രാജ്യസഭ വോട്ടെടുപ്പ് നാളെ; നാടകീയത ഏറെ

ന്യൂ​ഡ​ൽ​ഹി: നാ​ട​കീ​യ നീ​ക്ക​ങ്ങ​ളു​ടെ അ​ക​മ്പ​ടി​യോ​ടെ രാ​ജ്യ​സ​ഭ തെ​ര​ഞ്ഞെ​ടു​പ്പ് വെ​ള്ളി​യാ​ഴ്ച. 15 സം​സ്ഥാ​ന​ങ്ങ​ളി​ലെ 57 ഒ​ഴി​വു​ക​ളി​ലേ​ക്കാ​ണ് തെ​ര​ഞ്ഞെ​ടു​പ്പ് പ്ര​ഖ്യാ​പി​ച്ച​ത്. ഇ​തി​ൽ 11 സം​സ്ഥാ​ന​ങ്ങ​ളി​ൽ നി​ന്നാ​യി വി​വി​ധ പാ​ർ​ട്ടി​ക​ളി​ൽ പെ​ട്ട 41 സ്ഥാ​നാ​ർ​ഥി​ക​ൾ ഇ​തി​ന​കം എ​തി​രി​ല്ലാ​തെ തെ​ര​ഞ്ഞെ​ടു​ക്ക​പ്പെ​ട്ടി​ട്ടു​ണ്ട്. രാ​ജ​സ്ഥാ​ൻ, ഹ​രി​യാ​ന, ക​ർ​ണാ​ട​ക, മ​ഹാ​രാ​ഷ്ട്ര എ​ന്നി​വി​ട​ങ്ങ​ളി​ലെ 16 സീ​റ്റി​ലാ​ണ് വോ​ട്ടെ​ടു​പ്പ് വേ​ണ്ടി വ​രു​ന്ന​ത്. അ​ടി​യൊ​ഴു​ക്കു​ക​ൾ ഏ​റെ. കു​തി​ര​ക്ക​ച്ച​വ​ട സാ​ധ്യ​ത ഭ​യ​ന്ന് എം.​എ​ൽ.​എ​മാ​രെ റി​സോ​ർ​ട്ടി​ലേ​ക്ക് മാ​റ്റി​യി​രി​ക്കു​ക​യാ​ണ് രാ​ജ​സ്ഥാ​നി​ൽ കോ​ൺ​ഗ്ര​സ്.

ആ​ന്ധ്ര​പ്ര​ദേ​ശ്, ഛത്തി​സ്ഗ​ഢ്, ബി​ഹാ​ർ, മ​ധ്യ​പ്ര​ദേ​ശ്, ഝാ​ർ​ഖ​ണ്ഡ്, ഒ​ഡി​ഷ, ത​മി​ഴ്നാ​ട്, തെ​ല​ങ്കാ​ന, യു.​പി, ഉ​ത്ത​ര​ഖ​ണ്ഡ്, പ​ഞ്ചാ​ബ് എ​ന്നി​വി​ട​ങ്ങ​ളി​ൽ​നി​ന്നാ​ണ് 41 പേ​രെ എ​തി​രി​ല്ലാ​തെ തെ​ര​ഞ്ഞെ​ടു​ത്ത​ത്. സ്വ​ത​ന്ത്ര സ്ഥാ​നാ​ർ​ഥി​ക​ളാ​യി ര​ണ്ട് മാ​ധ്യ​മ പ്ര​മു​ഖ​ർ ക​ള​ത്തി​ലി​റ​ങ്ങി​​യ​തോ​ടെ രാ​ജ​സ്ഥാ​നി​ലും ഹ​രി​യാ​ന​യി​ലും തെ​ര​ഞ്ഞെ​ടു​പ്പു ചി​ത്രം മാ​റി. വോ​ട്ട് തി​ക​യി​ല്ലെ​ങ്കി​ലും ക​ർ​ണാ​ട​ക​ത്തി​ലെ നാ​ലാ​മ​​ത്തെ സീ​റ്റി​ലേ​ക്ക് ഭ​ര​ണ​ക​ക്ഷി​യാ​യ ബി.​ജെ.​പി​യും കോ​ൺ​ഗ്ര​സ്, ജെ.​ഡി.​എ​സ് എ​ന്നീ പ്ര​തി​പ​ക്ഷ പാ​ർ​ട്ടി​ക​ളും മ​ത്സ​രി​ക്കു​ന്ന​ത് പി​രി​മു​റു​ക്കം കൂ​ട്ടി. മ​ഹാ​രാ​ഷ്​​ട്ര​യി​ൽ ഒ​രു സ്ഥാ​നാ​ർ​ഥി​യെ​ക്കൂ​ടി നി​ർ​ത്താ​ൻ ബി.​ജെ.​പി​യും എ​തി​രാ​ളി​ക​ളാ​യ ശി​വ​സേ​ന​യും തീ​രു​മാ​നി​ച്ചു.

