രാ​ഷ്ട്രീ​യം ക​ല​ങ്ങി​മ​റി​ഞ്ഞ തു​മ​കൂ​രു

കു​റ​ച്ചു​കാ​ല​മാ​യി നി​ര​വ​ധി കാ​ലു​മാ​റ്റ​ങ്ങ​ൾ‌​ക്ക് സാ​ക്ഷ്യം വ​ഹി​ച്ച മ​ണ്ണാ​ണ് തു​മ​കൂ​രു. ലിം​​ഗാ​യ​ത്ത് - വൊ​ക്ക​ലി​​ഗ വോ​ട്ടു​ക​ൾ തു​ല്യ​ശ​ക്തി​യാ​യ മ​ണ്ഡ​ലം എ​ന്ന​തു മാ​ത്ര​മ​ല്ല, കോ​ൺ​​ഗ്ര​സ്, ജെ.​ഡി.​എ​സ്, ബി.​ജെ.​പി എ​ന്നീ മൂ​ന്ന് പാ​ർ​ട്ടി​ക​ൾ​ക്കും തു​ല്യ ശ​ക്തി​യു​ണ്ട് എ​ന്ന പ്ര​ത്യേ​ക​ത കൂ​ടി​യു​ണ്ട്.

അ​ഞ്ചു​ത​വ​ണ മ​ണ്ഡ​ല​ത്തി​ൽ​നി​ന്ന് പാ​ർ​ല​മെ​ന്റി​ലെ​ത്തി​യ ബ​സ​വ​രാ​ജി​നു​പ​ക​രം ലിം​​ഗാ​യ​ത്തു​കാ​ര​നാ​യ മു​ൻ മ​ന്ത്രി വി. ​സോ​മ​ണ്ണ​യാ​ണ് ബി.​ജെ.​പി​ക്കാ​യി മ​ത്സ​രി​ക്കു​ന്ന​ത്. കോ​ൺ​​ഗ്ര​സി​നാ​ക​ട്ടെ, വൊ​ക്ക​ലി​​ഗ​ക്കാ​ര​നാ​യ മു​ൻ എം.​പി എം. ​മു​ദ്ദ​ഹ​നു​മ ​ഗൗ​ഡ​യും.

1989 വ​രെ ഒ​റ്റ​ത്ത​വ​ണ​യൊ​ഴി​കെ കോ​ൺ​​ഗ്ര​സ് ജൈ​ത്ര​യാ​ത്ര ന​ട​ത്തി​യ മ​ണ്ഡ​ല​ത്തി​ൽ അ​വ​സാ​ന​ത്തെ എ​ട്ടു തെ​ര​ഞ്ഞെ​ടു​പ്പി​ൽ അ​ഞ്ചി​ലും വി​ജ​യം കൊ​യ്ത​ത് ബി.​ജെ.​പി​യാ​ണ്. 2019ൽ ​കോ​ൺ​​ഗ്ര​സ്- ജെ.​ഡി.​എ​സ് മ​ത്സ​ര​ത്തി​ൽ മ​ത്സ​രി​ച്ച എ​ച്ച്.​ഡി. ദേ​വ​​ഗൗ​ഡ കേ​വ​ലം 13,339 വോ​ട്ടി​നാ​ണ് ബ​സ​വ​രാ​ജി​നോ​ട് തോ​റ്റ​ത്.

