സാമ്പത്തികവർഷാവസാനം: ട്രഷറികളിൽ കൂടുതൽ ക്രമീകരണം

തി​രു​വ​ന​ന്ത​പു​രം: സാ​മ്പ​ത്തി​ക വ​ർ​ഷാ​വ​സാ​നം ചെ​ക്കു​ക​ളും ബി​ല്ലു​ക​ളും അ​നി​യ​ന്ത്രി​ത​മാ​യി ട്ര​ഷ​റി​ക​ളി​ൽ എ​ത്തു​ന്ന സാ​ഹ​ച​ര്യ​ത്തി​ൽ ട്ര​ഷ​റി​ക​ളി​ൽ കൂ​ടു​ത​ൽ ക്ര​മീ​ക​ര​ണ​ങ്ങ​ൾ ഏ​ർ​പ്പെ​ടു​ത്തി. മാ​ർ​ച്ച് 22 വ​രെ സ്റ്റേ​റ്റ് വൈ​ഡ് ട്ര​ഷ​റി ക്യൂ​വി​ൽ ഉ​ൾ​പ്പെ​ടു​ത്തി​യി​ട്ടു​ള്ള എ​ല്ലാ ബി​ല്ലു​ക​ളും പാ​സാ​ക്കും.

ഇ​തോ​ടൊ​പ്പം തി​ങ്ക​ളാ​ഴ്ച വ​രെ സ​മ​ർ​പ്പി​ക്കു​ന്ന ത​ദ്ദേ​ശ സ്ഥാ​പ​ന​ങ്ങ​ളു​ടേ​ത് ഒ​ഴി​കെ​യു​ള്ള എ​ല്ലാ നോ​ൺ പ്ലാ​ൻ ബി​ല്ലു​ക​ളും പാ​സാ​ക്കും. ത​ദ്ദേ​ശ​സ്ഥാ​പ​ന​ങ്ങ​ളു​ടെ പ​ദ്ധ​തി ചെ​ല​വു​മാ​യി ബ​ന്ധ​പ്പെ​ട്ട എ​ൽ.​ജി.​ടി.​എ​സ്.​ബി അ​ക്കൗ​ണ്ടു​ക​ളി​ലെ ചെ​ക്കു​ക​ൾ അ​ഞ്ചു ല​ക്ഷം വ​രെ​യു​ള്ള​താ​ണെ​ങ്കി​ൽ അ​വ​യും പാ​സാ​ക്കാ​ൻ നി​ർ​ദേ​ശം ന​ൽ​കി​യി​ട്ടു​ണ്ട്. അ​തേ​സ​മ​യം, മാ​ർ​ച്ച് 25നു​ള്ളി​ൽ സ​മ​ർ​പ്പി​ച്ച​വ​യാ​ക​ണം.

ശ​നി​യാ​ഴ്ച മു​ത​ൽ സ​മ​ർ​പ്പി​ക്കു​ന്ന എ​ല്ലാ പ്ലാ​ൻ ബി​ല്ലു​ക​ളും ത​ദ്ദേ​ശ സ്ഥാ​പ​ന​ങ്ങ​ളി​ൽ​നി​ന്നു​ള്ള ബി​ല്ലു​ക​ളും മു​ൻ​ഗ​ണ​ന​യു​ടെ അ​ടി​സ്ഥാ​ന​ത്തി​ൽ​ത​ന്നെ ടോ​ക്ക​ൺ ര​ജി​സ്റ്റ​റി​ൽ ഉ​ൾ​പ്പെ​ടു​ത്ത​ണ​മെ​ന്നാ​ണ് ട്ര​ഷ​റി​ക​ൾ​ക്കു​ള്ള നി​ർ​ദേ​ശം. ഇ​തി​നാ​യി ഗൂ​ഗ്​​ൾ ഫോം ​ത​യാ​റാ​ക്കി​യി​ട്ടു​ണ്ട്. ശ​നി​യാ​ഴ്ച​മു​ത​ൽ ട്ര​ഷ​റി​ക​ളി​ൽ ല​ഭി​ക്കു​ന്ന ബി​ല്ലു​ക​ളി​ൽ ക്യൂ​വി​ൽ ഉ​ൾ​പ്പെ​ടു​ത്തേ​ണ്ട​വ മു​ൻ​ഗ​ണ​ന അ​നു​സ​രി​ച്ച് പു​തി​യ ഗൂ​ഗ്​​ൾ ഫോ​മി​ൽ ചേ​ർ​ത്തി​ട്ടു​ണ്ടെ​ന്ന് ട്ര​ഷ​റി ഓ​ഫി​സ​ർ​മാ​ർ ഉ​റ​പ്പു വ​രു​ത്ത​ണം. ഈ ​വി​ഷ​യ​ങ്ങ​ളി​ൽ ട്ര​ഷ​റി ഓ​ഫി​സ​ർ​മാ​രു​ടെ ഭാ​ഗ​ത്തു​നി​ന്നു​ണ്ടാ​കു​ന്ന ജാ​ഗ്ര​ത​ക്കു​റ​വ് കൃ​ത്യ​വി​ലോ​പ​മാ​യി ക​ണ​ക്കാ​ക്കു​മെ​ന്നാ​ണ് മു​ന്ന​റി​യി​പ്പ്.

മാ​​ർ​​ച്ചി​​ലെ ബി​​ല്ലു​​ക​​ളു​​ടെ കു​​ത്തൊ​​ഴു​​ക്ക്​ നേ​​രി​​ടാ​​ൻ ട്ര​​ഷ​​റി​​ക​​ളി​​ൽ ക​​ടു​​ത്ത നി​​യ​​​ന്ത്ര​​ണ​മേ​ർ​പ്പെ​ടു​ത്തി ക​ഴി​ഞ്ഞ​ദി​വ​സം സ​ർ​ക്കു​ല​ർ ഇ​റ​ക്കി​യി​രു​ന്നു.