ബു​ള്ള​റ്റ് ട്രെ​യി​നു​ക​ളെ​ക്കു​റി​ച്ച് ലോ​കം ചി​ന്തി​ക്കു​േമ്പാൾ സി​ൽ​വ​ർ​ ലൈ​ൻ പ്ര​സ​ക്ത​മാ​ണോയെന്ന്​ മാർ ജോ​സ​ഫ് പെ​രു​ന്തോ​ട്ടം

കോട്ടയം: സി​ൽ​വ​ർ​ ലൈ​ൻ സെ​മി ഹൈ​സ്പീ​ഡ് പാതക്കെതിരെ ചങ്ങനാശ്ശേരി ആ​ർ​ച് ബി​ഷ​പ് മാർ ജോ​സ​ഫ് പെ​രു​ന്തോ​ട്ടം. 500 കി​ലോ​മീ​റ്റ​ർ​വ​രെ വേഗത്തിലോടുന്ന ബു​ള്ള​റ്റ് ട്രെ​യി​നു​ക​ളെ​ക്കു​റി​ച്ച് ലോ​കം ചി​ന്തി​ക്കു​േമ്പാൾ, വ​ൻ​തു​ക മു​ട​ക്കിയുള്ള സി​ൽ​വ​ർ​ ലൈ​ൻ പ്ര​സ​ക്ത​മാ​ണോയെന്ന്​ ഒരു ദിനപത്രത്തിലെഴുതിയ ലേഖനത്തിൽ അദ്ദേഹം സംശയം പ്രകടിപ്പിക്കുന്നു. സി​ൽ​വ​ർ ​ലൈ​ൻ പ​ദ്ധ​തി പു​നഃപ​രി​ശോ​ധി​ക്കണമെ​ന്ന ആവശ്യം സ്വാ​ഗ​താ​ർ​ഹ​മാ​ണെന്ന്​ വ്യക്തമാക്കുന്ന പെ​രു​ന്തോ​ട്ടം ജ​ന​ങ്ങ​ളു​ടെ ആ​ശ​ങ്ക​ക​ൾ​ക്ക് തൃ​പ്തി​ക​ര​മാ​യ പ​രി​ഹാ​രം ഉ​ണ്ടാ​കേ​ണ്ട​തുണ്ടെന്നും ചൂണ്ടിക്കാട്ടുന്നു.

ട്രെ​യി​ൻ വേഗം മ​ണി​ക്കൂ​റി​ൽ 200 കി​ലോ​മീ​റ്റ​ർ എ​ന്നു പ​റ​യു​ന്നു​ണ്ടെ​ങ്കി​ലും ശ​രാ​ശ​രി സ്പീ​ഡ് 132 കി​ലോ​മീ​റ്റ​ർ മാ​ത്ര​മാ​യി​രി​ക്കു​മെ​ന്ന​റി​യു​ന്നു. 2025 ആ​കു​​േമ്പാ​ഴേ​ക്കും എ​ല്ലാ എ​ക്സ്പ്ര​സ് ട്രെ​യി​നു​ക​ളും 150 കി​ലോ​മീ​റ്റ​ർ വേഗത്തിൽ ഓ​ടി​ത്തു​ട​ങ്ങു​മെ​ന്ന് ഇ​ന്ത്യ​ൻ റെ​യി​ൽ​വേ ഇപ്പോൾതന്നെ പ്ര​ഖ്യാ​പി​ച്ചി​ട്ടുണ്ട്​. കു​റ​ഞ്ഞ​സ​മ​യം​കൊ​ണ്ട് ദീ​ർ​ഘ​ദൂ​ര​യാ​ത്രയെന്ന നേ​ട്ട​മാ​ണ് സ​ർ​ക്കാ​ർ അ​വ​കാ​ശ​പ്പെ​ടു​ന്ന​തെ​ങ്കി​ലും ഇത്​ ല​ക്ഷ​ക്ക​ണ​ക്കി​ന്​ ജ​ന​ങ്ങ​ളു​ടെ ജീ​വി​ത​പ​രി​താ​വ​സ്ഥ​യെ താ​റു​മാ​റാ​ക്കു​മെ​ന്ന ആ​ശ​ങ്ക ശ​ക്തമാ​ണ്.

ത​ല​മു​റ​ക​ളാ​യി അ​ധ്വാ​നി​ച്ച്​ സ്വ​ന്ത​മാ​ക്കി​യ വീ​ടും സ്ഥലവുമൊക്കെ ഉ​പേ​ക്ഷി​ച്ച്​ പോ​കേ​ണ്ടി​വ​രു​ന്ന​ത് പ്രയാസം സൃഷ്​ടിക്കും. ആ​ളു​ക​ൾ തി​ങ്ങി​പ്പാ​ർ​ക്കു​ന്ന സ്ഥ​ല​ങ്ങ​ളി​ലൂ​ടെ​യു​ള്ള പാ​ത അ​നേ​കം സ​മൂ​ഹ​ങ്ങ​ളെ കീ​റി​മു​റി​ച്ചു​കൊ​ണ്ടേ സാ​ധ്യ​മാ​കൂ. ഗ്രാ​മീ​ണ മേ​ഖ​ല​ക​ളി​ലെ സാ​ധാ​ര​ണ ജീ​വി​ത​ശൈ​ലി​ക്ക് ഇത്​ ആ​ഘാ​ത​മേ​ൽപി​ക്കും. പ​ദ്ധ​തി കേ​ര​ള​ത്തി​​​െൻറ ആ​വാ​സ​വ്യ​വ​സ്ഥ​യെ മാ​റ്റി​മ​റി​ക്കാം. അ​ന​വ​ധി ആ​രാ​ധ​നാ​ല​യ​ങ്ങ​ളെ​യും സ്ഥാ​പ​ന​ങ്ങ​ളെ​യും അ​വ​യോ​ട്​ ബ​ന്ധ​പ്പെ​ട്ട ജ​ന​ങ്ങ​ളു​ടെ സ്വച്ഛ​ജീ​വി​ത​ത്തെ​യും ബാ​ധി​ക്കും.

50 മു​ത​ൽ 100 അ​ടി വ​രെ വീ​തി​യി​ൽ 560 കി​ലോ​മീ​റ്റ​ർ നീ​ള​ത്തി​ൽ കോ​ണ്‍ക്രീ​റ്റ് ഇ​ട​നാ​ഴി നി​ർ​മി​ച്ച് ഇ​രു​വ​ശ​ത്തും 25 അ​ടി​വ​രെ ഉ​യ​ര​മു​ള്ള മ​തി​ലു​ക​ൾ ഉ​യ​രു​​േമ്പാ​ൾ കേ​ര​ളം ര​ണ്ടാ​യി വി​ഭ​ജി​ക്ക​പ്പെ​ടാം. ഇ​ത്​ പ്ര​ള​യ​സാ​ധ്യ​ത വ​ർ​ധി​പ്പി​ക്കു​ക​യും ര​ക്ഷാ​പ്ര​വ​ർ​ത്ത​ന​ങ്ങ​ൾ​ക്കുവരെ ത​ട​സ്സം സൃ​ഷ്​ടി​ക്കു​ക​യും ചെ​യ്യുമെന്നും ലേഖനത്തിൽ ചൂണ്ടിക്കാട്ടുന്നു.