നാ​ട്ടു​കാ​ര​നും പു​റം​നാ​ട്ടു​കാ​ര​നും ത​മ്മി​ലെ മ​ത്സ​രം എ​ന്ന​താ​ണ് മ​ണ്ഡ​ല​ത്തി​ലെ ഏ​റ്റ​വും വ​ലി​യ സം​വാ​ദം. കോ​ൺ​​ഗ്ര​സി​ന്റെ മു​ദ്ദ​ഹ​നു​മ തു​മ​കൂ​രു സ്വ​ദേ​ശി​യാ​ണ്. സോ​മ​ണ്ണ​യാ​ക​ട്ടെ രാ​മ​ന​​ഗ​ര സ്വ​ദേ​ശി​യും. ഞ​ങ്ങ​ളു​ടെ നാ​ട്ടു​കാ​ര​ന​ല്ലാ​ത്ത ഒ​രാ​ൾ​ക്ക് ത​ങ്ങ​ളെ എ​ങ്ങ​നെ മ​ന​സ്സി​ലാ​വും എ​ന്ന് ചോ​ദി​ക്കു​ന്ന വോ​ട്ട​ർ​മാ​രും തു​മ​കൂ​രു​വി​ലു​ണ്ട്. വോ​ട്ട് മോ​ദി​ക്കാ​ണെ​ന്നും സ്ഥാ​നാ​ർ​ഥി ആ​രെ​ന്ന​തി​ന് പ്ര​സ​ക്തി​യി​ല്ലെ​ന്നു​മാ​ണ് അ​തി​ന് മ​റു​വാ​ദ​മു​ന്ന​യി​ക്കു​ന്ന​ത്.

1962,1996, 2009, 2014, 2019 എ​ന്നീ വ​ർ​ഷ​ങ്ങ​ളി​ലെ​ല്ലാം പു​റം​നാ​ട്ടു​കാ​രാ​യ സ്ഥാ​നാ​ർ​ഥി​ക​ളെ ത​ങ്ങ​ളു​ടെ പ്ര​തി​നി​ധി​യാ​യി സ്വീ​ക​രി​ക്കാ​ൻ തു​മ​കൂ​രു​ക്കാ​ർ ത​യാ​റാ​യി​ട്ടി​ല്ല. അ​ങ്ങ​നെ കാ​ലി​ട​റി​യ​വ​രി​ൽ മു​ൻ പ്ര​ധാ​ന​മ​ന്ത്രി എ​ച്ച്.​ഡി. ദേ​വ​​ഗൗ​ഡ​യും ഉ​ൾ​പ്പെ​ടും. ഹേ​മാ​വ​തി ന​ദീ​ജ​ല ത​ർ​ക്കം ഈ ​വ​ർ​ഷ​വും ചൂ​ടു​പി​ടി​ച്ചി​ട്ടു​ണ്ട്.

ക​ഴി​ഞ്ഞ തെ​ര​ഞ്ഞെ​ടു​പ്പ് സ​മ​യ​ത്ത് ദേ​വ​​ഗൗ​ഡ​ക്കെ​തി​രാ​യി ഈ ​വി​ഷ​യ​ത്തി​ൽ അ​ദ്ദേ​ഹം ന​ട​ത്തി​യ പ്ര​സ്താ​വ​ന​യു​ടെ പ​ഴ​യ വി​ഡി​യോ ബി.​ജെ.​പി പ്ര​ച​രി​പ്പി​ച്ചി​രു​ന്നു. ഈ ​വ​ർ​ഷ​മ​ത് ക​ർ​ണാ​ട​ക ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​റി​ന്റെ​യും അ​ദ്ദേ​ഹ​ത്തി​ന്റെ സ​ഹോ​ദ​ര​നും ബം​​ഗ​ളൂ​രു റൂ​റ​ൽ എം.​പി​യു​മാ​യ ഡി.​കെ. സു​രേ​ഷി​ന്റെ​യും ത​ദ് വി​ഷ​യ​ത്തി​ലു​ള്ള ഇ​ട​പെ​ട​ലു​ക​ളാ​ണ് കോ​ൺ​​ഗ്ര​സി​നെ​തി​രാ​യി പ്ര​ച​രി​ക്കു​ന്ന​ത്.

