ഇ​ന്ന് ഗാ​ന്ധി​ജ​യ​ന്തി; ഗാന്ധി സ്മരണയിൽ യു.സി കോളജ്

ആ​ലു​വ: ഒ​രി​ക്ക​ൽ​കൂ​ടി രാ​ഷ്ട്ര​പി​താ​വ് മ​ഹാ​ത്മാ​ഗാ​ന്ധി‍യു​ടെ ജ​ന്മ​ദി​നം ക​ട​ന്നു​വ​രു​മ്പോ​ൾ അ​ദ്ദേ​ഹ​ത്തി​ന്‍റെ ജ്വ​ലി​ക്കു​ന്ന ഓ​ർ​മ​ക​ളി​ലാ​ണ് യു.​സി കോ​ള​ജ്. ച​രി​ത്ര​ത്തി​ലെ മ​റ​ക്കാ​നാ​കാ​ത്ത ദി​ന​മാ​യി മാ​റി​യ ഗാ​ന്ധി​ജി​യു​ടെ കോ​ള​ജ് സ​ന്ദ​ർ​ശ​ന​ത്തി​ന്‍റെ സ്നേ​ഹ​സ്മ​ര​ണ​ക​ൾ ഇ​ന്നും ഇ​വി​ടെ നി​റ​ഞ്ഞു​നി​ൽ​ക്കു​ന്നു​ണ്ട്.

1925 മാ​ർ​ച്ച്​ 18നാ​ണ് മ​ഹാ​ത്മാ​ഗാ​ന്ധി യു.​സി കോ​ള​ജി​ലെ​ത്തി​യ​ത്. സ​ന്ദ​ർ​ശ​ന ഓ​ർ​മ​ക്കാ​യി മാ​വ് ന​ടു​ക​യും ചെ​യ്‌​തി​രു​ന്നു. ഇ​ന്നും ഈ ​മാ​വ് കോ​ള​ജ് മു​റ്റ​ത്ത് ത​ല​യു​യ​ർ​ത്തി നി​ൽ​ക്കു​ന്നു. ബ്രി​ട്ടീ​ഷു​കാ​ർ​ക്കെ​തി​രെ രാ​ജ്യ​ത്തെ​മ്പാ​ടും ദേ​ശീ​യ പ്ര​ക്ഷോ​ഭ​മു​യ​രു​ന്ന സ​മ​യ​ത്താ​യി​രു​ന്നു സ​ന്ദ​ർ​ശ​നം. വൈ​ക്കം സ​ത്യ​ഗ്ര​ഹ​ത്തോ​ട​നു​ബ​ന്ധി​ച്ച് കേ​ര​ള​ത്തി​ലെ​ത്തി​യ​പ്പോ​ൾ വി​ദ്യാ​ർ​ഥി​ക​ളു​ടെ അ​ഭ്യ​ർ​ഥ​ന​മാ​നി​ച്ചാ​ണ് ഗാ​ന്ധി​ജി കോ​ള​ജി​ലെ​ത്തി​യ​ത്.

മ​ഹാ​ത്മ​ഗാ​ന്ധി യു.​സി കോ​ള​ജി​ൽ ന​ട​ത്തി​യ പ്ര​സം​ഗം കെ. ​രാ​മ​ച​ന്ദ്ര​ൻ നാ​യ​ർ പ​രി​ഭാ​ഷ​പ്പെ​ടു​ത്തി​യ​ത് ഇ​ങ്ങ​നെ;

