ഹയർ സെക്കൻഡറി തസ്തിക നിർണയം: ആശങ്കയിൽ അധ്യാപകർ

പ​ത്ത​നം​തി​ട്ട: സം​സ്ഥാ​ന​ത്തെ ഹ​യ​ർ സെ​ക്ക​ൻ​ഡ​റി സ്കൂ​ളു​ക​ളി​ൽ 25 കു​ട്ടി​ക​ളി​ൽ താ​ഴെ വി​ദ്യാ​ർ​ഥി​ക​ൾ പ​ഠി​ക്കു​ന്ന പ്ല​സ് വ​ൺ, പ്ല​സ് ടു ​ബാ​ച്ചു​ക​ൾ ര​ണ്ടു ഡ​സ​നോ​ളം. നാ​ലു​വ​ർ​ഷ​ത്തെ ക​ണ​ക്കെ​ടു​ത്താ​ൽ കു​ട്ടി​ക​ളി​ല്ലാ​തെ പൂ​ട്ടി​യ ഹ​യ​ർ സെ​ക്ക​ൻ​ഡ​റി ബാ​ച്ചു​ക​ളും നി​ര​വ​ധി​യു​ണ്ട്. 25 കു​ട്ടി​ക​ളെ​ങ്കി​ലും ഇ​ല്ലാ​ത്ത ബാ​ച്ചു​ക​ളി​ൽ ത​സ്തി​ക​ക​ൾ ഒ​ഴി​വാ​ക്കു​ക​യാ​ണ് സ​ർ​ക്കാ​ർ ല​ക്ഷ്യം. ഇ​ത്ത​ര​ത്തി​ലു​ള്ള ത​സ്തി​ക നി​ർ​ണ​യം ജി​ല്ല​യി​ലെ ന​ല്ലൊ​രു വി​ഭാ​ഗം ഹ​യ​ർ സെ​ക്ക​ൻ​ഡ​റി അ​ധ്യാ​പ​ക​രെ ആ​ശ​ങ്ക​യി​ലാ​ഴ്ത്തും. ഹ​യ​ർ സെ​ക്ക​ൻ​ഡ​റി​യി​ൽ കു​ട്ടി​ക​ളു​ടെ എ​ണ്ണം കു​റ​ഞ്ഞു​വ​രു​ന്ന സാ​ഹ​ച​ര്യ​ത്തി​ലാ​ണ് ത​സ്തി​ക നി​ർ​ണ​യം ന​ട​ത്താ​ൻ സ​ർ​ക്കാ​ർ തീ​രു​മാ​നി​ച്ചി​രി​ക്കു​ന്ന​ത്. പു​തി​യ നി​യ​മ​ന​ങ്ങ​ൾ കു​റ​ക്കു​ക​യാ​ണ് ഇ​തി​ലൂ​ടെ ല​ക്ഷ്യ​മി​ടു​ന്ന​തെ​ന്ന് പ​റ​യു​ന്നു​ണ്ടെ​ങ്കി​ലും എ​യ്ഡ​ഡ് മേ​ഖ​ല​യി​ൽ നി​ല​വി​ലെ അ​ധ്യാ​പ​ക​രി​ൽ പ​ല​ർ​ക്കും ജോ​ലി ന​ഷ്ട​പ്പെ​ടു​മെ​ന്ന ആ​ശ​ങ്ക​യു​ണ്ട്. എ​ന്നാ​ൽ, ത​സ്തി​ക നി​ർ​ണ​യം വ​ഴി പു​നഃ​ക്ര​മീ​ക​രി​ക്കു​മെ​ന്നാ​ണ് വി​ശ​ദീ​ക​ര​ണം. എ​യ്ഡ​ഡ് മേ​ഖ​ല​യി​ൽ ഇ​ത് എ​ത്ര​മാ​ത്രം പ്രാ​വ​ർ​ത്തി​ക​മാ​കു​മെ​ന്ന​തു പ്ര​ശ്ന​മാ​ണ്. ഇ​തേ​വ​രെ സം​സ്ഥാ​ന​ത്തെ പ​ത്താം​ക്ലാ​സ് വ​ര​യൊ​ണ് സ​ർ​ക്കാ​ർ, എ​യ്ഡ​ഡ് സ്കൂ​ളു​ക​ളി​ൽ കു​ട്ടി​ക​ളു​ടെ എ​ണ്ണം അ​ടി​സ്ഥാ​ന​മാ​ക്കി ത​സ്തി​ക നി​ർ​ണ​യം ന​ട​ത്തി​യി​രു​ന്ന​ത്. ഹ​യ​ർ സെ​ക്ക​ൻ​ഡ​റി​യി​ൽ പു​തി​യ എ​യ്ഡ​ഡ് സ്കൂ​ളു​ക​ളി​ൽ പു​തി​യ ത​സ്തി​ക സൃ​ഷ്ടി​ക്കു​ന്ന​തു​മാ​യി ബ​ന്ധ​പ്പെ​ട്ടും ക​ണ​ക്കു​ക​ൾ ശേ​ഖ​രി​ച്ചി​രു​ന്നു​വെ​ങ്കി​ലും ത​സ്തി​ക നി​ല​നി​ർ​ത്തു​ന്ന​തി​ന് ഇ​ത് ആ​വ​ശ്യ​മാ​യി​രു​ന്നി​ല്ല. ഇ​നി ത​സ്തി​ക​ക​ൾ നി​ല​നി​ർ​ത്തു​ന്ന​തി​നും കു​ട്ടി​ക​ളു​ടെ എ​ണ്ണം അ​ടി​സ്ഥാ​ന​മാ​കു​ക​യാ​ണ്.