രാ​ജ​സ്ഥാ​നി​ൽ സീ​റ്റ് നാ​ല്. സ്ഥാ​നാ​ർ​ഥി അ​ഞ്ച്. ജ​യി​ക്കാ​ൻ ഓ​രോ സ്ഥാ​നാ​ർ​ഥി​ക്കും കി​ട്ടേ​ണ്ട വോ​ട്ട് 41. രാ​ജ​സ്ഥാ​ൻ നി​യ​മ​സ​ഭ​യി​ലെ 200ൽ ​കോ​ൺ​ഗ്ര​സി​നു​ള്ള അം​ഗ​ങ്ങ​ൾ 108. ബി.​ജെ.​പി​ക്ക് 71. അ​ത​നു​സ​രി​ച്ച് നോ​ക്കി​യാ​ൽ കോ​ൺ​ഗ്ര​സ് ര​ണ്ടു സീ​റ്റി​ലും ബി.​ജെ.​പി ഒ​ന്നി​ലും ജ​യി​ക്കും. എ​ന്നാ​ൽ ര​ൺ​ദീ​പ്സി​ങ് സു​ർ​ജേ​വാ​ല, മു​കു​ൾ വാ​സ്നി​ക്, പ്ര​മോ​ദ് തി​വാ​രി എ​ന്നീ മൂ​ന്നു പേ​രാ​ണ് കോ​ൺ​ഗ്ര​സ് സ്ഥാ​നാ​ർ​ഥി​ക​ൾ. ബി.​ജെ.​പി ഘ​ന​ശ്യാം തി​വാ​രി​യെ മാ​ത്ര​മാ​ണ് സ്ഥാ​നാ​ർ​ഥി​യാ​ക്കി​യ​ത്. അ​തേ​സ​മ​യം, 'സീ'​യു​ടെ ഉ​ട​മ​യാ​യ മാ​ധ്യ​മ പ്ര​മു​ഖ​ൻ സു​ഭാ​ഷ് ച​ന്ദ്ര സ്വ​ത​ന്ത്ര​നാ​യി ക​ള​ത്തി​ലി​റ​ങ്ങി​യി​ട്ടു​ണ്ട്; ബി.​ജെ.​പി പി​ന്തു​ണ​ക്കു​ക​യും ചെ​യ്യു​ന്നു. കോ​ൺ​ഗ്ര​സി​ന് മൂ​ന്നു പേ​രെ​യും ജ​യി​പ്പി​ക്കാ​ൻ 15 വോ​ട്ടു കൂ​ടി വേ​ണം. ബി.​ജെ.​പി​ക്ക് ര​ണ്ടു പേ​ർ​ക്കു​മാ​യി 11 സീ​റ്റു കൂ​ടി കി​ട്ട​ണം. ചെ​റു​ക​ക്ഷി​ക​ളും സ്വ​ത​ന്ത്ര​രും നി​ർ​ണാ​യ​കം.

