‘ജോലിക്ക് ഭൂമി’: ലാലുവിനെയും ചോദ്യം ചെയ്യാൻ വിളിച്ച് ഇ.ഡി

ന്യൂ​ഡ​ൽ​ഹി: റെ​യി​ൽ​വേ​യി​ൽ ജോ​ലി കി​ട്ടാ​ൻ ഭൂ​മി കോ​ഴ വാ​ങ്ങി​യ​തു​മാ​യി ബ​ന്ധ​പ്പെ​ട്ട ആ​രോ​പ​ണ​ത്തി​ലെ ക​ള്ള​പ്പ​ണം വെ​ളു​പ്പി​ക്ക​ൽ കേ​സി​ൽ ബീ​ഹാ​ർ മു​ഖ്യ​മ​ന്ത്രി തേ​ജ​സ്വി യാ​ദ​വി​നും പി​താ​വും ആ​ർ.​ജെ.​ഡി നേ​താ​വു​മാ​യ ലാ​ലു പ്ര​സാ​ദ് യാ​ദ​വി​നും ചോ​ദ്യം ചെ​യ്യാ​ൻ എ​ൻ​ഫോ​ഴ്സ്മെ​ന്റ് ഡ​യ​റ​ക്ട​റേ​റ്റി​ന്റെ (ഇ.​ഡി) നോ​ട്ടീ​സ്. തേ​ജ്വ​സി നാ​​ളെ​യും ലാ​ലു ഈ ​മാ​സം 27നും ​ഡ​ൽ​ഹി​യി​ലെ ഇ.​ഡി ഓ​ഫി​സി​ൽ ഹാ​ജ​രാ​ക​ണ​മെ​ന്നാ​ണ് നോ​ട്ടീ​സി​ലു​ള്ള​ത്. ക​ഴി​ഞ്ഞ ഏ​പ്രി​ലി​ൽ തേ​ജ​സ്വി​യെ എ​ട്ടു മ​ണി​ക്കൂ​റോ​ളം ഇ.​ഡി ചോ​ദ്യം ചെ​യ്തി​രു​ന്നു. ലാ​ലു​വി​നെ ഇ​താ​ദ്യ​മാ​യാ​ണ് ചോ​ദ്യം​ചെ​യ്യാ​ൻ വി​ളി​പ്പി​ക്കു​ന്ന​ത്.

ലാ​ലു റെ​യി​ൽ​വേ മ​ന്ത്രി​യാ​യി​രു​ന്ന കാ​ല​ത്ത് വി​വി​ധ റെ​യി​ൽ​വേ സോ​ണു​ക​ളി​ൽ ഗ്രൂ​പ് ഡി ​വി​ഭാ​ഗം ജോ​ലി​ക​ൾ​ക്കാ​യി ഭൂ​മി കോ​ഴ​യാ​യി വാ​ങ്ങി​യെ​ന്നാ​ണ് കേ​സ്. ഉ​ദ്യോ​ഗാ​ർ​ഥി​ക​ൾ ഭൂ​മി ലാ​ലു​വി​ന്റെ കു​ടും​ബാം​ഗ​ങ്ങ​ൾ​ക്കും അ​വ​രു​മാ​യി ബ​ന്ധ​മു​ള്ള എ.​കെ ഇ​ൻ​ഫോ​സി​സി​നും കൈ​മാ​റി​യാ​ൽ ജോ​ലി ല​ഭി​ക്കു​മെ​ന്നാ​യി​രു​ന്നു ആ​രോ​പ​ണം.

എ.​കെ ഇ​ൻ​ഫോ​സി​സി​ന്റെ ഡ​യ​റ​ക്ട​റാ​യി​രു​ന്ന അ​മി​ത് ക​ട്യാ​ലി​ന്റെ അ​റ​സ്റ്റി​നും മൊ​ഴി​ക്കും ശേ​ഷ​മാ​ണ് ലാ​ലു​വി​നെ​തി​രെ ഇ.​ഡി തി​രി​ഞ്ഞ​ത്. ക​മ്പ​നി​യു​​ടെ ഔ​ദ്യോ​ഗി​ക വി​ലാ​സം ലാ​ലു​വി​ന്റെ ഡ​ൽ​ഹി​യി​ലെ വ​സ​തി​യു​ടേ​താ​യി​രു​ന്നെ​ന്നും ഇ.​ഡി ആ​രോ​പി​ക്കു​ന്നു. നി​യ​മ​ന​ക്കേ​സ് അ​ന്വേ​ഷി​ക്കു​ന്ന സി.​ബി.​ഐ​യു​ടെ പ​രാ​തി​യി​ലാ​ണ് ലാ​ലു​വി​നെ​തി​രെ ഇ.​ഡി ഇ​ട​പെ​ട്ട​ത്.