വോട്ടിന്​ പണം: തമിഴ്​നാട്​ മുഖ്യമന്ത്രി അടക്കമുള്ളവർക്കെതിരെ കേസെടുക്കണമെന്ന്​ തെര​.കമ്മീഷൻ

ന്യൂഡല്‍ഹി: ആര്‍.കെ നഗര്‍ ഉപതിരഞ്ഞെടുപ്പുമായി ബന്ധപ്പെട്ട്​ ​കോഴ നൽകിയ കേസില്‍ തമിഴ്‌നാട് മുഖ്യമന്ത്രി എടപ്പാടി പളനിസ്വാമി ഉൾ​പ്പെടെയുള്ളവർക്കെതിരെ കേസെടുക്കാമെന്ന്​ തെരഞ്ഞെടുപ്പ് കമ്മീഷന്‍ .  വിവരാവകാശ നിയമപ്രകാരം നല്‍കിയ അപേക്ഷക്ക്​ നൽകിയ മറുപടിയിലാണ്​ എടപ്പാടി പളനസ്വാമി, ആരോഗ്യമന്ത്രി സി വിജയഭാസ്‌കര്‍, എ.ഐ.എ.ഡി.എം.കെ ഡെപ്യൂട്ടി ജനറല്‍ സെക്രട്ടറി ടി.ടി.വി ദിനകരന്‍ എന്നിവര്‍ അടക്കമുള്ളവര്‍ക്കെതിരെ എഫ്.ഐ.ആര്‍ രജിസ്റ്റര്‍ ചെയ്യാന്‍ കമ്മീഷന്‍ നിര്‍ദ്ദേശം നല്‍കിയത്​. 

In response to RTI query, EC directs FIR against TTV Dinakaran,TN CM Palaniswami,Vijayabhaskar and others in RK Nagar Bypoll bribery case

— ANI (@ANI_news) June 18, 2017

ഏപ്രില്‍ 12 ന് നടക്കാനിരുന്ന ഉപതെരഞ്ഞെടുപ്പിന് മുമ്പ് വോട്ട്​ ചെയ്യാൻ കോഴ നൽകിയെന്നാണ്​ ആരോപണം. വോട്ടർമാർക്ക്​ പണം നൽകുന്നതി​​െൻറ വീഡിയോ ദൃശ്യങ്ങള്‍ സമൂഹ മാധ്യമങ്ങളില്‍ പ്രചരിച്ചിരുന്നു. ​വോ​െട്ടടുപ്പിന്​ ​ മുമ്പ്​ ​ജനങ്ങൾക്ക്​ പ​ണമോ സമ്മാനങ്ങളോ നൽകി വോട്ട്​ പിടിക്കാനുള്ള ശ്രമം ​നടന്നുവെന്ന്​ തെരഞ്ഞെടുപ്പ്​ കമ്മീഷൻ നിരീക്ഷിച്ചിരുന്നു.  

ആരോഗ്യമന്ത്രി വിജയഭാസ്‌കറുടെ വീട്ടില്‍ ആദായനികുതി വകുപ്പ് അധികൃതര്‍ നടത്തിയ പരിശോധന നടത്തിയിരുന്നു. റെയ്​ഡിൽ വി.കെ ശശികല കാമ്പിൽ  90 കോടിയോളം രൂപ ആര്‍.കെ നഗര്‍ മണ്ഡലത്തിലെ വോട്ടര്‍മാര്‍ക്ക് വിതരണം ചെയ്തുവെന്ന് വ്യക്തമാക്കുന്ന രേഖകള്‍ കണ്ടെത്തിയിരുന്നു. ഇതേതുടർന്നാണ്​ ആര്‍.കെ നഗര്‍ ഉപതിരഞ്ഞെടുപ്പ് തെരഞ്ഞെടുപ്പ് കമ്മീഷന്‍ റദ്ദാക്കിയത്​.  പാർട്ടിയുടെ രണ്ടില ചിഹ്നം ലഭിക്കുന്നതിനായി ടി.ടി.വി ദിനകരൻ കമ്മീഷന്​ 50 കോടി വാഗ്​ദാനം ചെയ്​ത കേസിൽ അറസ്​റ്റിലാവുകയും ചെയ്​തു. 

തമിഴ്‌നാട് മുന്‍ മുഖ്യമന്ത്രി ജയലളിതയുടെ മരണത്തെ തുടര്‍ന്നാണ് ആര്‍.കെ നഗര്‍ മണ്ഡലത്തില്‍ ഉപതിരഞ്ഞെടുപ്പ് വേണ്ടിവന്നത്. ജയലളിത രണ്ടുതവണ പ്രതിനിധീകരിച്ചിട്ടുള്ള മണ്ഡലമാണ് ആര്‍.കെ നഗര്‍.