റാങ്കിലും ഇരട്ടകൾക്ക് നേട്ടം

മാന്നാർ: ഒരേ വിഷയത്തിൽ മൂന്നും നാലും റാങ്കുകൾ കരസ്ഥമാക്കി ഇരട്ടക്കുട്ടികൾ. മഹാത്മ ഗാന്ധി സർവകലാശാലയുടെ ബി.എസ്.സി ബോട്ടണി ഫുഡ് ഫുഡ് മൈക്രോബയോളജി വിഷയത്തിൽ മൂന്നാം റാങ്കും നാലാം റാങ്കും ഇരട്ടക്കുട്ടികളായ അഞ്ജലിക്കും അഞ്ജനക്കും ലഭിച്ചു.

മാന്നാർ ഗ്രാമ പഞ്ചായത്ത് പന്ത്രണ്ടാം വാർഡിൽ തെക്കുംതളികയിൽകൃഷ്ണ തീർഥം വീട്ടിൽ ക്ഷേത്ര നിർമാണ ശിൽപ്പിയായ രാജേന്ദ്രൻ-മഞ്ജു ദമ്പതികളുടെ മക്കളാണി നേട്ടത്തിലും ഒരുമ നിലനിർത്തിയത്. തിരുവല്ല മാർത്തോമ കോളജിലെ വിദ്യാർഥിനികളായിരുന്നു. സഹോദരൻ ആദിത്യൻ ഒമ്പതാം ക്ലാസിൽ പഠിക്കുന്നു.