15 സ്കൂ​ളി​ലാ​യി 20 ബാ​ച്ച്​

2022ലെ ​പ്ല​സ് വ​ൺ പ്ര​വേ​ശ​ന ക​ണ​ക്കി​ൽ ത​ന്നെ ജി​ല്ല​യി​ലെ 15 സ്കൂ​ളി​ലാ​യി 20 ബാ​ച്ചി​ൽ 25 കു​ട്ടി​ക​ളി​ൽ താ​ഴെ​യാ​ണ് പ്ര​വേ​ശ​നം നേ​ടി​യ​ത്. ഇ​തി​ൽ 15 സ​ർ​ക്കാ​ർ സ്കൂ​ളു​ക​ളും അ​ഞ്ച് എ​യ്ഡ​ഡ് സ്കൂ​ളു​ക​ളു​മു​ണ്ട്. സ​യ​ൻ​സ് ബാ​ച്ചു​ക​ളി​ല​ട​ക്കം കു​ട്ടി​ക​ളെ ല​ഭി​ക്കാ​ത്ത സാ​ഹ​ച​ര്യ​മു​ണ്ട്. 2021ൽ 22 ​ബാ​ച്ചി​ലും 2020ൽ 23 ​ബാ​ച്ചി​ലും 2019ൽ 17 ​ബാ​ച്ചി​ലും 25 കു​ട്ടി​ക​ളി​ൽ താ​ഴെ​യാ​യി​രു​ന്നു. ഹ​യ​ർ സെ​ക്ക​ൻ​ഡ​റി​യു​ടെ ക​ണ​ക്കി​ൽ ജി​ല്ല​യി​ൽ ഇ​പ്പോ​ഴും 83 വി​ദ്യാ​ല​യ​ങ്ങ​ളു​ണ്ട്. ഇ​വ​യി​ൽ പ​ല​യി​ട​ത്തും പ്ര​വേ​ശ​നം ത​ന്നെ നി​ർ​ത്തി​വെ​ച്ചി​രി​ക്കു​ക​യാ​ണ്. കു​ട്ടി​ക​ളെ ല​ഭി​ക്കാ​ത്ത​തു കാ​ര​ണം ഹ​യ​ർ സെ​ക്ക​ൻ​ഡ​റി ബാ​ച്ചു​ക​ൾ വേ​ണ്ടെ​ന്നു​വെ​ച്ച എ​യ്ഡ​ഡ്, അ​ൺ​എ​യ്ഡ​ഡ് വി​ദ്യാ​ല​യ​ങ്ങ​ളു​ണ്ട്. ചി​ല സ​ർ​ക്കാ​ർ സ്കൂ​ളു​ക​ളി​ലും ഹ​യ​ർ സെ​ക്ക​ൻ​ഡ​റി ബാ​ച്ചു​ക​ൾ നി​ർ​ത്തി. വ​ഴി​പാ​ട് ക​ണ​ക്കേ ഹ​യ​ർ സെ​ക്ക​ൻ​ഡ​റി ബാ​ച്ചു​ക​ൾ ന​ട​ത്തി​ക്കൊ​ണ്ടു​പോ​കു​ന്ന ചി​ല സ​ർ​ക്കാ​ർ സ്കൂ​ളു​ക​ളു​മു​ണ്ട്. വി​ര​ലി​ൽ എ​ണ്ണാ​വു​ന്ന കു​ട്ടി​ക​ളാ​ണ് ഇ​ത്ത​രം സ്കൂ​ളു​ക​ളി​ലു​ള്ള​ത്. ഇ​ത്ത​രം സ്കൂ​ളു​ക​ളി​ലേ​ക്ക് അ​ധ്യാ​പ​ക​രെ വ​ർ​ഷ​ങ്ങ​ളാ​യി നി​യ​മി​ച്ചി​ട്ടു​മി​ല്ല.