ഹേ​മാ​വ​തി ന​ദി​യി​ലെ ജ​ലം മാ​ഗ​ഡി വ​ഴി കു​നി​​ഗ​ലി​ലേ​ക്ക് തി​രി​ച്ചു​വി​ടാ​നു​ള്ള ഇ​വ​രു​ടെ തീ​രു​മാ​ന​ത്തി​നെ​തി​രെ വ​ലി​യൊ​രു വി​ഭാ​​ഗം ജ​ന​ങ്ങ​ൾ​ക്കും അ​മ​ർ​ഷ​മു​ണ്ട്. ജെ.​ഡി.​എ​സ് പ്ര​വ​ർ​ത്ത​ക​ർ വ​ള​രെ ശ​ക്ത​മാ​യ പ്ര​വ​ർ​ത്ത​ന​ങ്ങ​ളു​മാ​യി മു​ന്നേ​റു​മ്പോ​ൾ കോ​ൺ​​ഗ്ര​സ്, ബി.​ജെ.​പി പ്ര​വ​ർ​ത്ത​ക​ർ​ക്കി​ട​യി​ൽ ആ ​ചൂ​ട് കാ​ണാ​നി​ല്ല.

ഭൂ​വു​ട​മ കു​ടും​ബ​ങ്ങ​ൾ സം​സ്ഥാ​ന സ​ർ​ക്കാ​ർ ന​ൽ​കു​ന്ന സൗ​ജ​ന്യ​ങ്ങ​ളേ​ക്കാ​ൾ സ്റ്റാ​മ്പ് പേ​പ്പ​ർ, മ​ദ്യം തു​ട​ങ്ങി​യ​വ​യു​ടെ വി​ല​വ​ർ​ധ​ന​വാ​ണ് ചൂ​ണ്ടി​ക്കാ​ട്ടു​ന്ന​ത്. സൗ​ജ​ന്യ പ​ദ്ധ​തി​ക​ൾ​ക്ക് പ​ക​രം വ​ര​ൾ​ച്ച ദു​രി​താ​ശ്വാ​സ നി​ധി വ​ർ​ധി​പ്പി​ക്ക​ണ​മാ​യി​രു​ന്നു എ​ന്നാ​ണ​വ​രു​ടെ ആ​വ​ശ്യം. അ​തേ​സ​മ​യം, സാ​മ്പ​ത്തി​ക​മാ​യി പി​ന്നാ​ക്കം നി​ൽ​ക്കു​ന്ന കു​ടും​ബ​ങ്ങ​ൾ സ​ർ​ക്കാ​ർ ന​ൽ​കു​ന്ന സൗ​ജ​ന്യ പ​ദ്ധ​തി​ക​ളെ ശ​ക്ത​മാ​യി പി​ന്തു​ണ​ക്കു​ന്നു​ണ്ട്.

അ​വ ത​ങ്ങ​ൾ​ക്ക് ന​ൽ​കു​ന്ന ആ​ശ്വാ​സം ചെ​റു​ത​ല്ലെ​ന്ന് അ​വ​ർ ആ​ണ​യി​ടു​ന്നു. ‍ജെ.​ഡി.​എ​സി​ന്റെ വോ​ട്ട്, മോ​ദി ഫാ​ക്ട​ർ, ഹി​ന്ദു​ത്വ, എ​ച്ച്.​എ.​എ​ൽ, ഐ.​എ​സ്.​ആ​ർ.​ഒ യൂ​നി​റ്റു​ക​ൾ, ജി​ല്ല​യി​ലെ അ​ന്താ​രാ​ഷ്ട്ര ഫു​ഡ് പാ​ർ​ക്ക് തു​ട​ങ്ങി​യ ഘ​ട​ക​ങ്ങ​ൾ ത​ങ്ങ​ൾ​ക്ക് അ​നു​കൂ​ല​മാ​കു​മെ​ന്നാ​ണ് ബി.​ജെ.​പി പ്ര​തീ​ക്ഷി​ക്കു​ന്ന​ത്.

