തുലാവർഷം ഉരുണ്ടുകൂടി; ഇടനെഞ്ച് പിടഞ്ഞ് കർഷകർ

എ​ട​ത്വ: തു​ലാ​വ​ര്‍ഷം ആ​കാ​ശ​ത്ത് ഇ​രു​ണ്ടു​കൂ​ടു​മ്പോ​ള്‍ ഇ​ട​നെ​ഞ്ച്​ പി​ട​ഞ്ഞ്​ ക​ര്‍ഷ​ക​ർ. ര​ണ്ടാം​കൃ​ഷി വി​ള​വെ​ടു​ക്കു​ന്ന​വ​രും പു​ഞ്ച​കൃ​ഷി​ക്ക് ത​യാ​റാ​യ നി​ല​ങ്ങ​ളി​ലെ ക​ര്‍ഷ​ക​രും ആ​ശ​ങ്ക​യി​ലാ​ണ്. ര​ണ്ടാം കൃ​ഷി​യു​ടെ വി​ള​വെ​ടു​പ്പ് പൂ​ർ​ത്തി​യാ​കാ​ത്ത പാ​ട​ശേ​ഖ​ര​ങ്ങ​ളി​ലെ ക​ർ​ഷ​ക​രാ​ണ് ഏ​റെ​യും പ്ര​തി​സ​ന്ധി​യി​ലാ​യ​ത്. ക​ന​ത്ത മ​ഴ​യി​ൽ നെ​ല്ല​ടി​ഞ്ഞ​തോ​ടെ യ​ന്ത്ര​ത്തി​ൽ കൊ​യ്​​തെ​ടു​ക്കാ​ൻ പ​റ്റാ​ത്ത അ​വ​സ്ഥ​യി​ലാ​ണ്. കൊ​യ്ത് ക​ര​ക്കു​ക​യ​റ്റി​യ നെ​ല്ലി​നാ​ക​ട്ടെ ഈ​ര്‍പ്പ​ത്തി​ന്‍റെ പേ​രി​ല്‍ ഇ​ട​നി​ല​ക്കാ​ര്‍ ക​ര്‍ഷ​ക​രെ ചൂ​ഷ​ണം ചെ​യ്യു​ക​യാ​ണ്.

ത​ക​ഴി കൃ​ഷി​ഭ​വ​ൻ പ​രി​ധി​യി​ൽ​പെ​ട്ട പോ​ളേ​പ്പാ​ടം, എ​ട​ത്വ​യി​ലെ പ​ച്ച എ​ര​വു​രി പാ​ട​ശേ​ഖ​ര​ങ്ങ​ളി​ൽ കൊ​യ്​​ത്ത്​ ന​ട​ക്കാ​നു​ണ്ട്. പോ​ളേ​പ്പാ​ട​ത്ത് കൊ​യ്​​ത്ത് ആ​രം​ഭി​ച്ചെ​ങ്കി​ലും ഞാ​യ​റാ​ഴ്ച നി​ർ​ത്തി​വെ​ച്ചി​രു​ന്നു. ശ​നി​യാ​ഴ്ച രാ​ത്രി​യി​ലെ ശ​ക്ത​മാ​യ മ​ഴ​യെ തു​ട​ർ​ന്നാ​ണ് കൊ​യ്ത്ത് നി​ർ​ത്തി​വെ​ച്ച​ത്. പോ​ളേ​പ്പാ​ട​ത്തെ കൊ​യ്​​ത്തു​ക​ഴി​ഞ്ഞ​ശേ​ഷം അ​തേ​യ​ന്ത്രം ഉ​പ​യോ​ഗി​ച്ച് വേ​ണം പ​ച്ച ഇ​ര​വു​ക​രി പാ​ട​ത്തെ കൊ​യ്ത്ത് ആ​രം​ഭി​ക്കാ​ൻ. എ​ര​വു​ക​രി പാ​ട​ത്തെ വി​ള​വ് 140 ദി​വ​സം പി​ന്നി​ട്ടു. ഏ​താ​നും ക​ർ​ഷ​ക​രു​ടെ നെ​ല്ല് ശ​ക്ത​മാ​യ മ​ഴ​യി​ൽ നി​ലം​പൊ​ത്തു​ക​യും ചെ​യ്തു. വീ​ണ്ടും മ​ഴ ശ​ക്തി​പ്രാ​പി​ച്ചാ​ൽ വി​ള​വെ​ടു​പ്പി​ന് പ്ര​തി​സ​ന്ധി നേ​രി​ടും.

