അഗ്നിരക്ഷാനിലയത്തിൽ പുതിയ ഫയർ ടെൻഡർ എത്തി

തൃക്കരിപ്പൂർ: അഗ്നിരക്ഷാനിലയത്തിന് പുതിയ വാട്ടർ ടെൻഡർ എത്തി. നിലവിലുള്ള ഫയർ എൻജിനിൽ ഉൾക്കൊള്ളുന്നതിെന്റ ഇരട്ടിയിലധികം വെള്ളം ശേഖരിക്കാൻ കഴിയുന്ന ടെൻഡർ ജില്ലയിൽ തൃക്കരിപ്പൂർ നിലയത്തിന് മാത്രമാണ് അനുവദിച്ചത്.

9000 ലിറ്റർ വെള്ളം ശേഖരിക്കാനാവുന്ന വാഹനം എം. രാജഗോപാലൻ എം.എൽ.എ ഫ്ലാഗ്ഓഫ് ചെയ്തു. പഞ്ചായത്ത് പ്രസിഡന്റ് സത്താർ വടക്കുമ്പാട് അധ്യക്ഷത വഹിച്ചു. സ്റ്റേഷൻ ഓഫിസർ കെ.എം. ശ്രീനാഥൻ, കെ.വി.പ്രകാശൻ, കെ.വി.ഷൈജിത്ത് കുമാർ, പി.രാകേഷ് എന്നിവർ സംസാരിച്ചു.