സങ്കടത്തിര ഒഴിയാതെ മണിവേലിക്കടവ് സൂനാമി കോളനിവാസികൾ

ആ​റാ​ട്ടു​പു​ഴ: മ​ണി​വേ​ലി​ക്ക​ട​വ് സൂ​നാ​മി കോ​ള​നി​ക്കാ​രു​ടെ മ​ന​സ്സി​ൽ സ​ങ്ക​ട​ത്തി​ന്‍റെ സൂ​നാ​മി​ത്തി​ര​ക​ൾ ഇ​നി​യും അ​ട​ങ്ങി​യി​ട്ടി​ല്ല. ടൗ​ൺ​ഷി​പ്പി​ൽ സൂ​നാ​മി ബാ​ധി​ത​രെ പു​ന​ര​ധി​വ​സി​പ്പി​ക്കു​മെ​ന്ന് ഉ​റ​പ്പ് ന​ൽ​കി​യ​വ​ർ അ​വ​രോ​ട് കാ​ട്ടി​യ​ത് കൊ​ടും​ക്രൂ​ര​ത. കോ​ള​നി​ക​ളി​ൽ ഒ​ന്ന​ര പ​തി​റ്റാ​ണ്ടി​ലേ​റെ​യാ​യി ന​ര​ക​തു​ല്യ​ജീ​വി​തം ന​യി​ക്കു​ക​യാ​ണ് ഇ​വ​ർ. ദു​ർ​ബ​ല​മാ​യ വീ​ടു​ക​ളാ​ണ് ഇ​വ​ർ​ക്ക് നി​ത്യ​ദു​രി​തം സ​മ്മാ​നി​ക്കു​ന്ന​ത്.

ആ​റാ​ട്ടു​പു​ഴ ഗ്രാ​മ​പ​ഞ്ചാ​യ​ത്ത് അ​ഞ്ചാം വാ​ർ​ഡി​ലെ മ​ണി​വേ​ലി​ക്ക​ട​വ് സൂ​നാ​മി കോ​ള​നി​യി​ൽ 65 കു​ടും​ബ​മാ​ണ് മൂ​ന്ന് സെ​ന്‍റ്​ വീ​തം സ്ഥ​ല​ത്ത് ക​ഴി​യു​ന്ന​ത്. ദു​ര​ന്ത​ത്തി​ന്‍റെ നീ​റു​ന്ന വേ​ദ​ന​ക​ൾ​ക്ക് 26ന് 19 ​വ​ർ​ഷം പൂ​ർ​ത്തി​യാ​കു​മ്പോ​ൾ അ​ധി​കാ​രി​ക​ൾ ത​ങ്ങ​ളോ​ട് കാ​ട്ടി​യ വ​ഞ്ച​ന​യു​ടെ ക​ഥ​ക​ളാ​ണ് പ​റ​യാ​നു​ള്ള​ത്. ത​റ​യി​ൽ​ക​ട​വ്, പെ​രു​മ്പു​ള്ളി ഭാ​ഗ​ങ്ങ​ളി​ൽ ക​ഴി​ഞ്ഞ മ​ത്സ്യ​ത്തൊ​ഴി​ലാ​ളി​ക​ളാ​യ കു​ടും​ബ​ങ്ങ​ളെ​യാ​ണ് ക​ട​ൽ​ത്തീ​ര​ത്തു​നി​ന്ന്​ അ​ക​ലെ കാ​യം​കു​ളം കാ​യ​ലി​നു മ​റു​ക​ര​യു​ള്ള മ​ണി​വേ​ലി​ൽ​ക​ട​വി​ൽ പു​ന​ര​ധി​വ​സി​പ്പി​ച്ച​ത്. കേ​ര​ള​ത്തി​ലെ പ്ര​മു​ഖ പ​ത്ര​മാ​ണ് വീ​ടു​ക​ൾ നി​ർ​മി​ച്ച​ത്. നി​ർ​മാ​ണ​ത്തി​നി​ടെ ത​ന്നെ ഗു​രു​ത​ര​മാ​യ പി​ഴ​വു​ക​ൾ അ​ധി​കാ​രി​ക​ളോ​ട് പ​റ​ഞ്ഞി​രു​ന്നെ​ങ്കി​ലും ആ​രും ഗൗ​ര​വ​ത്തി​ലെ​ടു​ത്തി​ല്ല. പു​ന​ര​ധി​വാ​സ​വു​മാ​യി ബ​ന്ധ​പ്പെ​ട്ട് സം​ഘ​ട​ന​ക​ളും സ്ഥാ​പ​ന​ങ്ങ​ളും ഏ​റ്റെ​ടു​ത്ത പ്ര​വ​ർ​ത്ത​ന​ങ്ങ​ൾ പ​രി​ശോ​ധി​ക്കാ​ൻ സ​ർ​ക്കാ​ർ സം​വി​ധാ​നം നി​ല​വി​ൽ ഉ​ണ്ടാ​യി​രു​ന്നി​ല്ല. വീ​ടി​ന്‍റെ അ​ടി​ത്ത​റ നി​റ​ച്ച​ത് മു​റ്റ​ത്ത് കു​ളം​കു​ഴി​ച്ച് മ​ണ്ണെ​ടു​ത്തും തെ​ങ്ങും​കു​റ്റി​യും പാ​ഴ്മ​ര​ങ്ങ​ൾ ഇ​ട്ടു​മാ​ണ്. തോ​ട്ടി​ലെ ഓ​ര് വെ​ള്ള​മാ​ണ് സി​മ​ന്‍റ്​ കൂ​ട്ടാ​നും നി​ർ​മാ​ണ​ത്തി​നും ഉ​പ​യോ​ഗി​ച്ച​ത്. ആ​വ​ശ്യ​ത്തി​ന് ക​മ്പി​യും സി​മ​ൻ​റും ചേ​ർ​ത്തി​ട്ടി​ല്ലെ​ന്നും ബോ​ധ്യ​പ്പെ​ടു​ന്ന തെ​ളി​വു​ക​ളു​മു​ണ്ട്. വീ​ടി​ന്‍റെ രൂ​പം മാ​ത്ര​മേ​യു​ള്ളൂ​വെ​ന്ന് താ​മ​സം തു​ട​ങ്ങി​യ അ​ന്നു​മു​ത​ൽ ബോ​ധ്യ​മാ​യി.

