മന്ത്രി നടപടിക്ക്​ നിർദേശിച്ചു; ജഗദമ്മക്ക്​ ഇലക്​ട്രിക് വീൽചെയർ കിട്ടും

തു​റ​വൂ​ർ: ആ​രോ​ഗ്യ​മ​ന്ത്രി​യു​ടെ ക​നി​വ് ജ​ഗ​ദ​മ്മ​ക്ക്​ താ​ങ്ങാ​കും. ക​ഴി​ഞ്ഞ​ദി​വ​സം തു​റ​വൂ​ർ ഗ​വ. ആ​ശു​പ​ത്രി​യി​ലെ സ​ന്ദ​ർ​ശ​ന​ത്തി​നി​ട​യി​ലാ​ണ് കോ​ടം​തു​രു​ത്ത് ഗ്രാ​മ​പ​ഞ്ചാ​യ​ത്ത് നാ​ലാം​വാ​ര്‍ഡി​ലെ കൊ​ട്ടി​പ്പ​ള്ളി നി​ക​ര്‍ത്തി​ല്‍ വീ​ട്ടി​ല്‍ ജ​ഗ​ദ​മ്മ​യു​ടെ സ​ങ്ക​ട​ക​ഥ കേ​ൾ​ക്കാ​നി​ട​യാ​യ​ത്. മ​ക്ക​ള്‍ ഇ​ല്ല. ഭ​ര്‍ത്താ​വ് ഉ​പേ​ക്ഷി​ച്ച് പോ​വു​ക​യും അ​ച്ഛ​നും സ​ഹോ​ദ​ര​ന്മാ​രും മ​ര​ണ​പ്പെ​ടു​ക​യും ചെ​യ്തു. പീ​ലി​ങ്​ തൊ​ഴി​ലാ​ളി​യാ​യി ഒ​രു ചെ​മ്മീ​ന്‍ ഷെ​ഡി​ല്‍ ജോ​ലി ചെ​യ്യു​ന്ന​തി​നി​ട​ക്ക്​ കാ​ലി​ന് മു​റി​വേ​ല്‍ക്കു​ക​യും പ്ര​മേ​ഹ​ത്തെ തു​ട​ര്‍ന്ന് പ​ഴു​പ്പ്​ ക​യ​റി കാ​ല് മു​റി​ച്ചു​നീ​ക്കേ​ണ്ടി​യും വ​ന്നു. ര​ണ്ടാ​മ​ത്തെ കാ​ലി​ന്റെ ശ​സ്ത്ര​ക്രി​യ ക​ഴി​ഞ്ഞ് കോ​ട്ട​യം മെ​ഡി​ക്ക​ല്‍ കോ​ള​ജി​ല്‍നി​ന്ന്​ തു​റ​വൂ​ർ ഗ​വ. ആ​ശു​പ​ത്രി​യി​ലേ​ക്ക് എ​ത്തി​യ​താ​യി​രു​ന്നു ജ​ഗ​ദ​മ്മ. സ​ഹോ​ദ​രി​യു​ടെ മ​ക​നാ​ണ് ഇ​പ്പോ​ള്‍ ആ​ശ്ര​യ​മാ​യു​ള്ള​ത്.

ജ​ഗ​ദ​മ്മ​യു​ടെ സാ​ഹ​ച​ര്യ​ങ്ങ​ള്‍ കേ​ട്ട മ​ന്ത്രി സ​ര്‍ക്കാ​ര്‍ ചെ​ല​വി​ല്‍ കൃ​ത്രി​മ കാ​ല്‍വെ​ച്ച് ന​ല്‍കു​ന്ന​തി​നു​ള്ള ന​ട​പ​ടി സ്വീ​ക​രി​ക്കാ​മെ​ന്ന് ഉ​റ​പ്പു​ന​ല്‍കു​ക​യും ഡോ. ​റൂ​ബി​യെ ഇ​തി​നാ​യി ചു​മ​ത​ല​പ്പെ​ടു​ത്തു​ക​യും ചെ​യ്തു. മ​ന്ത്രി​യു​ടെ കൂ​ടെ​യു​ണ്ടാ​യി​രു​ന്ന ആ​ല​പ്പു​ഴ ജി​ല്ല പ​ഞ്ചാ​യ​ത്ത്​ അം​ഗം അ​ന​ന്തു ര​മേ​ശ​ൻ മ​ന്ത്രി​യു​ടെ സ​ന്ദ​ര്‍ശ​ന​ത്തി​നു​ശേ​ഷം വീ​ണ്ടും ആ​ശു​പ​ത്രി​യി​ലെ​ത്തി കാ​ര്യ​ങ്ങ​ള്‍ തി​ര​ക്കി. ജി​ല്ല പ​ഞ്ചാ​യ​ത്തി​ന്റെ ഇ​ല​ക്ട്രി​ക് വീ​ല്‍ചെ​യ​ര്‍ പ​ദ്ധ​തി​യി​ല്‍ ഉ​ള്‍പ്പെ​ടു​ത്തി. പ​ര​സ​ഹാ​യം ഇ​ല്ലാ​തെ കൈ​വി​ര​ല്‍ ഉ​പ​യോ​ഗി​ച്ച് നി​യ​ന്ത്രി​ക്കാ​വു​ന്ന ഇ​ല​ക്ട്രോ​ണി​ക് വീ​ല്‍ചെ​യ​റാ​ണ്​ ന​ൽ​കു​ക.