ത്തി​നൊ​ടു​വി​ലാ​ണ് ഖ​യി​സ്​ പെ​രി​യാ​റി​നു​കു​റു​കെ നീ​ന്തി​യ​ത്.

ആ​ലു​വ മ​ണ​പ്പു​റം മ​ണ്ഡ​പം ക​ട​വി​ൽ അ​ൻ​വ​ർ സാ​ദ​ത്ത് എം.​എ​ൽ.​എ ഫ്ലാ​ഗ് ഓ​ഫ് ചെ​യ്തു. കു​ന്നു​ക​ര ജെ.​ബി.​എ​സ് സ്കൂ​ൾ പ്ര​ധാ​നാ​ധ്യാ​പി​ക ഷി​ബി ശ​ങ്ക​ർ, ക്ലാ​സ്​ അ​ധ്യാ​പി​ക ശ്രീ​ദേ​വി, പി.​ടി.​എ അം​ഗ​ങ്ങ​ൾ, സ​ഹ​പാ​ഠി​ക​ൾ, വാ​ളാ​ശ്ശേ​രി​ൽ റി​വ​ർ സ്വി​മ്മി​ങ് ക്ല​ബ് അം​ഗ​ങ്ങ​ൾ, നാ​ട്ടു​കാ​ർ തു​ട​ങ്ങി നി​ര​വ​ധി​പേ​ർ ച​രി​ത്ര നി​മി​ഷ​ത്തി​ന് സാ​ക്ഷി​ക​ളാ​കാ​ൻ എ​ത്തി​യി​രു​ന്നു. 780 മീ​റ്റ​ർ പു​ഴ കു​റു​കെ നീ​ന്തി മ​ണ​പ്പു​റം ദേ​ശം ക​ട​വി​ൽ എ​ത്തി​യ​പ്പോ​ൾ കൂ​ടി​നി​ന്ന​വ​ർ ചേ​ർ​ന്ന് ഖ​യി​സി​നെ സ്വീ​ക​രി​ച്ചു. ഇ​തോ​ടെ പെ​രി​യാ​ർ നീ​ന്തി​ക്ക​ട​ക്കു​ന്ന ഏ​റ്റ​വും പ്രാ​യം കു​റ​ഞ്ഞ വ്യ​ക്തി​യാ​യി മു​ഹ​മ്മ​ദ് ഖ​യി​സ്.