എനിക്കെതിരെ ട്രോളുണ്ടാക്കുന്നവർ ഭ്രാന്തന്മാർ -ഇ.പി. ജയരാജൻ

കണ്ണൂർ: തനിക്കെതിരെ ട്രോളുണ്ടാക്കുന്നവർ ഭ്രാന്തന്മാരാണെന്ന് എൽ.ഡി.എഫ് കൺവീനറും സി.​പി.​എം കേ​ന്ദ്ര ക​മ്മി​റ്റി അം​ഗവുമായ ഇ.പി. ജയരാജൻ. ഇൻഡിഗോയുടെ യാത്രാ നിരോധനം തെറ്റാണെന്നും തിരുത്തണമെന്നും ജയരാജൻ ആവശ്യപ്പെട്ടു. കോൺഗ്രസ് എം.പിമാർ കത്തയച്ചിട്ടാണ് തനിക്കെതിരെ നടപടിയെടുത്തത്. തന്‍റെ നടപടി കൊണ്ട് വിമാനക്കമ്പനിക്ക് ഗുണമാണുണ്ടായതെന്നും ജയരാജൻ മാധ്യമങ്ങളോട് പറഞ്ഞു.

ഇ​ൻ​ഡി​ഗോ വി​മാ​ന​ത്തി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​നെ​തി​രെ മു​ദ്രാ​വാ​ക്യം വി​ളി​ച്ച് പ്ര​തി​ഷേ​ധി​ച്ച യൂ​ത്ത് കോ​ൺ​ഗ്ര​സ് പ്ര​വ​ർ​ത്ത​ക​രെ മർദിച്ച സം​ഭ​വ​ത്തിൽ ഇ.​പി. ജ​യ​രാ​ജ​ന് യാ​ത്ര​വി​ല​ക്ക് ഏർപ്പെടുത്തിയിരുന്നു. അ​ടു​ത്ത മൂ​ന്നാ​ഴ്ച ആ​ഭ്യ​ന്ത​ര-​അ​ന്താ​രാ​ഷ്ട്ര യാ​ത്ര​യി​ൽ​ നി​ന്നാ​ണ് ജ​യ​രാ​ജ​നെ വി​ല​ക്കി​യ​ത്. ന​ട​ന്നു ​പോ​കേ​ണ്ടി​ വ​ന്നാ​ലും താ​നി​നി ഇ​ൻ​ഡി​ഗോ വി​മാ​ന​ത്തി​ൽ ക​യ​റി​ല്ലെ​ന്ന് ജയരാജൻ പ്രതികരിച്ചിരുന്നു. പ്ര​ഖ്യാ​പനം നടത്തിയതിന്​ പി​ന്നാ​ലെ ജയരാജൻ തി​രു​വ​ന​ന്ത​പു​ര​ത്തു ​നി​ന്ന്​ ട്രെ​യി​നി​ൽ ക​ണ്ണൂ​രി​​ലേ​ക്ക്​ പോവുകയും ചെയ്തു.

