സൻവർലാൽ ജാട്ട്​ എം.പി നിര്യാതനായി

ന്യൂഡൽഹി: മുൻ കേന്ദ്രമന്ത്രിയും അജ്​മീർ എം.പിയുമായ സൻവർലാൽ ജാട്ട്​ നിര്യാതനായി. 62 വയസായിരുന്നു. ഡൽഹി എയിംസിൽ ചികിത്​സയിലായിരുന്നു. ബുധനാഴ്​ച രാവിലെ 6.30ഒാ​െടയാണ്​ മരണം​. 

ജൂലൈ 22ന്​ ജയ്​പൂരിൽ അമിത്​ഷായുടെ നേതൃത്വത്തിൽ നടന്ന രാജസ്​ഥാൻ ബി.ജെ.പി എം.എൽ.എമാരു​ടെയും  എം.പിമാരുടെയും യോഗത്തിനിടെ സൻവർലാൽ ജാട്ട്​ കുഴഞ്ഞു വീഴുകയായിരുന്നു. ഉടൻ സവായ് മൻ സിങ്​ ആശുപത്രിയിലേക്കും തുടർന്ന്​ എയിംസിലേക്കും മാറ്റുകയായിരുന്നു. 

1990 മുതൽ 2014 മെയ്​ വരെ അഞ്ചുതവണ രാജസ്​ഥാൻ നിയമസഭയിലേക്ക്​ തെരഞ്ഞെടുക്കപ്പെട്ടിട്ടുണ്ട്​. 1993 ലും 1998ലും സ്വതന്ത്ര ചുമതലയുള്ള സഹമന്ത്രിയായിരുന്നു. 2003,2008ൽ വസുന്ധരരാജെ മന്ത്രിസഭയിൽ മന്ത്രിയായിരുന്നു. വസുന്ധരരാ​െജ 2013ൽ വീണ്ടും തെരഞ്ഞെടുക്കപ്പെട്ടപ്പോൾ സൻവർലാലിന്​ വീണ്ടും മന്ത്രിസ്​ഥാനം ലഭിച്ചു. 

2014ലെ ലോക്​സഭാ തെരഞ്ഞെടുപ്പിൽ അജ്​മീറിൽ നിന്ന്​ മത്​സരിച്ച സൻവർലാൽ കോൺഗ്രസ്​ നേതാവ്​ സചിൻ ​ൈപലറ്റി​നെ തോൽപ്പിച്ചു. നരേന്ദ്ര മോദി സർക്കാറിൽ ജലവിഭവ വകുപ്പിൽ കേന്ദ്ര സഹമന്ത്രിയുമായും സേവനമനുഷ്​ഠിച്ചു. അനാരോഗ്യം കാരണം 2016 ജൂലൈ അഞ്ചിലെ​ മന്ത്രിസഭാ പുനഃസംഘടനയിൽ സ്​ഥാനം നഷ്​ടമായി. അതിനുശേഷം രാജസ്​ഥാൻ കിസാൻ ആയോഗി​​െൻറ ചെയർമാൻ സ്​ഥാനം വഹിച്ചു വരികയായിരുന്നു.