പ്രതിഷേധം ഫലം കണ്ടു; പ്രീ പ്രൈമറി ജീവനക്കാരുടെ ഓണറേറിയം കുടിശ്ശിക അനുവദിക്കാൻ 14.88 കോടി

തി​രു​വ​ന​ന്ത​പു​രം: പ്ര​തി​ഷേ​ധ​ങ്ങ​ൾ​ക്കൊ​ടു​വി​ൽ പ്രീ ​പ്രൈ​മ​റി ജീ​വ​ന​ക്കാ​രു​ടെ 2022 ജ​നു​വ​രി മു​ത​ല്‍ മാ​ര്‍ച്ച് വ​രെ​യു​ള്ള ഓ​ണ​റേ​റി​യം കു​ടി​ശ്ശി​ക തു​ക ഇ​ന​ത്തി​ല്‍ 14.88 കോ​ടി രൂ​പ അ​നു​വ​ദി​ച്ചു. ഉ​ട​ൻ അ​ര്‍ഹ​രാ​യ ജീ​വ​ന​ക്കാ​ര്‍ക്ക് ഓ​ണ​റേ​റി​യം തു​ക മാ​റി ന​ല്‍കു​ന്ന​തി​നു​ള്ള നി​ർ​ദേ​ശം വി​ദ്യാ​ഭ്യാ​സ ഉ​പ​ഡ​യ​റ​ക്ട​ര്‍മാ​ര്‍ക്ക് ന​ല്‍കി.

സം​സ്ഥാ​ന​ത്തെ സ​ര്‍ക്കാ​ര്‍ സ്കൂ​ളു​ക​ളോ​ട​നു​ബ​ന്ധി​ച്ച് അ​ധ്യാ​പ​ക ര​ക്ഷാ​ക​ർ​തൃ സ​മി​തി​ക​ളു​ടെ നി​യ​ന്ത്ര​ണ​ത്തി​ല്‍ പ്ര​വ​ര്‍ത്തി​ച്ചു​വ​രു​ന്ന അം​ഗീ​കൃ​ത പ്രീ-​പ്രൈ​മ​റി വി​ഭാ​ഗ​ത്തി​ലെ 2861 അ​ധ്യാ​പ​ക​ര്‍ക്കും 1970 ആ​യ​മാ​ര്‍ക്കു​മാ​ണ് ഓ​ണ​റേ​റി​യം ല​ഭി​ക്കു​ക.

നി​ല​വി​ല്‍ ജീ​വ​ന​ക്കാ​രു​ടെ സേ​വ​ന ദൈ​ര്‍ഘ്യ​ത്തി​ന്‍റെ അ​ടി​സ്ഥാ​ന​ത്തി​ല്‍ അ​ധ്യാ​പ​ക​ര്‍ക്ക് യ​ഥാ​ക്ര​മം 12,500, 12,000 രൂ​പ​യും, ആ​യ​മാ​ര്‍ക്ക് 7,500, 7,000 രൂ​പ നി​ര​ക്കി​ലും പ്ര​തി​മാ​സ ഓ​ണ​റേ​റി​യം ന​ൽ​കു​ന്നു​ണ്ട്. ഓ​ണ​റേ​റി​യം ല​ഭി​ക്കാ​താ​യ​തോ​ടെ പ്ര​തി​സ​ന്ധി​യി​ലാ​യ ജീ​വ​ന​ക്കാ​ർ ആ​ഴ്ച​ക​ളാ​യി വി​ദ്യാ​ഭ്യാ​സ ഡ​യ​റ​ക്ട​റേ​റ്റി​ൽ ഉ​ൾ​പ്പെ​ടെ ക​യ​റി​യി​റ​ങ്ങി ന​ട​ക്കു​ക​യാ​യി​രു​ന്നു. അ​ധ്യാ​പ​ക സം​ഘ​ട​ന​ക​ളു​ടെ യോ​ഗ​ത്തി​ലും ഈ ​വി​ഷ​യം നേ​താ​ക്ക​ൾ ഉ​ന്ന​യി​ച്ചി​രു​ന്നു.

ഓ​ണ​റേ​റി​യം സം​ബ​ന്ധി​ച്ച്​ അ​ന്വേ​ഷി​ച്ച ജീ​വ​ന​ക്കാ​രോ​ട്​ ഡ​യ​റ​ക്ട​റേ​റ്റി​ലെ ജീ​വ​ന​ക്കാ​രി​ൽ ചി​ല​ർ മോ​ശ​മാ​യി പെ​രു​മാ​റി​യ​താ​യി പ​രാ​തി​യും ഉ​യ​ർ​ന്നി​രു​ന്നു. പി​ന്നാ​ലെ​യാ​ണ്​ വി​ദ്യാ​ഭ്യാ​സ മ​ന്ത്രി വി. ​ശി​വ​ൻ​കു​ട്ടി ഇ​ട​പെ​ട്ട​തും ധ​ന​വ​കു​പ്പി​ൽ​നി​ന്ന്​ തു​ക അ​നു​വ​ദി​ച്ച​തും.