പോ​രാ​ട്ട​വ​ഴി​ക​ളി​ലെ സ​മ​ര​നാ​യ​ക​ര്‍ക്ക് ആ​ദ​രം

കാ​സ​ർ​കോ​ട്: ഗോ​വ വി​മോ​ച​ന കാ​ല​ഘ​ട്ട​ത്തി​ലെ​യും പി​ന്നി​ട്ട സ​മ​ര​വീ​ഥി​ക​ളി​ലെ​യും ഉ​ജ്ജ്വ​ല​മാ​യ ഏ​ടു​ക​ള്‍ കെ.​വി. നാ​രാ​യ​ണ​നും കെ.​എം.​കെ. ന​മ്പ്യാ​രും ഓ​ര്‍ത്തെ​ടു​ക്കു​ന്ന​ത് ഇ​ന്ന​ലെ ക​ഴി​ഞ്ഞ​തു​പോ​ലെ​യാ​ണ്. പ​തി​റ്റാ​ണ്ടു​ക​ള്‍ക്ക് സാ​ക്ഷ്യം​വ​ഹി​ച്ച ഇ​രു​വ​രി​ലും അ​ന്ന​ത്തെ ആ​വേ​ശ​വും പോ​രാ​ട്ട​വീ​ര്യ​വും വ​റ്റി​യി​ട്ടി​ല്ല. രാ​ജ്യം സ്വ​ത​ന്ത്ര​മാ​യ​തി​ന്റെ 75 വ​ര്‍ഷം പി​ന്നി​ട്ട​തി​ന്റെ ഭാ​ഗ​മാ​യി സം​ഘ​ടി​പ്പി​ക്കു​ന്ന ആ​സാ​ദി കാ ​അ​മൃ​ത് മ​ഹോ​ത്സ​വ​ത്തോ​ട​നു​ബ​ന്ധി​ച്ചാ​ണ് ജി​ല്ല ഇ​ന്‍ഫ​ര്‍മേ​ഷ​ന്‍ ഓ​ഫി​സ്, ജി​ല്ല ഭ​ര​ണ​കൂ​ടം എ​ന്നി​വ​രു​ടെ നേ​തൃ​ത്വ​ത്തി​ല്‍ ജി​ല്ല​യി​ലെ സ്വാ​ത​ന്ത്ര്യ സ​മ​ര​സേ​നാ​നി​ക​ളെ ആ​ദ​രി​ച്ച​ത്.

സ്മ​ര​ണ​ക​ളി​ല്‍ സ​മ​രാ​വേ​ശം നി​റ​ച്ച് കെ.​വി. നാ​രാ​യ​ണ​ന്‍

'പു​ഴ ക​ട​ന്ന് ഗോ​വ​യി​ലെ​ത്തി​യ ഞ​ങ്ങ​ളെ പോ​ര്‍ച്ചു​ഗീ​സ് പൊ​ലീ​സ് വെ​ടി​​വെ​ച്ച് ഭ​യ​പ്പെ​ടു​ത്തി. അ​ടി​ച്ചു പ​രി​ക്കേ​ല്‍പി​ച്ചു. ക​ന​ത്ത മ​ഴ​യും ഉ​ണ്ടാ​യി​രു​ന്നു. ഞ​ങ്ങ​ള്‍ ഒ​രു ക​ത്തീ​ഡ്ര​ല്ലി​ന് മു​ന്നി​ല്‍ ഒ​രു​മി​ച്ചു കൂ​ടി. കു​ടി​ക്കാ​ന്‍ വെ​ള്ളം പോ​ലും ത​ന്നി​ല്ല. ചോ​ദി​ച്ച​പ്പോ​ള്‍ അ​ടി​യാ​യി​രു​ന്നു. ക​ഠി​ന മ​ര്‍ദ​ന​മാ​ണ് ഏ​ല്‍ക്കേ​ണ്ടി വ​ന്ന​ത്'. പ​റ​ങ്കി​ക​ളെ തു​ര​ത്താ​ന്‍ ഗോ​വ​യി​ലെ​ത്തി​യ മ​ല​യാ​ളി​ക​ളി​ല്‍ മു​മ്പ​നാ​യ കെ.​വി. നാ​രാ​യ​ണ​ന്റെ സ്മ​ര​ണ​ക​ളി​ല്‍ വീ​ണ്ടും സ​മ​രാ​വേ​ശം നി​റ​ഞ്ഞു. രാ​ജ്യ​ത്തി​ന്റെ ഒ​രു ത​രി​മ​ണ്ണു​പോ​ലും വി​ദേ​ശി​ക​ള്‍ക്ക് വി​ട്ടു​കൊ​ടു​ക്കി​ല്ലെ​ന്ന പ്ര​ഖ്യാ​പ​ന​മാ​യി​രു​ന്നു ഗോ​വ​ന്‍ വി​മോ​ച​ന സ​മ​രം.