അ​ധി​ക ബാ​ച്ചു​ക​ൾ

ഏ​ക​ജാ​ല​ക പ്ര​വേ​ശ​നം ആ​യ​തോ​ടെ ഇ​ഷ്ട​വി​ദ്യാ​ല​യ​ങ്ങ​ൾ തേ​ടി കു​ട്ടി​ക​ൾ അ​പേ​ക്ഷ ന​ൽ​കു​ക​യും അ​വി​ട​ങ്ങ​ളി​ൽ പ്ര​വേ​ശ​നം ഉ​റ​പ്പാ​ക്കു​ക​യും ചെ​യ്യു​ന്ന രീ​തി​യാ​ണ് പ​ല ബാ​ച്ചു​ക​ളും ശോ​ഷി​ക്കാ​നി​ട​യാ​ക്കി​യ​ത്. ഓ​രോ ബാ​ച്ചി​ലും കു​ട്ടി​ക​ളു​ടെ എ​ണ്ണം 50 ആ​യി നി​ജ​പ്പെ​ടു​ത്ത​ണ​മെ​ന്ന്​ നി​ർ​ദേ​ശ​മു​ണ്ടെ​ങ്കി​ലും സം​സ്ഥാ​ന​ത്ത് പി​ന്തു​ട​ർ​ന്നു​വ​രു​ന്ന പൊ​തു​ത​ത്ത്വം പാ​ലി​ച്ച് ഓ​രോ വ​ർ​ഷ​വും ബാ​ച്ചു​ക​ളി​ൽ കു​ട്ടി​ക​ളു​ടെ എ​ണ്ണം വ​ർ​ധി​പ്പി​ച്ചു ന​ൽ​കാ​റു​ണ്ട്. ക​ഴി​ഞ്ഞ​വ​ർ​ഷം വ​രെ​യും അ​ധി​ക​ബാ​ച്ചു​ക​ളും പൊ​തു​വാ​യി അ​നു​വ​ദി​ച്ചു വ​ന്നി​രു​ന്നു. 2023ൽ ​മാ​ത്ര​മാ​ണ് തെ​ക്ക​ൻ ജി​ല്ല​ക​ളെ ഒ​ഴി​വാ​ക്കി അ​ധി​ക ബാ​ച്ചു​ക​ൾ ന​ൽ​കി​യ​ത്.