ഒ​രു വ​ർ​ഷ​ത്തി​നു​ള്ളി​ൽ ത​ന്നെ വീ​ടു​ക​ൾ ചോ​രാ​ൻ തു​ട​ങ്ങി. ആ​ണി അ​ടി​ച്ചാ​ൽ ഭി​ത്തി മു​ഴു​വ​ൻ ഇ​ള​കി​വീ​ഴു​ന്ന അ​വ​സ്ഥ​യി​ൽ മ​ര​ണ​പ്പെ​ട്ട​വ​രു​ടെ ചി​ത്രം തൂ​ക്കാ​ൻ പോ​ലും ക​ഴി​യാ​ത്ത അ​വ​സ്ഥ​യു​ണ്ടാ​യി. ദു​രി​തം സ​ഹി​ക്കാ​നാ​കാ​തെ പ്ര​തി​ഷേ​ധ​വു​മാ​യി കോ​ള​നി​വാ​സി​ക​ൾ രം​ഗ​ത്തു​വ​ന്നു. പ്ര​ത്യേ​ക ഫ​ണ്ട് ക​ണ്ടെ​ത്തി മു​ഴു​വ​ൻ വീ​ടു​ക​ൾ​ക്കും ഷീ​റ്റ് മേ​ഞ്ഞ മേ​ൽ​ക്കൂ​ര നി​ർ​മി​ച്ചു ന​ൽ​കി​യാ​ണ് ചോ​ർ​ച്ച പ​രി​ഹ​രി​ച്ച​ത്. എ​ന്നാ​ൽ, പ്ര​ശ്ന​ങ്ങ​ൾ അ​തു​കൊ​ണ്ട് അ​വ​സാ​നി​ച്ചി​ല്ല. മേ​ൽ​ക്കൂ​ര​യു​ടെ കോ​ൺ​ക്രീ​റ്റ് ഇ​ള​കി വീ​ഴു​ക, ത​റ പൊ​ട്ടി​പൊ​ളി​യു​ക തു​ട​ങ്ങി​യ പ്ര​ശ്ന​ങ്ങ​ൾ ഏ​റി​വ​ന്നു. സെ​പ്റ്റി​ക് ടാ​ങ്ക് പൊ​ട്ടി​യൊ​ലി​ച്ച് പ​രി​സ​രം മു​ഴു​വ​ൻ മാ​ലി​ന്യം നി​റ​യു​ന്ന പ്ര​ശ്നം വേ​റെ​യും. കോ​ള​നി​യി​ലെ ജീ​വി​തം ഒ​ന്ന​ര പ​തി​റ്റാ​ണ്ട് പി​ന്നി​ടു​മ്പോ​ൾ ജീ​വി​ത​സ​മ്പാ​ദ്യ​ത്തി​ൽ ന​ല്ലൊ​രു പ​ങ്കും ഇ​വ​ർ വീ​ട്​ അ​റ്റ​കു​റ്റ​പ്പ​ണി​ക്ക് ചെ​ല​വ​ഴി​ച്ചു. അ​ടു​ത്തി​ടെ​യാ​ണ് ക​ട്ടി​ലി​ൽ കി​ട​ന്ന വ​യോ​ധി​ക​യു​ടെ ദേ​ഹ​ത്ത് മേ​ൽ​ക്കൂ​ര​യു​ടെ കോ​ൺ​ക്രീ​റ്റ് പാ​ളി ഇ​ള​കി​വീ​ണ​ത്. ഭാ​ഗ്യ​ത്തി​ലാ​ണ് ര​ക്ഷ​പ്പെ​ട്ട​ത്. നി​ര​വ​ധി പേ​രാ​ണ് വീ​ട് ഉ​പേ​ക്ഷി​ച്ച് തീ​ര​ത്തേ​ക്ക് മ​ട​ങ്ങി​പ്പോ​യ​ത്. ദു​ർ​ബ​ല​മാ​യ വീ​ടു​ക​ൾ പൊ​ളി​ച്ച് നീ​ക്കി വാ​സ​യോ​ഗ്യ​മാ​യ വീ​ട് നി​ർ​മി​ച്ച് ന​ൽ​ക​ണ​മെ​ന്ന് അ​ധി​കാ​രി​ക​ളോ​ട് കേ​ണ​പേ​ക്ഷി​ക്കു​ക​യാ​ണ് കോ​ള​നി​വാ​സി​ക​ൾ.