ആ​വേ​ശ​പ്പെ​രു​മ​ഴ തീ​ർ​ത്ത് കൊ​ട്ടി​ക്ക​ലാ​ശം

സർകോട്: എ​ൽ.​ഡി.​എ​ഫ് സ്ഥാ​നാ​ർ​ഥി. എം.​വി. ബാ​ല​കൃ​ഷ്ണ​ന്റെ തെ​ര​ഞ്ഞെ​ടു​പ്പ് പ്ര​ചാ​ര​ണ കൊ​ട്ടി​ക്ക​ലാ​ശം പ​യ്യ​ന്നൂ​രി​ൽ ന​ഗ​ര​ത്തെ ഇ​ള​കി​മ​റി​ച്ച് ജ​ന​സ​മു​ദ്ര​മാ​യി അ​ല​യ​ടി​ച്ച​പ്പോ​ൾ യു.​ഡി.​എ​ഫ് സ്ഥാ​നാ​ർ​ഥി രാ​ജ്മോ​ഹ​ൻ ഉ​ണ്ണി​ത്താ​ന്റെ പ്ര​ചാ​ര​ണ ക​ലാ​ശം കാ​സ​ർ​കോ​ട് ന​ഗ​ര​ത്തെ അ​ക്ഷ​രാ​ർ​ഥ​ത്തി​ൽ ശ്വാ​സം​മു​ട്ടി​ച്ചു. എ​ൻ.​ഡി.​എ സ്ഥാ​നാ​ർ​ഥി എം.​എ​ൽ. അ​ശ്വി​നി​യു​ടെ ​പ്രചാ​ര​ണ​വും മി​ക​ച്ച പ്ര​ക​ട​ന​ത്തി​ൽ ക​ലാ​ശി​ച്ചു.

ഇ​ട​തു​പ​ക്ഷ ജ​നാ​ധി​പ​ത്യ മു​ന്ന​ണി സ്ഥാ​നാ​ർ​ഥി എം.​വി. ബാ​ല​കൃ​ഷ്ണ​ന്റെ വി​ജ​യ ഭേ​രി​യാ​യി​രു​ന്നു പ​യ്യ​ന്നൂ​രി​ൽ ന​ട​ന്ന എ​ൽ.​ഡി.​എ​ഫ് ക​ലാ​ശ​കൊ​ട്ട്. ഇ​ട​തു​പ​ക്ഷ​ത്തി​ന്റെ ചെ​ങ്കോ​ട്ട​യാ​യ പ​യ്യ​ന്നൂ​രി​ൽ ന​ഗ​ര​ത്തെ കൂ​ടു​ൽ ചു​വ​പ്പി​ച്ചു കൊ​ണ്ടാ​ണ് അ​വ​സാ​ന​വ​ട്ട പ​ര​സ്യ പ്ര​ചാ​ര​ണം സ​മാ​പി​ച്ച​ത്. പു​തി​യ ബ​സ് സ്റ്റാ​ൻ​ഡ് പ​രി​സ​ര​ത്തുനി​ന്ന് തു​റ​ന്ന വാ​ഹ​ന​ത്തി​ൽ സ്ഥാ​നാ​ർ​ഥി​യെ​യും ആ​ന​യി​ച്ച് എത്തി.

ശി​ങ്കാ​രി​മേ​ള​വും ബാ​ൻ​ഡ് മേ​ള​വും അ​ക​മ്പ​ടി​യാ​യി. എ​ൽ.​ഡി.​എ​ഫി​ലെ വി​വി​ധ പാ​ർ​ട്ടി​ക​ളു​ടെ കൊ​ടി​ക​ളും വ​ർ​ണ ബ​ലൂ​ണു​ക​ളും ക​ള​രി അ​ഭ്യാ​സ​വും കൂ​റ്റ​ൻ ചെ​ങ്കൊ​ടി​യു​മെ​ല്ലാം റാ​ലി​ക്ക് കൊ​ഴു​പ്പേ​കി. പ​തി​വി​ല്ലാ​ത്ത​വി​ധം പ്ര​ക​ട​ന​ത്തി​ലും കാ​ഴ്ച​ക്കാ​രാ​യും ആ​യി​ര​ങ്ങ​ൾ ന​ഗ​ര​ത്തി​ലേ​ക്ക് ഒ​ഴു​കി​യെ​ത്തി.

ഇ​ട​ത് വ​ല​ത് മു​ന്ന​ണി​ക​ളുെ​ട കൊ​ട്ടി​ക്ക​ലാ​ശം കാ​ഞ്ഞ​ങ്ങാട്ടും ആ ​വേ​ശ​മാ​യി. മു​ന്നി​ലും പി​ന്നി​ലു​മാ​യി മൂ​ന്ന് മു​ന്ന​ണി​ക​ളു​ടെ​യും ഘോ​ഷ​യാ​ത്ര ക​ട​ന്നു​പോ​യി. അ​ഞ്ച് മ​ണി​ക്ക് ആ​രം​ഭി​ച്ച് ആ​റ് മ​ണി​ക്ക് ക​ലാ​ശ​ക്കൊ​ട്ട് അ​വ​സാ​നി​ച്ചു. സ്ഥാ​നാ​ർ​ഥി അ​ശ്വ​നി​യു​ടെ ക​ട്ടൗട്ടും മോ​ദിയു​ടെ ചി​ത്ര​ങ്ങ​ളും ക​യ്യി​ലേ​ന്തി ആ​ദ്യം ബി.​ജെ.​പി​യു​ടെ പ്ര​ക​ട​നം കോ​ട്ട​ച്ചേ​രി ഭാ​ഗ​ത്ത് നി​ന്നുമെ​ത്തി. ന​ഗ​ര​ത്തി​ൽ പ്ര​വേ​ശി​ച്ച് പു​തി​യ കോ​ട്ട​യി​ൽ സ​മാ​പി​ച്ചു.

