കു​ണ്ട​റ: ര​ണ്ട്​ മ​ര​ണ​വും അ​ന്വേ​ഷി​ച്ച​ത്  ഒ​രേ പൊ​ലീ​സ്​​ ഉ​ദ്യോ​ഗ​സ്​​ഥ​ർ

കുണ്ടറ: കുണ്ടറയിൽ ഏഴുവർഷം മുമ്പ് 14കാരൻ മരിച്ച സംഭവവും ഇപ്പോൾ 10 വയസ്സുകാരി മരിച്ച കേസും അന്വേഷിച്ചത് ഒരേ പൊലീസ് ഉദ്യോഗസ്ഥർ. ആദ്യ മരണം നടക്കുമ്പോൾ കുണ്ടറയിൽ എസ്.ഐ ആയിരുന്ന ആർ. ഷാബു രണ്ടാമത്തെ മരണത്തി​െൻറ സമയത്ത് അവിടെത്തന്നെ സി.ഐയായി. കെ. കൃഷ്ണകുമാറായിരുന്നു ഇരു കേസി​െൻറയും സമയത്ത് ഡിവൈ.എസ്.പി. രണ്ടു കേസിലും തുടക്കം മുതലേ കേസ് തേച്ചുമായ്ച്ച് കളയാനുള്ള നീക്കങ്ങൾ നടന്നതായി ആേക്ഷപമുയർന്നിരുന്നു. കുട്ടികളുടെ മൃതദേഹങ്ങൾ സാധാരണ ദഹിപ്പിക്കാറില്ലെങ്കിലും ഇവിടെ ആ പതിവ് തെറ്റിച്ചു. അമ്മയുൾപ്പെടെ ബന്ധുക്കൾ ആവശ്യപ്പെട്ടിട്ടും മൃതദേഹം മെഡിക്കൽ കോളജിൽ നടത്താതെ ജില്ല ആശുപത്രിയിലാണ് പോസ്റ്റ്മോർട്ടം നടത്തിയതും.

മകൻ മരിച്ച് 19 ദിവസത്തിനുശേഷമാണ് കുണ്ടറ പൊലീസ് വീട്ടിലെത്തി കേസി​െൻറ നടപടി പൂർത്തിയാക്കിയതെന്ന് 14കാര​െൻറ മാതാവ് പറയുന്നു. തങ്ങൾ പ്രവർത്തിച്ചിരുന്ന രാഷ്ട്രീയ പാർട്ടിയുടെ നേതാക്കളും സഹായം നൽകിയില്ലെന്ന്  വാർത്താചാനലുകൾക്ക് നൽകിയ അഭിമുഖത്തിൽ മരിച്ച ബാല​െൻറ അമ്മയും സഹോദരിയും വ്യക്തമാക്കുന്നുണ്ട്. 14കാര​െൻറ മരണശേഷം പൊലീസിന് പരാതി നൽകിയെങ്കിലും ഫലമുണ്ടായില്ല. മക​െൻറ മരണത്തിന് നാലുമാസം മുമ്പ് പ്രതികൾ ഇവരെ കുടുംബത്തോടെ ശല്യം ചെയ്യുന്നതായി കാണിച്ച് പരാതി നൽകിയിരുന്നു. പ്രതികൾക്ക് അനുകൂല നിലപാടാണ് പൊലീസ് സ്വീകരിച്ചിരുന്നതെന്ന് മാതാവ്  കുറ്റപ്പെടുത്തുന്നു. ഈ രണ്ടുകേസിലും അലംഭാവം കാണിച്ച  പൊലീസ്, മരിച്ച ബാലികയുടെ പിതാവ് കുട്ടികളെ പീഡിപ്പിച്ചെന്ന പരാതി ലഭിച്ചപ്പോൾ ഉടൻ കേസ് രജിസ്റ്റർ ചെയ്യുകയും ചെയ്തു. കള്ളക്കേസിൽ പിതാവ് 29 ദിവസമാണ് റിമാൻഡിൽ കിടന്നത്.