പഞ്ചായത്ത് ജാഗ്രത കാട്ടിയില്ലെങ്കിൽ പകൽവീടുറങ്ങും

അ​രൂ​ർ: നീ​ണ്ട​കാ​ത്തി​രി​പ്പി​ന് ശേ​ഷ​മാ​ണ് അ​രൂ​ർ ഗ്രാ​മ​പ​ഞ്ചാ​യ​ത്തി​ൽ വ​യോ​ജ​ന​ങ്ങ​ളെ പ​ക​ൽ സം​ര​ക്ഷി​ക്കു​ന്ന പ​ക​ൽ​വീ​ട് പ്ര​വ​ർ​ത്തി​ച്ച്​ തു​ട​ങ്ങി​യ​ത്. അ​ഞ്ചാം വാ​ർ​ഡ്​ പ​ള്ളി​യ​റ​ക്കാ​വ് റോ​ഡ​രി​കി​ൽ ഗ​വ. ഹോ​മി​യോ ഡി​സ്പെ​ൻ​സ​റി​യു​ടെ സ​മീ​പ​ത്തെ കെ​ട്ടി​ട​ത്തി​ലാ​ണ് പ​ക​ൽ​വീ​ട് ഒ​ന്നാം തീ​യ​തി പ്ര​വ​ർ​ത്ത​നം ആ​രം​ഭി​ച്ച​ത്. നി​ര​വ​ധി ത​വ​ണ ഉ​ദ്ഘാ​ട​നം ന​ട​ത്തി​യെ​ങ്കി​ലും ഒ​ന്നാം തീ​യ​തി മാ​ത്ര​മാ​ണ് പ്ര​വ​ർ​ത്ത​നം ആ​രം​ഭി​ച്ച​ത്.

പ​ഞ്ചാ​യ​ത്തി​ലെ 22 വാ​ർ​ഡി​ൽ​നി​ന്നും ഒ​ന്നു​വീ​തം പ്രാ​യ​മാ​യ​വ​രെ പ​ഞ്ചാ​യ​ത്ത് അം​ഗ​ങ്ങ​ൾ ക​ണ്ടെ​ത്തി എ​ത്തി​ക്കാ​നാ​യി​രു​ന്നു തീ​രു​മാ​നം. വാ​ഹ​ന​ങ്ങ​ളി​ൽ എ​ത്തി​ക്കു​ന്ന​വ​രെ വൈ​കീ​ട്ടു​വ​രെ സം​ര​ക്ഷി​ക്കു​ക, ഭ​ക്ഷ​ണം ന​ൽ​കു​ക, വി​നോ​ദ​ങ്ങ​ളി​ൽ ഏ​ർ​പ്പെ​ടു​ത്തു​ക സു​ര​ക്ഷി​ത​മാ​യി തി​രി​കെ എ​ത്തി​ക്കു​ക എ​ന്നാ​യി​രു​ന്നു പ​ദ്ധ​തി. ഇ​തി​നാ​യി ഒ​രാ​ളെ നി​യോ​ഗി​ച്ചി​ട്ടു​ണ്ട്. ഒ​രു മാ​സ​മാ​കു​മ്പോ​ൾ പ​ക​ൽ​വീ​ട്ടി​ൽ ആ​ളു​കു​റ​യു​ക​യാ​ണ്. 22 വ​യോ​ജ​ന​ങ്ങ​ളും തി​ക​യു​ന്ന അ​വ​സ്ഥ തു​ട​ക്കം മു​ത​ൽ ഉ​ണ്ടാ​യി​ല്ല.

12 പേ​ർ ഉ​ണ്ടാ​യി​രു​ന്ന​ത് എ​ട്ടാ​യി ചു​രു​ങ്ങി. വ​രു​ന്ന​വ​ർ​ക്ക് ല​ഘു​ഭ​ക്ഷ​ണ​വും വി​നോ​ദ​ത്തി​ന് ടെ​ലി​വി​ഷ​ൻ, പ​ത്ര​ങ്ങ​ൾ, കാ​രം​സും വി​ശ്ര​മി​ക്കാ​ൻ സം​വി​ധാ​ന​വു​ണ്ട്. വാ​ർ​ഡി​ൽ നി​ന്ന് ഒ​രാ​ൾ എ​ന്ന​ത് അ​ശാ​സ്ത്രീ​യ​മാ​ണെ​ന്ന് ചൂ​ണ്ടി​ക്കാ​ണി​ക്ക​പ്പെ​ടു​ന്നു. ഒ​റ്റ​ക്കി​രി​ക്കാ​ൻ താ​ല്പ​ര്യ​മി​ല്ലാ​ത്ത മു​ഴു​വ​ൻ വ​യോ​ജ​ന​ങ്ങ​ളെ​യും പ​ക​ൽ​വീ​ട്ടി​ലേ​ക്ക് ആ​ക​ർ​ഷി​ക്കാ​ൻ ക​ഴി​യ​ണം. ഇ​ത്ത​ര​ത്തി​ൽ പ​ദ്ധ​തി​യെ പ​രി​ഷ്ക​രി​ക്ക​ണ​മെ​ന്ന അ​ഭി​പ്രാ​യം ശ​ക്ത​മാ​യി​ട്ടു​ണ്ട്.