ആർ.എസ്​.എസ്​ നേതാവ്​ രവീന്ദർ ഗോസായ്​ വെടിയേറ്റു മരിച്ചു

ലുധിയാന​: പഞ്ചാബിലെ ലുധിയാനയിൽ ആർ.എസ്​.എസ്​ നേതാവ്​ രവീന്ദർ ഗോസായിയെ (58) അജ്ഞാത അക്രമികൾ വെടിവെച്ചു കൊലപ്പെടുത്തി. ചൊവ്വാഴ്​ച രാവിലെ 7.20 ഒാടെ ലുധിയാനയിൽ സ്വവസതിക്ക്​ സമീപത്തു വെച്ചാണ്​ ഗോസായിക്ക്​ വെടിയേറ്റത്​. പ്രഭാതസവാരിക്കിറങ്ങിയ ഗോസായിക്കെതിരെ ബൈക്കിലെത്തിയ അക്രമികൾ വെടിയുതിർക്കുകയായിരുന്നു. കഴുത്തിൽ രണ്ട്​ വെടിയുണ്ടകൾ തുളച്ചുകയറിയ അദ്ദേഹം സംഭവസ്ഥലത്തു തന്നെ മരിച്ചു. 

ബി.ജെ.പിയുടെ ജില്ലാ ഭാരവാഹിയും ലുധിയാന ആർ.എസ്​.എസ്​ രഘുനാഥ്​ നഗർ മോഹൻ ശാഖയുടെ അധ്യക്ഷനുമായിരുന്നു  രവീന്ദർ ഗോസായ്​.  സംഭവത്തിൽ പൊലീസ്​ അന്വേഷണം ആരംഭിച്ചു.