മലാപ്പറമ്പ് സ്കൂള്: സുപ്രീം കോടതിയിൽ സർക്കാർ അപ്പീൽ നൽകി
text_fieldsന്യൂഡല്ഹി: കോഴിക്കോട് മലാപ്പറമ്പ് സ്കൂള് അടച്ചുപൂട്ടണമെന്ന ഹൈകോടതി ഉത്തരവിനെതിരെ സംസ്ഥാന സര്ക്കാര് സുപ്രീം കോടതിയില് അപ്പീല് നല്കി. ഹൈകോടതി ഉത്തരവ് സ്റ്റേ ചെയ്യണമെന്നാണ് ആവശ്യപ്പെട്ടുകൊണ്ടാണ് ഹരജി.
ജൂണ് എട്ടിനകം സ്കൂള് അടച്ചുപൂട്ടണമെന്നായിരുന്നു ഹൈകോടതി ഉത്തരവ്. എന്നാല് നാട്ടുകാരുടെയും രക്ഷാകര്ത്താക്കളുടെയും ശക്തമായ എതിര്പ്പിനെത്തുടര്ന്ന് ഉത്തരവ് നടപ്പാക്കാന് അധികൃതര്ക്ക് ഇതുവരെ കഴിഞ്ഞിട്ടില്ല. വിഷയം അടിയന്തരമായി പരിഗണിക്കണമെന്ന് ആവശ്യപ്പെട്ടുകൊണ്ടാണ് അവധിക്കാല ബഞ്ചില് സര്ക്കാര് അപ്പീല് നല്കിയിരിക്കുന്നത്. സ്കൂള് അടച്ചുപൂട്ടുന്നത് വിദ്യാര്ഥികളുടെ ഭാവിയെ ബാധിക്കുമെന്നും അവരുടെ വിദ്യാഭ്യാസത്തിനുള്ള അവകാശം നിഷേധിക്കുമെന്നും അപ്പീലില് ചൂണ്ടിക്കാട്ടിയിട്ടുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.