ശുചിമുറി സൗകര്യമില്ലാതെ ഫോർട്ട്​കൊച്ചി; ആ‘ശങ്ക’ അകറ്റാൻ കഴിയാതെ സഞ്ചാരികൾ

മ​ട്ടാ​ഞ്ചേ​രി: കൊ​ച്ചി കാ​ണാ​നെ​ത്തു​ന്ന സ​ഞ്ചാ​രി​ക​ൾ​ക്ക് പ്രാ​ഥ​മി​ക കാ​ര്യ​ങ്ങ​ൾ​ക്കു​പോ​ലും സൗ​ക​ര്യ​മി​ല്ലാ​തെ കാ​ർ​ണി​വ​ൽ ആ​ഘോ​ഷ പ്ര​ദേ​ശ​മാ​യ തീ​ര​ദേ​ശ പൈ​തൃ​ക കൊ​ച്ചി. ശു​ചി​മു​റി​ക​ൾ ഒ​രു​ക്കാ​നു​ള്ള ഭ​ര​ണ​കൂ​ട​ത്തി​ന്‍റെ പ്ര​ഖ്യാ​പ​നം വാ​ക്കു​ക​ളി​ലൊ​തു​ങ്ങു​മ്പോ​ൾ ആ​ശ​ങ്ക അ​ക​റ്റാ​ൻ ക​ഴി​യാ​തെ വ​ല​യു​ക​യാ​ണ് ജ​ന​ങ്ങ​ളും സ​ഞ്ചാ​രി​ക​ളും. സ്ത്രീ​ക​ളാ​ണ് ഏ​റെ ബുദ്ധിമുട്ടുന്ന​ത്.

വ​ലി​യ ഹോ​ട്ട​ലു​ക​ളി​ൽ ക​യ​റി കാ​ര്യം സാ​ധി​ക്കേ​ണ്ട ഗ​തി​കേ​ടി​ലാ​ണ് സ​ഞ്ചാ​രി​ക​ൾ. പ​തി​റ്റാ​ണ്ടി​ലേ​റെ​യാ​യി പൈ​തൃ​ക-​ടൂ​റി​സം കേ​ന്ദ്ര​മാ​യ കൊ​ച്ചി​യി​ൽ ടൂ​റി​സം ഏ​ജ​ൻ​സി​ക​ളും ജ​ന​കീ​യ പ​രി​സ്ഥി​തി സം​ഘ​ട​ന​ക​ളും നി​ര​ന്ത​രം ആ​വ​ശ്യ​പ്പെ​ട്ടി​ട്ടും അ​ടി​സ്ഥാ​ന സൗ​ക​ര്യ​മൊ​രു​ക്കു​ന്ന​തി​ൽ അ​വ​ഗ​ണ​ന തു​ട​രു​ക​യാ​ണ്.

ന​ഗ​ര​സ​ഭ ത​ല​ത്തി​ലും സം​സ്ഥാ​ന ജി​ല്ലാ​ത​ല ടൂ​റി​സം വി​ക​സ​ന ഏ​ജ​ൻ​സി​ക​ളി​ലും വി​വി​ധ സം​ഘ​ട​ന​ക​ൾ നി​വേ​ദ​ന​ങ്ങ​ൾ ന​ൽ​കി​യെ​ങ്കി​ലും എ​ല്ലാം ചു​വ​പ്പു​നാ​ട​യി​ൽ കു​ടു​ങ്ങി​ക്കി​ട​ക്കു​ക​യാ​ണ്. ടൂ​റി​സം പൊ​തു​മ​രാ​മ​ത്ത് മ​ന്ത്രി ശു​ചി​മു​റി സൗ​ക​ര്യം ഒ​രു​ക്കു​മെ​ന്ന് പ​ല​ത​വ​ണ പ്ര​ഖ്യാ​പ​നം ന​ട​ത്തി​യി​ട്ടു​ണ്ടെ​ങ്കി​ലും പ്രാ​വ​ർ​ത്തി​ക​മാ​ക്കാ​ൻ ക​ഴി​ഞ്ഞി​ട്ടി​ല്ല. സ്മാ​ർ​ട്ട് സി​റ്റി, ടൂ​റി​സം വി​ക​സ​നം, ന​ഗ​ര സൗ​ന്ദ​ര്യ​വ​ത്​​ക​ര​ണം, ബീ​ച്ച് ബ്യൂ​ട്ടി​ഫി​ക്കേ​ഷ​ൻ തു​ട​ങ്ങി കോ​ടി​ക​ളു​ടെ പ​ദ്ധ​തി​ക​ൾ ന​ട​ക്കു​ന്നു​ണ്ടെ​ങ്കി​ലും ശു​ചി​മു​റി സം​വി​ധാ​ന​മെ​ന്ന​ത് വി​സ്മ​രി​ക്കു​ന്ന കാ​ഴ്ച​യാ​ണ് കാ​ണു​ന്ന​ത്.

പ്ര​തി​വ​ർ​ഷം മൂ​ന്ന് ല​ക്ഷ​ത്തി​ലേ​റെ വി​ദേ​ശ ടൂ​റി​സ്റ്റു​ക​ളും 10 ല​ക്ഷ​ത്തി​ലേ​റെ, ആ​ഭ്യ​ന്ത​ര സ​ഞ്ചാ​രി​ക​ളു​മെ​ത്തു​ന്ന കേ​ന്ദ്ര​മാ​ണ് ഫോ​ർ​ട്ട്​​കൊ​ച്ചി, മ​ട്ടാ​ഞ്ചേ​രി മേ​ഖ​ല​ക​ൾ. കൂ​ടാ​തെ ഒ​രേ സ​മ​യം ല​ക്ഷ​ങ്ങ​ൾ പ​ങ്കെ​ടു​ക്കു​ന്ന കാ​ർ​ണി​വ​ൽ, ബി​നാ​ലെ തു​ട​ങ്ങി​യ ആ​ഘോ​ഷ​ങ്ങ​ളും ന​ട​ക്കു​ന്നു​ണ്ട്.

എ​ന്നാ​ൽ, അ​ടി​സ്ഥാ​ന സൗ​ക​ര്യ​ത്തി​ൽ തീ​ര​ദേ​ശ കൊ​ച്ചി​യു​ടെ റാ​ങ്കി​ങ് ഏ​റെ പി​ന്നി​ലാ​ണെ​ന്നാ​ണ് ടൂ​റി​സ്റ്റ് ഗൈ​ഡു​ക​ളും ഏ​ജ​ൻ​സി​ക​ളും ഹോം ​സ്റ്റേ ഉ​ട​മ​ക​ളും അ​ഭി​പ്രാ​യ​പ്പെ​ടു​ന്ന​ത്. ശു​ചി​മു​റി​യൊ​രു​ക്കു​ന്ന​തി​ൽ അ​ധി​കൃ​ത​രു​ടെ അ​വ​ഗ​ണ​ന​യി​ൽ വ​ല​യു​ക​യാ​ണ് തീ​ര​ദേ​ശ പൈ​തൃ​ക ന​ഗ​രി.