'എ​ന്നെ മൂ​ന്നാ​ഴ്ച​ത്തേ​ക്ക്​ വി​ല​ക്കി​യ​ത്​ നി​യ​മ​വി​രു​ദ്ധ​മാ​യാ​ണ്. ഞാ​ൻ ആ​രാ​ണെ​ന്ന്​ പോ​ലും അ​റി​യാ​തെ​യാ​ണ്​ ചി​ല​ർ വി​ധി​ച്ച​ത്. എ​ല്ലാ​വ​രും വി​മാ​നം ഉ​പേ​ക്ഷി​ച്ച്​ ട്രെ​യി​നി​ൽ പോ​ക​ണം. ഇ​ൻ​ഡി​ഗോ ക​മ്പ​നി​യു​ടെ ഒ​രു​വി​മാ​ന​ത്തി​ലും ഇ​നി യാ​ത്ര ചെ​യ്യി​ല്ല. ഇ​ൻ​ഡി​ഗോ പൂ​ട്ട​ണോ​യെ​ന്ന്​ ആ​ളു​ക​ൾ തീ​രു​മാ​നി​ക്ക​ട്ടെ. ഇ​ത്​ കേ​ൾ​ക്കു​ന്ന നി​ര​വ​ധി പേ​ർ സ്വ​മേ​ധ​യാ ഇ​ൻ​ഡി​ഗോ ബ​ഹി​ഷ്ക​രി​ക്കും. ചി​ല​പ്പോ​ൾ ക​മ്പ​നി ത​ന്നെ ത​ക​ർ​ന്നു​ പോ​കും. എ​ന്‍റെ ഒ​രു പൈ​സ​യും ഈ ​ക​മ്പ​നി​ക്ക്​ കൊ​ടു​ക്കാ​ൻ താ​ൽ​പ​ര്യ​പ്പെ​ടു​ന്നി​ല്ല. വി​മാ​ന​ത്തി​ൽ ഭ​യ​ങ്ക​ര ചാ​ർ​ജാ​ണ്​ ഈ​ടാ​ക്കു​ന്ന​ത്. ട്രെ​യി​നാ​ണ്​ ആ​ദാ​യ​ക​രം' -ജയരാജൻ പ​റ​ഞ്ഞു.

'വി​മാ​ന​ത്തി​ൽ പ്ര​തി​ഷേ​ധി​ച്ച​വ​ർ ക്രി​മി​ന​ലു​ക​ൾ ആ​ണെ​ന്ന​റി​ഞ്ഞി​ട്ടും ക​മ്പ​നി യാ​ത്രാ​നു​മ​തി ന​ൽ​കി​യ​ത്​ തെ​റ്റാ​ണ്. അ​ന്ന്​ അ​വ​ർ മു​ഖ്യ​മ​ന്ത്രി​യെ ആ​ക്ര​മി​ച്ചി​രു​ന്നെ​ങ്കി​ൽ വി​മാ​ന ക​മ്പ​നി​ക്ക്​ എ​ത്ര ദോ​ഷം സം​ഭ​വി​ക്കു​മാ​യി​രു​ന്നു. താ​ൻ വ​ഴി​യി​ൽ ത​ട​സ്സ​പ്പെ​ടു​ത്തി​യ​തി​നാ​ലാ​ണ്​ അ​വ​ർ​ക്ക്​ മു​ഖ്യ​മ​ന്ത്രി​ക്ക്​ അ​ടു​ത്തെ​ത്താ​ൻ ക​ഴി​യാ​തി​രു​ന്ന​ത്. ക​മ്പ​നി​ക്ക്​ ചീ​ത്ത​പ്പേ​രി​ന്​​ ഇ​ട​യാ​ക്കാ​തെ സ​ഹാ​യി​ച്ച​തി​ന്​ ത​നി​ക്ക്​ അ​വാ​ർ​ഡ്​ ന​ൽ​ക​ണം'.

'ഇ​ൻ​ഡി​ഗോ ക​മ്പ​നി​യു​ടേ​ത്​ തെ​റ്റാ​യ തീ​രു​മാ​ന​മാ​ണ്. കു​റ്റ​വാ​ളി​ക​ൾ​ക്കെ​തി​രെ ന​ട​പ​ടി​യെ​ടു​ക്കാ​ന​ല്ല, 18 ക്രി​മി​ന​ൽ കേ​സു​ക​ളി​ൽ പ്ര​തി​യാ​യ ആ​ൾ പ​റ​ഞ്ഞ​ത്​ കേ​ട്ട്​ വി​ധി​ക്കാ​നാ​ണ്​ അ​വ​ർ ത​യാ​റാ​യ​ത്. താ​നും ഭാ​ര്യ​യു​മാ​ണ്​ എ​റ്റ​വും കൂ​ടു​ത​ൽ ഈ ​ക​മ്പ​നി​യു​ടെ വി​മാ​ന​ത്തി​ൽ യാ​ത്ര ചെ​യ്തി​ട്ടു​ള്ള​ത്​' - അ​ദ്ദേ​ഹം കൂട്ടിച്ചേർത്തു.