അരുൺ ബാലചന്ദ്രനെ ഐ.ടി വകുപ്പിൽനിന്നും മാറ്റി 

തിരുവനന്തപുരം: അരുൺ ബാലചന്ദ്രനെ ഐ.ടി വകുപ്പിൽ നിന്ന് മാറ്റി. ഐ.ടി വകുപ്പ് ഡയറക്ടർ പദവിയിൽ നിന്നാണ് മാറ്റിയതെന്ന് മുഖ്യമന്ത്രിയുടെ ഓഫീസ് അറിയിച്ചു. മുഖ്യമന്ത്രിയുടെ ഐ.ടി ഫെല്ലോ ആയിരുന്നു. 

സ്വർണക്കടത്ത് കേസിലെ പ്രതികൾക്കായി ഹെദർ ടവറിലെ ഫ്ലാറ്റ് ബുക്ക് ചെയ്തത് അരുണായിരുന്നു. മേലുദ്യോഗസ്ഥനായ ശിവശങ്കരൻ ആവശ്യപ്പെട്ടിട്ടാണ് ഫ്ലാറ്റ് ബുക്ക് ചെയ്തതെന്നായിരുന്നു ഇയാൾ പറഞ്ഞത്. സ്വപ്ന സുരേഷിന്‍റെ പേരിലായിരുന്നു ഫ്ലാറ്റ് ബുക്ക് ചെയ്തിരുന്നതെന്നും വ്യക്തമാക്കിയിരുന്നു. ഈ ഫ്ലാറ്റിലാണ് സ്വർണക്കടത്തുമായി ബന്ധപ്പെട്ട് ഗൂഢാലോചന നടന്നതെന്നാണ് അന്വേഷണ സംഘത്തിന്‍റെ കണ്ടെത്തൽ.