ഗൂഗ്ൾ നീക്കിയ ഇന്ത്യൻ ആപ്പുകളിൽ ചിലത് തിരിച്ചെത്തി

ന്യൂ​ഡ​ൽ​ഹി: പ്ലേ​സ്റ്റോ​റി​ൽ​നി​ന്ന് ഗൂ​ഗ്ൾ അ​ധി​കൃ​ത​ർ ഇ​ന്ത്യ​ൻ ആ​പ്പു​ക​ൾ ഒ​ഴി​വാ​ക്കി​യ​തി​ൽ പ്ര​തി​ഷേ​ധം ശ​ക്ത​മാ​യ​തോ​ടെ ചി​ല ആ​പ്പു​ക​ൾ തി​രി​ച്ചെ​ത്തി. ക​ഴി​ഞ്ഞ ദി​വ​സ​മാ​ണ് പ​ത്ത് ക​മ്പ​നി​ക​ളു​ടെ നി​ര​വ​ധി ആ​പ്പു​ക​ൾ ഗൂ​ഗ്ൾ ‘ഡീ​ലി​സ്റ്റ്’ ചെ​യ്ത​ത്. സ​ർ​വി​സ് ഫീ​സു​മാ​യി ബ​ന്ധ​​പ്പെ​ട്ട ത​ർ​ക്ക​മാ​ണ് കാ​ര​ണം.

ഇ​ന്ത്യ​ൻ ആ​പ്പു​ക​ളെ ഒ​ഴി​വാ​ക്കി​യ​തി​നെ​തി​രെ ഐ.​ടി മ​ന്ത്രി അ​ശ്വ​നി വൈ​ഷ്ണ​വ് ശ​ക്ത​മാ​യ പ്ര​തി​ഷേ​ധ​മ​റി​യി​ച്ചി​രു​ന്നു. ഇ​ൻ​ഫോ എ​ഡ്ജ് ആ​പ്പി​ന്റെ ‘നൗ​ക്ക​രി’, ‘99ഏ​​ക്രെ​സ്’, ‘നൗ​ക്ക​രി ഗ​ൾ​ഫ്’, പ്ര​മു​ഖ മാ​ട്രി​മോ​ണി​യ​ൽ ​ആ​പ്പാ​യ ശാ​ദി​ തു​ട​ങ്ങി​യ​വ​യാ​ണ് ഒ​രു ദി​വ​സ​ത്തെ ഒ​ഴി​വാ​ക്ക​ലി​ന് ശേ​ഷം പ്ലേ​സ്റ്റോ​റി​ൽ തി​രി​ച്ചെ​ത്തി​യ​ത്.

10 ക​മ്പ​നി​ക​ൾ ഫീ​സ് അ​ട​ക്കു​ന്ന​തി​ൽ​നി​ന്ന് ഒ​ഴി​ഞ്ഞു​മാ​റി​യ​തി​നാ​ലാ​ണ് ചി​ല ആ​പ്പു​ക​ൾ ഒ​ഴി​വാ​ക്കാ​ൻ തീ​രു​മാ​നി​ച്ച​തെ​ന്ന് ഗൂ​ഗ്ൾ അ​റി​യി​ച്ചി​രു​ന്നു. മാ​ട്രി​മോ​ണി ഡോ​ട് കോം, ​ഭാ​ര​ത് മാ​​ട്രി​മോ​ണി, അ​ൾ​ട്ട്, കു​ക്കു എ​ഫ്.​എം, ക്വാ​ക്ക് ക്വാ​ക്ക്, ട്രൂ​ലി മാ​ഡ്‌​ലി എ​ന്നി​വ​യും അ​പ്ര​ത്യ​ക്ഷ​മാ​യി​ട്ടു​ണ്ട്.

ഇ​വ​യു​ടെ മാ​തൃ​ക​മ്പ​നി​ക​ളും ഫീ​സ് വ്യ​വ​സ്ഥ ലം​ഘി​ക്കു​ന്ന​താ​യാ​ണ് ഗൂ​ഗ്ളി​ന്റെ പ​രാ​തി. മൊ​ബൈ​ല്‍ ആ​പ്പു​ക​ള്‍ക്കു​ള്ളി​ല്‍ ന​ട​ക്കു​ന്ന പ​ണ​മി​ട​പാ​ടു​ക​ളി​ല്‍ 15 ശ​ത​മാ​നം മു​ത​ല്‍ 30 ശ​ത​മാ​നം വ​രെ ഫീ​സ് ഈ​ടാ​ക്കു​ന്ന പ​ഴ​യ രീ​തി നി​ര്‍ത്ത​ലാ​ക്കാ​ന്‍ കോം​പ​റ്റീ​ഷ​ൻ ക​മീ​ഷ​ൻ ഓ​ഫ് ഇ​ന്ത്യ ഉ​ത്ത​ര​വി​ട്ടി​രു​ന്നു. ഇ​തി​ന് ശേ​ഷം 11 ശ​ത​മാ​നം മു​ത​ല്‍ 26 ശ​ത​മാ​നം വ​രെ​യാ​ണ് ഗൂ​ഗ്ള്‍ ഫീ​സ് ഈ​ടാ​ക്കു​ന്ന​ത്.