‘ഈ ​കോ​ള​ജ് സ​ന്ദ​ർ​ശി​ക്കാ​ൻ സാ​ധി​ച്ച​തി​ൽ എ​നി​ക്ക് അ​തി​യാ​യ സ​ന്തോ​ഷ​മു​ണ്ട്. പ​ട്ട​ണ​ങ്ങ​ളി​ലെ ബ​ഹ​ള​ങ്ങ​ളി​ൽ​നി​ന്നും, ആ​ൾ​ത്തി​ര​ക്കി​ൽ​നി​ന്നും വി​ദൂ​ര​മാ​യ ഈ ​ഒ​ഴി​ഞ്ഞ കോ​ണി​ൽ ഈ ​ക​ലാ​ശാ​ല സ്ഥാ​പി​ക്കു​ന്ന​തി​ന് ഭാ​ര​വാ​ഹി​ക​ളെ പ്രേ​രി​പ്പി​ച്ച മ​നോ​വൃ​ത്തി​യെ ഞാ​ൻ അ​ഭി​ന​ന്ദി​ക്കു​ന്നു. മ​ഹാ​ക​വി ര​വീ​ന്ദ്ര​നാ​ഥ ടാ​ഗോ​റി​ന്‍റെ സ​ന്ദ​ർ​ശ​നം ഈ ​കോ​ള​ജി​ലെ വി​ദ്യാ​ർ​ഥി​ക​ൾ​ക്ക് ക​വി​ത​യി​ലു​ള്ള താ​ൽ​പ​ര്യം വ​ർ​ധി​പ്പി​ച്ചു​കാ​ണു​മെ​ന്നാ​ണ് വി​ചാ​രി​ക്കു​ന്ന​ത്. ജീ​വി​ത​ത്തി​ലെ ക​വി​ത​യി​രി​ക്കു​ന്ന​ത് അ​ധ്വാ​ന​ത്തി​ലാ​ണ്’. തു​ട​ർ​ന്ന് കോ​ള​ജി​ലെ സ​ന്ദ​ർ​ശ​ന ഡ​യ​റി​യി​ൽ ‘ഡി​ലൈ​റ്റ് വി​ത്ത് ഐ​ഡി​യ​ൽ സി​റ്റു​വേ​ഷ​ൻ’ എ​ന്ന് രേ​ഖ​പ്പെ​ടു​ത്തി വി​ദ്യാ​ർ​ഥി​ക​ൾ​ക്ക് പ്ര​ചോ​ദ​ന​മേ​കാ​നും അ​ദ്ദേ​ഹ​ത്തി​ന് സാ​ധി​ച്ചു. ഇ​ത് വി​ദ്യാ​ർ​ഥി​ക​ളെ സ്വാ​ത​ന്ത്ര്യ സ​മ​ര രം​ഗ​ത്തേ​ക്ക് എ​ത്തി​ക്കു​ന്ന​തി​ൽ മു​ഖ്യ​പ​ങ്കു​വ​ഹി​ച്ചി​രു​ന്നു.

സ്വാ​ത​ന്ത്ര്യ സ​മ​ര പോ​രാ​ട്ട​ങ്ങ​ൾ​ക്ക് വ​ള​ക്കൂ​റു​ള്ള മ​ണ്ണാ​യി​രു​ന്നു യു.​സി കോ​ള​ജ്. മ​ഹാ​ത്മാ​ഗാ​ന്ധി​യു​ടെ കോ​ള​ജ് സ​ന്ദ​ർ​ശ​ന​മാ​ണ് ഇ​തി​ന് കൂ​ടു​ത​ൽ പ്ര​ചോ​ദ​ന​മാ​യ​ത്. 1921 ജൂ​ൺ എ​ട്ടി​നാ​ണ് കോ​ള​ജ് സ്ഥാ​പി​ച്ച​ത്. ഇ​തി​നാ​യി 17 ഏ​ക്ക​ർ ഭൂ​മി​യും തി​രു​വി​താം​കൂ​ർ നാ​ട്ടു​രാ​ജ്യ​ത്തി​ന്‍റെ ഹ​ജൂ​ർ ക​ച്ചേ​രി​യും രാ​ജാ​വ് സം​ഭാ​വ​ന​യാ​യി ന​ൽ​കു​ക​യാ​യി​രു​ന്നു. സ്വാ​ത​ന്ത്ര്യ സ​മ​ര കാ​ല​ത്ത് തി​രു​വി​താം​കൂ​റി​ല്‍ വി​ദ്യാ​ര്‍ഥി പ്ര​ക്ഷോ​ഭ​ങ്ങ​ൾ​ക്കും കോ​ള​ജ് വേ​ദി​യാ​യി​ട്ടു​ണ്ട്. നി​ര​വ​ധി സ​മ​ര​ങ്ങ​ളി​ല്‍ കോ​ള​ജ് വി​ദ്യാ​ര്‍ഥി​ക​ള്‍ പ​ങ്കാ​ളി​ക​ളാ​യി.

വി​ദ്യാ​ര്‍ഥി​ക​ളെ നി​യ​ന്ത്രി​ക്ക​ണ​മെ​ന്നും അ​ല്ലെ​ങ്കി​ല്‍ പൊ​ലീ​സി​നെ ഉ​പ​യോ​ഗി​ച്ച് അ​ടി​ച്ച​മ​ര്‍ത്തു​മെ​ന്നും സി.​പി. രാ​മ​സ്വാ​മി അ​യ്യ​ര്‍ കോ​ള​ജ് അ​ധി​കൃ​ത​രെ അ​റി​യി​ച്ചി​രു​ന്നു. എ​ന്നാ​ല്‍, വി​ദ്യാ​ര്‍ഥി​ക​ളെ നി​യ​ന്ത്രി​ക്കാ​ന്‍ ത​ങ്ങ​ള്‍ക്ക​റി​യാ​മെ​ന്നാ​യി​രു​ന്നു അ​ന്ന​ത്തെ അ​ധ്യാ​പ​ക​രു​ടെ മ​റു​പ​ടി.