ത​ങ്ങ​ളു​ടെ നി​ല​വി​ലു​ള്ള​തും പ്ര​ഖ്യാ​പി​ച്ച​തു​മാ​യ ​ഗ്യാ​ര​ന്റി പ​ദ്ധ​തി​ക​ൾ​ക്ക് പു​റ​മെ വൊ​ക്ക​ലി​​ഗ-​അ​ഹി​ന്ദ വോ​ട്ടു​ക​ളു​ടെ ഏ​കീ​ക​ര​ണ​ത്തി​ലാ​ണ് ശ്ര​ദ്ധി​ക്കു​ന്ന​ത്. 2014-19 കാ​ല​ഘ​ട്ട​ത്തി​ൽ എം.​പി​യാ​യി​രു​ന്ന മു​ദ്ദ​ഹ​നു​മ​യു​ടെ മി​ക​ച്ച ട്രാ​ക്ക് റെ​ക്കോ​ഡും വോ​ട്ട​ർ​മാ​രെ ഓ​ർ​മി​പ്പി​ക്കു​ന്നു​ണ്ട് കോ​ൺ​​ഗ്ര​സ്.

വൊ​ക്ക​ലി​​ഗ​ക്കാ​ർ​ക്കും ലിം​​ഗാ​യ​ത്തു​ക​ൾ​ക്കും പു​റ​മെ മു​സ്‍ലിം, കു​റു​ബ, ​ഗോ​ല്ല, തി​കു​ല, കാ​ഞ്ചി​ടി​ക സ​മു​ദാ​യ​ങ്ങ​ളു​ടെ വോ​ട്ടു​ക​ളും മ​ണ്ഡ​ല​ത്തി​ൽ നി​ർ​ണാ​യ​ക​മാ​ണ്. സ​ങ്കീ​ർ​ണ ജാ​തി സ​മ​വാ​ക്യ​ങ്ങ​ളും അ​ഭി​പ്രാ​യ ഭി​ന്ന​ത​ക​ളും പാ​ർ​ട്ടി പ്ര​വ​ർ​ത്ത​ക​രു​ടെ അ​ല​സ​ത​യും വൈ​കാ​രി​ക​ത​യു​മാ​യി​രി​ക്കും തു​മ​കൂ​രു​വി​ന്റെ എം.​പി ആ​രെ​ന്ന് തീ​രു​മാ​നി​ക്കു​ക.

തു​മ​കൂ​രു ലോക്സഭ മണ്ഡലം

വോട്ടുനില 2019

ജി.​എ​സ്. ബ​സ​വ​രാ​ജ് (ബി.​ജെ.​പി) -5,96,127

എ​ച്ച്.​ഡി. ദേ​വ​​ഗൗ​ഡ (ജെ.​ഡി.​എ​സ്) -5,82,788

എ​ൻ. ശി​വ​ണ്ണ (സി.​പി.​ഐ) -17,227

നിയമസഭ മണ്ഡലങ്ങൾ (2023)

കോ​ൺ​​ഗ്ര​സ്: തി​പ്​​തൂ​ർ, ഗു​ബ്ബി, മ​ധു​ഗി​രി, കൊ​ര​ട്ട​​ഗ​രെ

ജെ.​ഡി.​എ​സ്: തു​റു​വ​ക്ക​രെ, ചി​ക്ക​നാ​യ​ക​ന​ഹ​ള്ളി

ബി.​ജെ.​പി: തു​മ​കൂ​രു സി​റ്റി, തു​മ​കൂ​രു റൂ​റ​ൽ

ചി​ത്ര​ദു​ർ​ഗ ലോക്സഭ മണ്ഡലം

വോട്ടുനില 2019

എ. ​നാ​രാ​യ​ണ സ്വാ​മി (ബി.​ജെ.​പി)-6,26,195

ബി.​എ​ൻ. ച​ന്ദ്ര​പ്പ (കോ​ൺ​​ഗ്ര​സ്) -5,46,017

നിയമസഭ മണ്ഡലങ്ങൾ (2023):

കോ​ൺ​ഗ്ര​സ്​: സി​റ, ഹി​രി​യൂ​ർ, ഹൊ​സ്ദു​ർ​ഗ, ചി​ത്ര​ദു​ർ​ഗ, മൊ​ള​കാ​ൽ​മു​രു,

ച​ല്ല​ക്ക​രെ, പാ​വ്​​ഗ​ഡ

ബി.​ജെ.​പി: ഹൊ​ലാ​ൽ​ക​രെ