എക്​സിറ്റ്​പോളുകൾക്ക്​ നിരോധനമേർപ്പെടുത്തി തെരഞ്ഞെടുപ്പ്​ കമീഷൻ

ന്യൂഡൽഹി: രാജ്യത്ത്​ എക്​സിറ്റ്​പോളുകൾക്ക്​ നിരോധനമേർപ്പെടുത്തി കേന്ദ്ര തെരഞ്ഞെടുപ്പ്​ കമീഷൻ. മാർച്ച്​ 27 മുതൽ ഏപ്രിൽ 29 വരെ എക്​സിറ്റ്​പോളുകൾ നടത്തരുതെന്നും ഫലം പ്രസിദ്ധീകരിക്കരുതെന്നുമാണ്​ ഉത്തരവ്​.

പശ്​ചിമബംഗാൾ, അസം, കേരള, തമിഴ്​നാട്​ തുടങ്ങിയ സംസ്ഥാനങ്ങളിലും പുതുച്ചേരിയിലും തെരഞ്ഞെടുപ്പ്​ നടക്കുന്ന പശ്​ചാത്തലത്തിലാണ്​ ഉത്തരവ്​. 1951ലെ ജനപ്രാതിനിധ്യ നിയമം 126 എ വകുപ്പിന്‍റെ ഉപവകുപ്പ് ഒന്ന്​ പ്രകാരമാണ് നടപടി.

അച്ചടി-ഇലക്​ട്രോണിക്​ മാധ്യമങ്ങളും വഴിയോ മറ്റു മാധ്യമങ്ങൾ വഴിയോ എക്​സിറ്റ്​പോൾ പ്രസിദ്ധീകരിക്കുന്നതിനും പ്രചരിപ്പിക്കുന്നതിനുമാണ്​ വിലക്ക്​.