ഹ​രി​യാ​ന​യി​ൽ ര​ണ്ടു സീ​റ്റി​ലേ​ക്ക് സ്ഥാ​നാ​ർ​ഥി​ക​ൾ മൂ​ന്ന്. ജ​യി​ക്കാ​ൻ വേ​ണ്ട​ത് 31 വോ​ട്ട്. 90 അം​ഗ നി​യ​മ​സ​ഭ​യി​ൽ കോ​ൺ​ഗ്ര​സി​ന് 31 അം​ഗ​ങ്ങ​ൾ. അ​ജ​യ് മാ​ക്ക​നെ ജ​യി​പ്പി​ക്കാ​ൻ കോ​ൺ​ഗ്ര​സി​ന് പ്ര​യാ​സ​മി​ല്ല. 40 എം.​എ​ൽ.​എ​മാ​രു​ള​ള ബി.​ജെ.​പി മു​ൻ​മ​ന്ത്രി കൃ​ഷ​ൻ​ലാ​ൽ പ​ൻ​വാ​റി​നെ സ്ഥാ​നാ​ർ​ഥി​യാ​ക്കി​യ​തോ​ടൊ​പ്പം മാ​ധ്യ​മ ​രം​ഗ​ത്തെ പ്ര​മു​ഖ​നാ​യ ന്യൂ​സ് എ​ക്സ് ഉ​ട​മ കാ​ർ​ത്തി​കേ​യ ശ​ർ​മ​യെ പി​ന്തു​ണ​ക്കു​ന്നു. ശ​ർ​മ​ക്ക് സ​ഖ്യ​ക​ക്ഷി​യാ​യ ജെ.​ജെ.​പി​യു​ടെ 10 സീ​റ്റു കു​ടി ബി.​ജെ.​പി പ്ര​തീ​ക്ഷി​ക്കു​ന്നു. ഏ​ഴു സ്വ​ത​ന്ത്ര​ർ വേ​റെ​യു​മു​ണ്ട്. കാ​ർ​ത്തി​കേ​യ ശ​ർ​മ​ക്ക് ഐ.​എ​ൻ.​എ​ൽ.​ഡി​യും ഹ​രി​യാ​ന ലോ​ക്ഹി​ത് പാ​ർ​ട്ടി​യും പി​ന്തു​ണ പ്ര​ഖ്യാ​പി​ച്ചി​ട്ടു​ണ്ട്.

ക​ർ​ണാ​ട​ക​ത്തി​ൽ നാ​ലു സീ​റ്റി​ലേ​ക്ക് സ്ഥാ​നാ​ർ​ഥി​ക​ൾ ആ​റ്. ജ​യി​ക്കാ​ൻ വേ​ണ്ട വോ​ട്ട് 45. 224 അം​ഗ സ​ഭ​യി​ൽ കോ​ൺ​ഗ്ര​സ് 70; ബി.​ജെ.​പി 121, ജെ.​ഡി.​എ​സ് 32. ബി.​ജെ.​പി ര​ണ്ടു സീ​റ്റി​ലും കോ​ൺ​ഗ്ര​സ് ഒ​ന്നി​ലും ജ​യി​ക്കും. എ​ന്നാ​ൽ, ബി.​ജെ.​പി​യും കോ​ൺ​ഗ്ര​സും സ്ഥാ​നാ​ർ​ഥി​യെ നി​ർ​ത്തി​യ​തി​നാ​ൽ നാ​ലാ​മ​ത്തെ സീ​റ്റ് നി​ർ​ണാ​യ​കം. മു​ൻ​മ​ന്ത്രി ജ​യ്റാം ര​മേ​ശ്, മ​ൻ​സൂ​ർ അ​ലി​ഖാ​ൻ എ​ന്നി​വ​രാ​ണ് കോ​ൺ​ഗ്ര​സ് സ്ഥാ​നാ​ർ​ഥി​ക​ൾ. ധ​ന​മ​ന്ത്രി നി​ർ​മ​ല സീ​താ​രാ​മ​ൻ, ന​ട​ൻ ജ​ഗ്ഗേ​ഷ്, ല​ഹ​ർ​സി​ങ് സി​രോ​യ എ​ന്നി​വ​ർ ബി.​ജെ.​പി സ്ഥാ​നാ​ർ​ഥി​ക​ൾ. റി​യ​ൽ എ​സ്റ്റേ​റ്റ് വ്യ​വ​സാ​യി ഡി. ​കു​പേ​ന്ദ്ര റെ​ഡി​യാ​ണ് ജെ.​ഡി.​എ​സ് സ്ഥാ​നാ​ർ​ഥി.