ക്രൂ​ര പീ​ഡ​ന​ത്തി​ന്റെ ക​ഥ​യ​ട​ക്കം അ​ദ്ദേ​ഹം സ​ദ​സ്സു​മാ​യി പ​ങ്കു​വെ​ച്ചു. സ​ബ്ക​ല​ക്ട​ര്‍ ഡി.​ആ​ര്‍. മേ​ഘ​ശ്രീ ച​ട​ങ്ങ് ഉ​ദ്ഘാ​ട​നം ചെ​യ്ത് കെ.​വി. നാ​രാ​യ​ണ​നെ ആ​ദ​രി​ച്ചു. സ്വാ​ത​ന്ത്ര്യ​സ​മ​രം ന​യി​ച്ച നേ​താ​ക്ക​ളു​ടെ​യും വി​മോ​ച​ന​ത്തി​നാ​യി വീ​ര ത്യാ​ഗം ചെ​യ്ത​വ​രു​ടെ​യും ഉ​ജ്ജ്വ​ല സ്മ​ര​ണ​ക​ള്‍ വ​രും ത​ല​മു​റ​ക​ള്‍ക്ക് ക​രു​ത്തു​പ​ക​രാ​നാ​കു​മെ​ന്നും സ​ബ്ക​ല​ക്ട​ര്‍ ഡി.​ആ​ര്‍. മേ​ഘ​ശ്രീ പ​റ​ഞ്ഞു. ച​രി​ത്ര​കാ​ര​ന്‍ പ്ര​ഫ. കെ.​പി. ജ​യ​രാ​ജ​ന്‍ സ്വാ​ത​ന്ത്ര്യ സ​മ​ര​സേ​നാ​നി കെ.​വി. നാ​രാ​യ​ണ​നെ പ​രി​ച​യ​പ്പെ​ടു​ത്തി.

ഓർമകൾ ചികഞ്ഞെടുത്ത്​ ക്യാപ്റ്റന്‍ കെ.എം.കെ. നമ്പ്യാർ

ഓ​ര്‍മ​ക​ള്‍ ഇ​ട​മു​റി​യു​ന്നു​ണ്ടെ​ങ്കി​ലും പ​ഴ​യ സ​മ​ര​പോ​രാ​ട്ട​ങ്ങ​ള്‍ ഓ​ര്‍ത്തെ​ടു​ക്കാ​ന്‍ കെ.​എം. കു​ഞ്ഞി​ക്ക​ണ്ണ​ന്‍ ന​മ്പ്യാ​ര്‍ക്ക് എ​ളു​പ്പ​മാ​ണ്. ഇ​ന്ത്യ​ന്‍ സൈ​ന്യ​ത്തി​ല്‍ ക്യാ​പ്റ്റ​നാ​യി വി​ര​മി​ച്ച കെ.​എം.​കെ. ന​മ്പ്യാ​ര്‍ ഗോ​വ വി​മോ​ച​ന സ​മ​ര​ത്തി​ന്റെ ഭാ​ഗ​മാ​യി കാ​സ​ര്‍കോ​ട് നി​ന്ന് ഗോ​വ​യി​ലേ​ക്ക് പു​റ​പ്പെ​ട്ട​വ​രി​ല്‍ ഒ​രാ​ളാ​യി​രു​ന്നു. ഗോ​വ​ന്‍ അ​തി​ര്‍ത്തി​യി​ല്‍ കൊ​ടി​യ മ​ര്‍ദ​ന​ങ്ങ​ള്‍ക്കി​ര​യാ​യ അ​നു​ഭ​വ​ങ്ങ​ള്‍ അ​ദ്ദേ​ഹം പ​ങ്കു​വെ​ച്ചു. രാ​ജ്യ​ത്തി​ന്റെ ഐ​ക്യ​ത്തി​നും അ​ഖ​ണ്ഡ​ത​യ്ക്കും വേ​ണ്ടി എ​ല്ലാ​വ​രും നി​ല​കൊ​ള്ള​ണ​മെ​ന്നും അ​ദ്ദേ​ഹം പ​റ​ഞ്ഞു.

ക​ല​ക്ട​റേ​റ്റ് മി​നി കോ​ണ്‍ഫ​റ​ന്‍സ് ഹാ​ളി​ല്‍ സം​ഘ​ടി​പ്പി​ച്ച പ​രി​പാ​ടി​യി​ല്‍ ജി​ല്ല ക​ല​ക്ട​ര്‍ ഭ​ണ്ഡാ​രി സ്വാ​ഗ​ത് ര​ണ്‍വീ​ര്‍ ച​ന്ദ് ഉ​ദ്ഘാ​ട​നം ചെ​യ്തു. തു​ട​ര്‍ന്ന് ക്യാ​പ്റ്റ​ന്‍ കെ.​എം. കു​ഞ്ഞി​ക്ക​ണ്ണ​ന്‍ ന​മ്പ്യാ​രെ ജി​ല്ല ക​ല​ക്ട​ര്‍ ആ​ദ​രി​ച്ചു. നി​ര​വ​ധി പോ​രാ​ളി​ക​ള്‍ രാ​ജ്യ​ത്തി​ന് വേ​ണ്ടി പോ​രാ​ടി നേ​ടി​യ​താ​ണ് നാം ​ഇ​ന്ന് അ​നു​ഭ​വി​ക്കു​ന്ന സ്വാ​ത​ന്ത്ര്യ​മെ​ന്നും അ​തി​ന്റെ മ​ഹ​ത്വം എ​ല്ലാ​വ​രും തി​രി​ച്ച​റി​യ​ണ​മെ​ന്നും ജി​ല്ല ക​ല​ക്ട​ര്‍ ഭ​ണ്ഡാ​രി സ്വാ​ഗ​ത് ര​ണ്‍വീ​ര്‍ ച​ന്ദ് പ​റ​ഞ്ഞു. എ.​ഡി.​എം എ.​കെ. ര​മേ​ന്ദ്ര​ന്‍ ച​ട​ങ്ങി​ല്‍ അ​ധ്യ​ക്ഷ​ത വ​ഹി​ച്ചു. റി​ട്ട:​എ.​ഇ.​ഒ കെ.​വി. രാ​ഘ​വ​ന്‍ മാ​സ്റ്റ​ര്‍ കെ.​എം.​കെ. ന​മ്പ്യാ​രെ പ​രി​ച​യ​പ്പെ​ടു​ത്തി.