ആ​പ് ക​മ്പ​നി​ക​ൾ​ക്ക് ഫീ​സ​ട​ക്കാ​നാ​യി മൂ​ന്ന് ത​രം വ്യ​വ​സ്ഥ​യു​ണ്ടെ​ന്നും ഗൂ​ഗ്ൾ ചൂ​ണ്ടി​ക്കാ​ട്ടു​ന്നു. പു​തി​യ ഫീ​സ് നി​ര​ക്കി​ല്‍ ഇ​ട​പെ​ടാ​ന്‍ കോ​ട​തി​യും ത​യാ​റാ​യി​ട്ടി​ല്ലെ​ന്ന് ചൂ​ണ്ടി​ക്കാ​ട്ടി​യാ​ണ് ഗൂ​ഗ്ളി​ന്റെ ക​ടും​വെ​ട്ട്. ര​ണ്ട് ല​ക്ഷ​ത്തി​ല​ധി​കം ഇ​ന്ത്യ​ൻ ഡെ​വ​ല​പ്പ​ർ​മാ​ർ ഗൂ​ഗ്ൾ പ്ലേ ​ഉ​പ​യോ​ഗി​ക്കു​ന്നു​ണ്ടെ​ന്നും എ​ല്ലാ​വ​രും തൃ​പ്ത​രാ​ണെ​ന്നും ഗൂ​ഗ്ൾ ക​മ്പ​നി വ്യ​ക്ത​മാ​ക്കു​ന്നു.

മി​ക​ച്ച വ​രു​മാ​ന​മു​ണ്ടാ​യി​ട്ടും നി​യ​മ​പ്ര​കാ​ര​മു​ള്ള ഫീ​സ​ട​ക്കാ​ൻ പ​ത്ത് ക​മ്പ​നി​ക​ൾ മ​ടി​ക്കു​ക​യാ​ണെ​ന്നും ഗൂ​ഗ്ൾ പ​റ​യു​ന്നു. അ​തേ​സ​മ​യം, 11 മു​ത​ൽ 26 ശ​ത​മാ​നം വ​രെ സേ​വ​ന​ത്തി​ന്റെ ക​മീ​ഷ​ൻ ഗൂ​ഗ്ളി​ന് ന​ൽ​കു​ന്ന​ത് ന​ഷ്ട​ത്തി​നി​ട​യാ​ക്കു​മെ​ന്ന് ശാ​ദി ആ​പ്പി​ന്റെ സി.​ഇ.​ഒ അ​നു​പം മി​ത്ത​ൽ പ​റ​ഞ്ഞു.

അ​തി​നി​ടെ, ശ​ക്ത​മാ​യാ​ണ് ഗൂ​ഗ്ളി​നെ​തി​രെ ഐ.​ടി, ടെ​ലി​കോം മ​ന്ത്രി അ​ശ്വി​നി വൈ​ഷ്ണ​വ് ​ പ്ര​തി​ക​രി​ച്ച​ത്. സ്റ്റാ​ർ​ട്ട​പ് സം​വി​ധാ​ന​ങ്ങ​ൾ ഇ​ന്ത്യ​ൻ സ​മ്പ​ദ്‌​വ്യ​വ​സ്ഥ​യു​ടെ താ​ക്കോ​ലാ​ണെ​ന്നും അ​വ​യു​ടെ വി​ധി ഏ​തെ​ങ്കി​ലും ടെ​ക്ക് ക​മ്പ​നി​ക​ൾ​ക്ക് വി​ട്ടു​കൊ​ടു​ക്കാ​നാ​വി​ല്ലെ​ന്നും അ​ശ്വ​നി വൈ​ഷ്ണ​വ് പ​റ​ഞ്ഞു.

ഇ​ന്ത്യ​ൻ സ്റ്റാ​ർ​ട്ട​പ്പു​ക​ൾ​ക്ക് ആ​വ​ശ്യ​മാ​യ സം​ര​ക്ഷ​ണം ന​ൽ​കു​മെ​ന്നും ത​ർ​ക്കം പ​രി​ഹ​രി​ക്കു​ന്ന​തി​നാ​യി ഗൂ​ഗ്ളു​മാ​യും ന​ട​പ​ടി​ക്ക് വി​ധേ​യ​രാ​യ ആ​പ് ഡെ​വ​ല​പ്പ​ർ​മാ​രു​മാ​യും അ​ടു​ത്ത​യാ​ഴ്ച സ​ർ​ക്കാ​ർ ച​ർ​ച്ച ന​ട​ത്തും. ഇ​ത്ത​ര​ത്തി​ലു​ള്ള ‘ക​ടും​വെ​ട്ട്’ അ​നു​വ​ദി​ക്കാ​നാ​വി​​ല്ലെ​ന്ന് വാ​ർ​ത്ത ഏ​ജ​ൻ​സി​ക്ക് ന​ൽ​കി​യ അ​ഭി​മു​ഖ​ത്തി​ൽ അ​​ദ്ദേ​ഹം മു​ന്ന​റി​യി​പ്പ് ന​ൽ​കി.