ജോ​ലി സു​ര​ക്ഷി​ത​ത്വം ഉ​റ​പ്പാ​ക്ക​ണ​മെ​ന്ന് അ​ധ്യാ​പ​ക സം​ഘ​ട​ന​ക​ൾ

കു​ട്ടി​ക​ളു​ടെ ക​ണ​ക്കെ​ടു​പ്പ് പൂ​ർ​ത്തി​യാ​കു​മ്പോ​ൾ ഒ​രു ബാ​ച്ചി​ൽ 25 കു​ട്ടി​ക​ൾ ഇ​ല്ലാ​തെ വ​രു​ന്ന സാ​ഹ​ച​ര്യ​ത്തി​ൽ ധാ​രാ​ളം അ​ധ്യാ​പ​ക ത​സ്തി​ക​ക​ൾ ഇ​ല്ലാ​താ​കാ​നും അ​നേ​കം നി​യ​മ​ന​ങ്ങ​ൾ​ക്ക് പ്ര​തി​സ​ന്ധി ഉ​ണ്ടാ​കാ​നും സാ​ധ്യ​ത​യു​ണ്ടെ​ന്ന് സം​ഘ​ട​ന​ക​ൾ. ഒ​രു ബാ​ച്ചി​ൽ 50 ൽ ​കൂ​ടു​ത​ൽ കു​ട്ടി​ക​ളെ പ്ര​വേ​ശി​പ്പി​ക്ക​രു​തെ​ന്ന കോ​ട​തി ഉ​ത്ത​ര​വ് സ​ർ​ക്കാ​ർ ന​ട​പ്പാ​ക്കാ​ത്ത​താ​ണ് പ്ര​തി​സ​ന്ധി​ക്ക്​ കാ​ര​ണ​മെ​ന്ന് എ​യ്ഡ​ഡ് ഹ​യ​ർ സെ​ക്ക​ൻ​ഡ​റി ടീ​ച്ചേ​ഴ്സ് അ​സോ​സി​യേ​ഷ​ൻ ആ​രോ​പി​ച്ചു. ഹ​യ​ർ സെ​ക്ക​ൻ​ഡ​റി ക്ലാ​സു​ക​ളി​ൽ ഒ​രു ബാ​ച്ചി​ൽ പ​ഠി​ക്കു​ന്ന കു​ട്ടി​ക​ളു​ടെ പ​ര​മാ​വ​ധി എ​ണ്ണം 50 ആ​യി നി​ജ​പ്പെ​ടു​ത്ത​ണം. ക​ഴി​ഞ്ഞ വ​ർ​ഷം ധാ​രാ​ളം ജി​ല്ല​ക​ളി​ൽ ഓ​രോ ക്ലാ​സി​ലും 65നു ​മു​ക​ളി​ൽ കു​ട്ടി​ക​ളെ പ്ര​വേ​ശി​പ്പി​ച്ചു. ന​ഗ​ര​ങ്ങ​ളി​ലെ സ്കൂ​ളു​ക​ളി​ൽ ഇ​തു​മൂ​ലം ത​ൽ​ക്കാ​ലം പ്ര​തി​സ​ന്ധി ഉ​ണ്ടാ​കി​ല്ലെ​ങ്കി​ലും സം​സ്ഥാ​ന​ത്തെ ഗ്രാ​മ​പ്ര​ദേ​ശ​ങ്ങ​ളി​ലെ അ​നേ​കം സ്കൂ​ളു​ക​ളി​ൽ കു​ട്ടി​ക​ളു​ടെ എ​ണ്ണം ഗ​ണ്യ​മാ​യി കു​റ​ഞ്ഞു​വെ​ന്ന് എ.​എ​ച്ച്.​എ​സ്.​ടി.​എ ചൂ​ണ്ടി​ക്കാ​ട്ടി. കു​ട്ടി​ക​ളു​ടെ എ​ണ്ണ​ത്തി​ന്‍റെ അ​ടി​സ്ഥാ​ന​ത്തി​ലു​ള്ള ത​സ്തി​ക നി​ർ​ണ​യം അ​ധ്യാ​പ​ക​ർ​ക്കു ജോ​ലി സു​ര​ക്ഷി​ത​ത്വം ന​ഷ്ട​പ്പെ​ടു​ത്തു​മെ​ന്ന് എ.​എ​ച്ച്.​എ​സ്.​ടി.​എ ജി​ല്ല പ്ര​സി​ഡ​ന്റ് പി. ​ച​ന്ദി​നി സെ​ക്ര​ട്ട​റി ഡോ. ​അ​നി​ത ബേ​ബി എ​ന്നി​വ​ർ അ​ഭി​പ്രാ​യ​പ്പെ​ട്ടു.​ഹ​യ​ർ സെ​ക്ക​ൻ​ഡ​റി ക്ലാ​സു​ക​ളി​ൽ കു​ട്ടി​ക​ളു​ടെ എ​ണ്ണം 25 ആ​യി നി​ജ​പ്പെ​ടു​ത്താ​നു​ള്ള തീ​രു​മാ​നം മേ​ഖ​ല​യി​ൽ ത​സ്തി​ക ന​ഷ്ടം അ​ട​ക്കം ദൂ​ര​വ്യാ​പ​ക പ്ര​തി​സ​ന്ധി സൃ​ഷ്ടി​ക്കു​മെ​ന്നും തീ​രു​മാ​നം സ​ർ​ക്കാ​ർ പു​നഃ​പ​രി​ശോ​ധി​ക്ക​ണ​മെ​ന്നും കേ​ര​ള പ്ര​ദേ​ശ് സ്കൂ​ൾ ടീ​ചേ​ഴ്സ് അ​സോ​സി​യേ​ഷ​ൻ ജി​ല്ല പ്ര​സി​ഡ​ന്‍റ് ഫി​ലി​പ്പ് ജോ​ർ​ജ്, സെ​ക്ര​ട്ട​റി എ​സ്. പ്രേം ​എ​ന്നി​വ​ർ ആ​വ​ശ്യ​പ്പെ​ട്ടു.