നടിയെ തട്ടികൊണ്ട്​ പോയ സംഭവം: പ്രതികളുടെ അറസ്​റ്റിൽ ദുരൂഹതയെന്ന്​ കുമ്മനം

തിരുവനന്തപുരം: നടിയെ തട്ടികൊണ്ട്​ പോയ കേസിൽ പ്രതികളെ കോടതിയിൽ പൊലീസ്​ അറസ്​റ്റ്​ ചെയ്​തത്​ ദൂരൂഹമെന്ന്​ ബി.ജെ.പി സംസ്ഥാന പ്രസിഡൻറ്​ കുമ്മനം രാജശേഖരൻ. കീഴടങ്ങാൻ എത്തിയ പ്രതിയെ അറസ്​റ്റ്​ ചെയ്​തതെന്തിനെന്ന്​ പൊലീസ്​ വ്യക്​തമാക്കണമെന്നും ​കുമ്മനം ആവശ്യപ്പെട്ടു.

 കേസിൽ പ്രതികളെ രക്ഷപ്പെടുത്താനുള്ള സമീപനമാണ്​ പൊലീസ്​ സ്വീകരിക്കുന്നത്​. പൊലീസിനെ മുഖ്യമന്ത്രി അഭിനന്ദിച്ചതെന്തിനെന്ന്​ വ്യക്​തമാക്കണം. നടിയെ തട്ടികൊണ്ട്​ പോയ സംഭവം ഒറ്റപ്പെട്ടതാണെന്ന സി.പി.എം സംസ്ഥാന സെക്രട്ടറി കോടിയേരി ബാലകൃഷ്​ണ​ൻ പ്രസ്​താവന പിൻവലിക്കണമെന്നും കുമ്മനം ആവശ്യപ്പെട്ടു.