സം​ഭ​ര​ണ​ത്തി​ലെ കി​ഴി​വാ​ണ് ക​ർ​ഷ​ക​രെ അ​ല​ട്ടു​ന്ന പ്ര​ധാ​ന പ്ര​ശ്നം. കേ​ള​മം​ഗ​ലം കൊ​ല്ലം​പ​റ​മ്പ് പാ​ട​ത്തു​നി​ന്ന് സം​ഭ​രി​ച്ച നെ​ല്ലി​ന് 10കി​ലോ കി​ഴി​വ് വെ​ച്ച് ക​ർ​ഷ​ക​ർ ന​ൽ​കി​യി​രു​ന്നു. ത​ക​ഴി മൂ​ക്കേ​ടി പാ​ട​ത്തെ നെ​ല്ലി​ന്റെ കി​ഴി​വ് അ​ഞ്ചു​കി​ലോ മു​ത​ൽ ഏ​ഴു​കി​ലോ വ​രെ എ​ടു​ത്തി​രു​ന്നു. കാ​ലാ​വ​സ്ഥ പ്ര​തി​കൂ​ല​മാ​യ സാ​ഹ​ച​ര്യ​ത്തി​ൽ ഏ​ജ​ന്റു​മാ​ർ ആ​വ​ശ്യ​പ്പെ​ടു​ന്ന കി​ഴി​വി​ല്‍ ക​ർ​ഷ​ക​ർ നെ​ല്ല് ന​ൽ​കു​ക​യാ​ണ്. ഒ​ട്ടു​മി​ക്ക പാ​ട​ശേ​ഖ​ര​ങ്ങ​ളി​ലും ര​ണ്ടി​ൽ താ​ഴെ വി​ള​വ് മാ​ത്ര​മാ​ണ് ല​ഭി​ച്ച​ത്. മു​ൻ​കാ​ല​ങ്ങ​ളെ അ​പേ​ക്ഷി​ച്ച് ഇ​ക്കു​റി ര​ണ്ടാം​കൃ​ഷി​യു​ടെ ചെ​ല​വ് വ​ർ​ധി​ച്ചി​രു​ന്നു. ഒ​ട്ടു​മി​ക്ക പാ​ട​ങ്ങ​ളി​ലും വ​രി​നെ​ല്ല്, ക​വ​ട, എ​ന്നി​വ വ​ള​ർ​ന്നി​രു​ന്നു. വ​രി​നെ​ല്ലി​നും ക​വ​ട​ക്കു​മാ​യി മൂ​ന്നി​ലേ​റെ ത​വ​ണ മ​രു​ന്ന് ത​ളി​ച്ച ക​ർ​ഷ​ക​രു​മു​ണ്ട്.

പു​ഞ്ച കൃ​ഷി​യു​ടെ പ്രാ​രം​ഭ ന​ട​പ​ടി​യും ക​ന​ത്ത മ​ഴ പ്ര​തി​സ​ന്ധി സൃ​ഷ്ടി​ക്കു​ന്നു​ണ്ട്. മി​ക്ക പാ​ട​ങ്ങ​ളും വെ​ള്ളം​വ​റ്റി​ച്ച് കൃ​ഷി​പ്പ​ണി ആ​രം​ഭി​ച്ചി​രു​ന്നു. ന​ദി​യി​ൽ ജ​ല​നി​ര​പ്പ് ഉ​യ​രാ​ൻ തു​ട​ങ്ങി​യ​തോ​ടെ പ​ല പാ​ട​ങ്ങ​ളി​ലും പ​മ്പി​ങ്​ നി​ർ​ത്തി​വെ​ച്ചി​രി​ക്കു​ക​യാ​ണ്. മ​ഴ നീ​ണ്ടു​നി​ന്നാ​ൽ പു​ഞ്ച​കൃ​ഷി താ​മ​സി​ക്കാ​ൻ സാ​ധ്യ​ത​യു​ണ്ട്. ശ​നി​യാ​ഴ്ച രാ​ത്രി​യി​ൽ ജി​ല്ല​യു​ടെ പ​ല സ്ഥ​ല​ങ്ങ​ളി​ലും ക​ന​ത്ത മ​ഴ​യാ​ണ് പെ​യ്ത​ത്. പ​ത്ത​നം​തി​ട്ട​യി​ൽ മ​ഴ തു​ട​രു​ന്ന സാ​ഹ​ച​ര്യ​ത്തി​ൽ ജ​ല​നി​ര​പ്പ് ഉ​യ​രാ​ൻ സാ​ധ്യ​ത​യു​ണ്ട്.