കണ്ണൂരിൽ വീണ്ടും യാത്രാവിമാനമെത്തി

കണ്ണൂർ: കണ്ണൂർ വിമാനത്താവളം അന്തിമ അനുമതി നേടുന്നതി​​​​െൻറ ഭാഗമായുള്ള പരീക്ഷണപ്പറക്കലിന്​ ചൊവ്വാഴ്​ച​ വീണ്ടും മൂർഖൻപറമ്പ്​ സാക്ഷിയായി. എയർ ഇന്ത്യ എക്​സ്​പ്രസി​​​െൻറ ബോയിങ്ങ്​ 737 യാത്രാ വിമാനമാണ്​ രാവിലെ എട്ട്​മണിയോടെ കണ്ണൂർ വിമാനത്താവളത്തിൽ എത്തിയത്​. കരിപ്പൂർ വിമാനത്താവളത്തിൽ നിന്ന്​ 7.51ന്​ പുറപ്പെട്ട്​ കണ്ണൂർ വിമാനത്താവള പരിധിയിൽ എട്ട്​ മണിയോടെ എത്തിയ വിമാനം റൺവേയിൽ ഇറങ്ങാതെ മൂന്ന്​ വട്ടം വിമാനത്താവളം വലയം ചെയ്​ത്​ പറന്നു. മുപ്പത്​ മിനു​േട്ടാളം വിമാനം കണ്ണൂർ വിമാനത്താവള പരിധിയിൽ പറന്ന ശേഷം 8.34 ന്ാണ് മടങ്ങിയത്.

ഇൻസ്​റ്റുൾമ​​െൻറ്​ ലാൻറിംങ്ങ്​ സിസ്​റ്റ (​െഎ.എൽ.എസ്​)മനുസരിച്ചുള്ള പരീക്ഷണമാണ്​ ചൊവ്വാഴ്​ച​ നടതെന്ന്​ കിയാൽ മാനേജിങ് ഡയറക്​ടർ തുളസീദാസ്​ ‘മാധ്യമ’ത്തോട്​ പറഞ്ഞു. കഴിഞ്ഞ മാസം 20ന്​ പരീക്ഷണാർഥം ലാൻറ്​ ചെയ്​ത എയർ ഇന്ത്യ എക്​സ്​പ്രസി​​​െൻറ അതേ ശേഷിയുള്ള വിമാനമാണ് ഇന്ന് എത്തിയത്. 20ന്​ വിമാനമിറങ്ങിയത്​ ​ട്രയലി​​​െൻറ ഭാഗമല്ലെന്നും എയറോബ്രിഡ്​ജി​ലേക്കുള്ള കണക്​ഷൻ ക്രമീകരണത്തിന്​ വേണ്ടിയായിരുന്നുവെന്നും തുളസീദാസ്​ വെളിപ്പെടുത്തി.

കഴിഞ്ഞ മാസം 20ന്​ പരീക്ഷണപ്പറക്കൽ നടത്തിയ വിമാനം ഒരു മണിക്കൂറോളം വിമാനത്താവള വ്യോമ അതിർഥിക്കുള്ളിൽ കറങ്ങിയ ശേഷമാണ്​ ലാൻറ്​ ചെയ്​തത്​. പരീക്ഷണം പൂർത്തിയായതോടെ ഡയറക്​ടറേറ്റ്​ ജനറൽ ഒാഫ്​ സിവിൽ ഏവിയേഷൻ ലൈസൻസ്​ ഉടനെ ലഭിക്കുമെന്നാണ്​ കരുതിയിരുന്നത്​. അതിന്​ ശേഷം കിയാൽ അധികൃതർ വ്യോമയാന വകുപ്പ്​ സെക്രട്ടറിയുടെ സാന്നിധ്യത്തിൽ ഡൽഹിയിൽ ചേർന്ന വിവിധ വകുപ്പുകളുടെ അവലോകനത്തിന്​ ശേഷമാണ്​ വീണ്ടും പരീക്ഷണ പറക്കൽ നിശ്​ചയിച്ചത്​.

റേഡിയോ സിഗ്​നലുകളുടെയും ലൈറ്റിങ്ങുകളുടെയും കാര്യശേഷി പരിശോധിക്കുന്ന പരീക്ഷണമാണ്​ ചൊവ്വാഴ്​ച നടന്നത്​. ഇ​തോടെ ഡി.ജി.സി.എ.യുടെ ലൈസൻസ്​ നടപടികളുടെ അന്തിമ നിരീക്ഷണവും പൂർത്തിയായി. വിമാനത്താവളവുമായി ബന്ധപ്പെട്ട്​ പരീക്ഷണപ്പറക്കലി​​​െൻറ അഞ്ചാം ഘട്ടമാണ്​ ഇന്നലെ പിന്നിട്ടത്​. യു.ഡി.എഫ്​. സർക്കാർ നിയമസഭാ തെരഞ്ഞെടുപ്പിന്​ തൊട്ട്​ മുമ്പ്​ വിമാനത്താവള റൺവേ പൂർണമായി എന്ന്​ അവകാശപ്പെട്ട്​ 2016 ഫെബ്രുവരി 29 ന് ആദ്യ പരീക്ഷണ പറക്കൽ നടത്തിയിരുന്നു. വ്യോമസേനയുടെ ചെറു വിമാനമായ ഡ്‌- 2 ബി ഇനത്തിൽ പെട്ടതാണ്​ പറന്നിറങ്ങിയത്​. പിന്നീട്​ 2018 ഫെബ്രുവരി 18ന്​ വ്യോമസേനയുടെ ഡോണിയര്‍ വിമാനത്തി​​​െൻറ പരീക്ഷണ പറക്കൽ നടന്നു. വിമാനത്താവളത്തിലെ റഡാര്‍ സംവിധാനം കാലിബ്രേറ്റ് ചെയ്യുന്ന പരീക്ഷണമായിരുന്നു അത്​.അന്നും കരിപ്പൂരിൽ നിന്നാണ്​ ചെറുവിമാനം രണ്ട്​ മണിക്കൂറോളം കണ്ണൂർ വിമാനത്താവളത്തിന്​ മുകളിൽ പറന്നത്​. ഇങ്ങനെ രണ്ടു ഘട്ടങ്ങളിൽ ഡോണിയർ വിമാനം പരീക്ഷണം നടന്നിരുന്നു.