പി​ന്നാ​ലെ എ​ൽ.​ഡി.​എ​ഫ്‌ സ്ഥാ​നാ​ർ​ഥി എം.​വി. ബാ​ല​കൃ​ഷ്‌​ണ​ന്റെ തി​ര​ഞ്ഞെ​ടു​പ്പ്‌ പ്ര​വ​ർ​ത്ത​ന​ങ്ങ​ളു​ടെ കൊ​ട്ടി​ക​ലാ​ശം എ​ത്തി. വാ​ദ്യ​മേ​ളങ്ങ​ളു​ടെ അ​ക​മ്പ​ടി​യോ​ടെ​യാ​യി​രു​ന്നു ഘോ​ഷ​യാ​ത്ര. കോ​ട്ട​ച്ചേ​രി എ​ലൈ​റ്റ്‌ ഹോ​ട്ട​ൽ പ​രി​സ​രം കേ​ന്ദ്രീ​ക​രി​ച്ച്‌ വാ​ദ്യ​മേ​ള​ങ്ങ​ൾ​ക്കൊ​പ്പം മൈ​ക്ക്‌ പ്ര​ച​ര​ണ​വാ​ഹ​ന​വും മു​ന്നി​ൽ നീ​ങ്ങി​യ​പ്പോ​ൾ പി​ന്നാ​ലെ എ​ൽ.​ഡി.​എ​ഫ്‌ മ​ണ്ഡ​ലം നേ​താ​ക്ക​ളും നൂ​റു​ക​ണ​ക്കി​ന്‌ പ്ര​വ​ർ​ത്ത​ക​രും അ​രി​വാ​ൾ ചു​റ്റി​ക ന​ക്ഷ​ത്രം ആ​ലേ​ഖ​നം ചെ​യ്‌​ത പ​താ​ക​ക​ളും ബ​ലൂ​ണു​ക​ളും സ്ഥാ​നാ​ർ​ഥി​യു​ടെ പ​ടം ആ​ലേ​ഖ​നം ചെ​യ്‌​ത പ്ല​ക്കാ​ർ​ഡു​ക​ളും ഉ​യ​ർ​ത്തി അ​ണി​നി​ര​ന്നു.

കൈ​ലാ​സ്‌ പ​രി​സ​രം ചു​റ്റി കോ​ട്ട​ച്ചേ​രി ബ​സ് സ്റ്റാ​ൻ​ഡ്‌ പ​രി​സ​ര​ത്താ​ണ്‌ പ്ര​ക​ട​നം സ​മാ​പി​ച്ച​ത്‌. ഇ. ​ച​ന്ദ്ര​ശേ​ഖ​ര​ൻ എം.​എ​ൽ.​എ, വി.​കെ. രാ​ജ​ൻ, കെ.​വി. കൃ​ഷ്‌​ണ​ൻ, അ​ഡ്വ. കെ. ​രാ​ജ്‌​മോ​ഹ​ൻ, എം. ​പൊ​ക്ല​ൻ, കാ​റ്റാ​ടി കു​മാ​ര​ൻ, എം. ​രാ​ഘ​വ​ൻ, എം. ​ഹ​മീ​ദ്‌ ഹാ​ജി, സി.​കെ . നാ​സ​ർ, ഉ​ദി​നൂ​ർ സു​കു​മാ​ര​ൻ തു​ട​ങ്ങി​യ​വ​ർ നേ​തൃ​ത്വം ന​ൽ​കി.

എ​ൽ.​ഡി.​എ​ഫ് പ്ര​ക​ട​ന​ത്തി​ന് പി​ന്നാ​ലെ​യാ​യി​രു​ന്നു യു.​ഡി.​എ​ഫ് ജാ​ഥ​യു​ടെ ക​ലാ​ശ​ക്കൊ​ട്ടെ​ത്തി​യ​ത്. കോ​ട്ട​ച്ചേ​രി​യി​ൽനി​ന്ന് ആ​രം​ഭി​ച്ച് പ​ഴ​യ ബ​സ് സ്റ്റാ​ൻഡിന് മു​മ്പിൽ സ​മാ​പി​ച്ചു. സ്ത്രീ​ക​ൾ ഉ​ൾ​പ്പെ​ടെ പ​ങ്കെ​ടു​ത്തു. ബൈ​ക്ക് റാ​ലി ഉ​ണ്ടാ​യി​ല്ല. ന​ഗ​ര​ത്തി​ൽ സ​മാ​ധാ​ന​പ​ര​മാ​യിരുന്നു കൊ​ട്ടി​ക്ക​ലാ​ശം. കൂ​ടു​ത​ൽ പൊ​ലീ​സി​നെ വി​ന്യ​സി​ച്ചി​രു​ന്നു.