കടലൂരിൽ സ്​കൂൾ വിദ്യാർഥികളെ പീഡിപ്പിച്ച കേസ്​; 16 പ്രതികൾക്ക്​ തടവുശിക്ഷ

ചെന്നൈ: കടലൂരിൽ രണ്ട്​​ സ്​കൂൾ വിദ്യാർഥിനികളെ പീഡിപ്പിച്ച കേസിൽ 16 പ്രതികൾക്ക്​ തടവുശിക്ഷ. ജില്ല മഹിള കോടതി ജ ഡ്​ജി ലിംഗേശ്വരൻ ആണ്​ ശിക്ഷ വിധിച്ചത്​. പ്രതികളിൽ എട്ടുപേർ സ്​ത്രീകളാണ്​. രണ്ടുപേർക്ക്​ നാല്​ ജീവപര്യന്തത്തി നും ആറുപേർക്ക്​ ഇരട്ട ജീവപര്യന്തത്തിനുമാണ്​ ശിക്ഷിച്ചത്​. ​​ക്രിസ്​ത്യൻ പുരോഹിതൻ ഫാ. അരുൾദാസിന്​ 30 വർഷത്തെ ത ടവും അഞ്ചു ലക്ഷം രൂപ പിഴയും വിധിച്ചു. പിഴയടക്കാത്തപക്ഷം അഞ്ചു​ വർഷം കൂടുതൽ തടവ്​ അനുഭവിക്കണം.

തിട്ടക്കുടി സ്വദേശികളായ മോഹൻരാജ്​, മതിവാണൻ, ധനലക്ഷ്​മി, വിരുതാചലം കല, ശ്രീധർ, വളവന്നൂർ ഫാത്തിമ എന്നിവർക്ക്​ ഇരട്ട ജീവപര്യന്തവും മറ്റു കുറ്റങ്ങളിലായി മൊത്തം 42 വർഷത്തെ തടവും വിധിച്ചു. ആനന്ദരാജിനും ബാലസുബ്രമണ്യനും നാല്​ ജീവപര്യന്തം തടവാണ്​ ശിക്ഷ. ശെൽവരാജിനെ മൂന്ന്​ ജീവപര്യന്ത തടവിന്​ ശിക്ഷിച്ചു. ഗിരിജ, വടലൂർ കവിത, സേലം അയോധ്യപട്ടണം അൻപഴകൻ എന്നിവർ​ക്ക്​ 10 വർഷവും നെല്ലിക്കുപ്പം രാധിക, വിരുതാചലം ഷർമിളബീഗം, സേലം അമുത എന്നിവർക്ക്​ ഏഴു വർഷവും തടവുശിക്ഷ വിധിച്ചു.

2014ലാണ്​ കടലൂർ ജില്ലയിലെ തിട്ടക്കുടി സർക്കാർ സ്​കൂളിൽ എട്ടും ഒമ്പതും ക്ലാസുകളിൽ പഠിച്ചിരുന്ന രണ്ടു വിദ്യാർഥിനികളെ പീഡനത്തിന്​ ഇരയാക്കിയത്​. വീടിന്​ സമീപം ഇഡലി കട നടത്തിയിരുന്ന ധനലക്ഷ്​മിയുമായുള്ള സൗഹൃദമാണ്​ തുടക്കം. 2014ൽ പൊങ്കൽ ആഘോഷ സമയത്ത്​ പെൺകുട്ടി സ്​ത്രീയുടെ വീട്​ സന്ദർശിച്ചപ്പോൾ അജ്​ഞാതൻ പീഡിപ്പിച്ചു. പിന്നീട്​​ പെൺകുട്ടിയെ ധനലക്ഷ്​മി ത​​​െൻറ ഭർത്താവിനും മറ്റു മൂന്നുപേർക്കും കാഴ്​ചവെച്ചു.

അടുത്ത ദിവസം കൂട്ടുകാരിയായ പെൺകുട്ടിയെയും വിളിച്ചുകൊണ്ടുവരാൻ ആവശ്യപ്പെട്ടു. പിന്നീട്​ സേലം, പൻരുട്ടി, വിരുതാചലം തുടങ്ങിയ സ്​ഥലങ്ങളിലെ വ്യഭിചാര സംഘങ്ങൾക്ക്​ പെൺകുട്ടികളെ കൈമാറി. ഇൗ സമയത്താണ്​ നീലച്ചിത്രങ്ങൾ കാണിച്ച്​ വൈദികനും പെൺകുട്ടികളെ പീഡിപ്പിച്ചത്​. 2014 ജൂലൈയിലാണ്​ പെൺകുട്ടികളുടെ രക്ഷിതാക്കൾ തിട്ടക്കുടി പൊലീസിൽ പരാതി നൽകിയത്​. സതീഷ്​- തമിഴരസി ദമ്പതികൾ ഉൾപ്പെടെ 19 പേരെ സി.ബി.സി.​െഎ.ഡി പൊലീസ്​ അറസ്​റ്റ്​ ചെയ്​തു.