മ​ഹാ​രാ​ഷ്ട്ര​യി​ൽ ആ​റു സി​റ്റി​ലേ​ക്ക് ഏ​ഴു സ്ഥാ​നാ​ർ​ഥി​ക​ൾ. ജ​യി​ക്കാ​ൻ ഓ​രോ​രു​ത്ത​ർ​ക്കും 42 സീ​റ്റ് വേ​ണം. 288 അം​ഗ നി​യ​മ​സ​ഭ​യി​ൽ ബി.​ജെ.​പി 106, ശി​വ​സേ​ന 55, കോ​ൺ​ഗ്ര​സ് 44, എ​ൻ.​സി.​പി 53 എ​ന്നി​ങ്ങ​നെ​യാ​ണ് അം​ഗ​ങ്ങ​ൾ. എ​ൻ.​സി.​പി​യു​ടെ ര​ണ്ടു പേ​ർ ജ​യി​ലി​ലാ​ണ്. ചെ​റു​പാ​ർ​ട്ടി​ക​ൾ​ക്കും സ്വ​ത​ന്ത്ര​ർ​ക്കു​മാ​യി 29 വോ​ട്ടു​ണ്ട്. മ​ന്ത്രി പീ​യു​ഷ് ഗോ​യ​ൽ, അ​നി​ൽ​ ബോ​ബ്ദെ, ധ​ന​ഞ്ജ​യ് ഹാ​ദി​ക് എ​ന്നി​വ​ർ ബി.​ജെ.​പി​യു​ടെ​യും സ​ഞ്ജ​യ് റാ​വ​ത്ത്, സ​ഞ്ജ​യ് പ​വാ​ർ എ​ന്നി​വ​ർ ശി​വ​സേ​ന​യു​ടെ​യും സ്ഥാ​നാ​ർ​ഥി​ക​ൾ. സ​ഖ്യ​ക​ക്ഷി​ക​ളാ​യ എ​ൻ.​സി.​പി​ക്കും കോ​ൺ​ഗ്ര​സി​നും യ​ഥാ​ക്ര​മം മു​ൻ​മ​ന്ത്രി പ്ര​ഫു​ൽ പ​ട്ടേ​ൽ, ഇ​മ്രാ​ൻ പ്ര​താ​പ്ഗ​ഡി എ​ന്നി​വ​രാ​ണ് സ്ഥാ​നാ​ർ​ഥി​ക​ൾ.

വോ​ട്ട് മ​റു​ക​ണ്ടം ചാ​ടി​യി​ല്ലെ​ങ്കി​ൽ കോ​ൺ​ഗ്ര​സി​ന് ര​ണ്ട് വോ​ട്ടാ​ണ് മി​ച്ചം. എ​ൻ.​സി.​പി​ക്ക് ഒ​ൻ​പ​ത്. ഈ ​വോ​ട്ടു​ക​ൾ ശി​വ​സേ​ന​ക്ക് കി​ട്ടേ​ണ്ട​താ​ണ്. ര​ണ്ടു സ്ഥാ​നാ​ർ​ഥി​ക​ളി​ൽ ഒ​രാ​ളെ ജ​യി​പ്പി​ച്ചു ക​ഴി​ഞ്ഞാ​ൽ അ​വ​ർ​ക്ക് സ്വ​ന്തം​നി​ല​ക്ക് 13 മി​ച്ച വോ​ട്ടു​ക​ളു​ണ്ട്.

സ​ർ​ക്കാ​റി​ന്റെ ഭാ​ഗ​മാ​യ നാ​ല് സ്വ​ത​ന്ത്ര​ർ പു​റ​മെ. ഫ​ല​ത്തി​ൽ 24 വോ​ട്ട് ശി​വ​സേ​ന​യു​ടെ ര​ണ്ടാം സ്ഥാ​നാ​ർ​ഥി​ക്കു​ണ്ട്. എ​ന്നാ​ൽ, വോ​ട്ട് മ​റു​ക​ണ്ടം ചാ​ടാ​ൻ സാ​ധ്യ​ത​യേ​റെ.