കർണാടകയിൽ മതപരിവർത്തന നിരോധനനിയമം നിയമസഭ വീണ്ടും പാസാക്കി

ബം​ഗ​ളൂ​രു: ക​ർ​ണാ​ട​ക​യി​ൽ വി​വാ​ദ​മാ​യ മ​ത​പ​രി​വ​ർ​ത്ത​ന നി​രോ​ധ​ന നി​യ​മം (ക​ർ​ണാ​ട​ക മ​ത​സ്വാ​ത​ന്ത്ര്യ അ​വ​കാ​ശ സം​ര​ക്ഷ​ണ ബി​ൽ -2021) നി​യ​മ​സ​ഭ വീ​ണ്ടും പാ​സാ​ക്കി. നേ​ര​ത്തേ നി​യ​മ​സ​ഭ ബി​ൽ പാ​സാ​ക്കി​യി​രു​ന്നെ​ങ്കി​ലും ഭേ​ദ​ഗ​തി വ​രു​ത്തി​യ​തോ​ടെ​യാ​ണ്​ വീ​ണ്ടും പാ​സാ​ക്കേ​ണ്ടി​വ​ന്ന​ത്. ബു​ധ​നാ​ഴ്ച ചേ​ർ​ന്ന നി​യ​മ​സ​ഭ യോ​ഗ​ത്തി​ൽ മു​ഖ്യ​പ്ര​തി​പ​ക്ഷ ക​ക്ഷി​യാ​യ കോ​ൺ​ഗ്ര​സി​ന്‍റെ ക​ടു​ത്ത പ്ര​തി​ഷേ​ധ​ത്തി​നും ഇ​റ​ങ്ങി​പ്പോ​ക്കി​നു​മി​ടെ​യാ​യി​രു​ന്നു ന​ട​പ​ടി. ആ​ഭ്യ​ന്ത​ര​മ​ന്ത്രി അ​ര​ഗ ജ്ഞാ​നേ​ന്ദ്ര​യാ​ണ്​ ബി​ൽ അ​വ​ത​രി​പ്പി​ച്ച​ത്. ഗ​വ​ർ​ണ​റു​ടെ അ​നു​മ​തി കി​ട്ടു​ന്ന​തോ​ടെ 2022 മേ​യ്​ 17 മു​ത​ൽ മു​ൻ​കാ​ല​പ്രാ​ബ​ല്യ​ത്തോ​ടെ നി​യ​മം പ്രാ​ബ​ല്യ​ത്തി​ൽ വ​രു​മെ​ന്ന ഭേ​ദ​ഗ​തി​യാ​ണ്​ വ​രു​ത്തി​യി​രി​ക്കു​ന്ന​ത്.

നി​ർ​ബ​ന്ധി​ത മ​ത​പ​രി​വ​ർ​ത്ത​ന​ത്തി​ന് 10 വ​ർ​ഷം​വ​രെ ത​ട​വു​ൾ​പ്പെ​ടെ​യു​ള്ള ക​ടു​ത്ത ശി​ക്ഷ ഉ​റ​പ്പാ​ക്കു​ന്ന​താ​ണ് നി​യ​മം. തെ​റ്റി​ദ്ധ​രി​പ്പി​ക്ക​ൽ, നി​ർ​ബ​ന്ധി​ക്ക​ൽ, ച​തി, സ്വാ​ധീ​നം, ബ​ല​പ്ര​യോ​ഗം, വ​ശീ​ക​ര​ണം, വി​വാ​ഹം, പ​ണ​മോ മ​റ്റു സാ​ധ​ന​ങ്ങ​ളോ വാ​ഗ്ദാ​നം ചെ​യ്യു​ക തു​ട​ങ്ങി​യ മാ​ർ​ഗ​ങ്ങ​ളി​ലൂ​ടെ ഒ​രാ​ളെ ഒ​രു മ​ത​ത്തി​ൽ​നി​ന്ന് മ​റ്റൊ​രു മ​ത​ത്തി​ലേ​ക്ക് മാ​റ്റു​ന്ന​ത് കു​റ്റ​കൃ​ത്യ​മാ​യി പ​രി​ഗ​ണി​ക്കും. മ​തം​മാ​റ്റ​ത്തി​ന് വേ​ണ്ടി​യു​ള്ള വി​വാ​ഹ​ങ്ങ​ൾ അ​സാ​ധു​വാ​ക്കു​ക​യും കു​റ്റ​കൃ​ത്യ​മാ​ക്കു​ക​യും ചെ​യ്യും.

മ​തം മാ​റാ​ൻ ആ​ഗ്ര​ഹി​ക്കു​ന്ന​യാ​ൾ ര​ണ്ടു​മാ​സം മു​മ്പ് ജി​ല്ല ഡെ​പ്യൂ​ട്ടി ക​മീ​ഷ​ണ​ർ​ക്ക് (ഡി.​സി) അ​പേ​ക്ഷ ന​ൽ​ക​ണ​മെ​ന്ന വ്യ​വ​സ്ഥ​യു​മു​ണ്ട്. എ​സ്.​സി, എ​സ്.​ടി വി​ഭാ​ഗ​ത്തി​ൽ​നി​ന്നോ പ്രാ​യ​പൂ​ർ​ത്തി​യാ​കാ​ത്ത​വ​രെ​യോ സ്ത്രീ​ക​ളെ​യോ മ​റ്റു മ​ത​ങ്ങ​ളി​ലേ​ക്ക് മാ​റ്റാ​ൻ ശ്ര​മി​ക്കു​ന്ന​വ​ർ​ക്ക് മൂ​ന്നു​വ​ർ​ഷം മു​ത​ൽ പ​ത്തു​വ​ർ​ഷം വ​രെ ത​ട​വും അ​ര​ല​ക്ഷ​ത്തി​ൽ കു​റ​യാ​ത്ത പി​ഴ​യു​മാ​ണ് ശി​ക്ഷ. പൊ​തു​വി​ഭാ​ഗ​ത്തി​ലു​ള്ള​വ​രെ മ​തം മാ​റ്റി​യാ​ൽ മൂ​ന്നു​വ​ർ​ഷം മു​ത​ൽ അ​ഞ്ചു​വ​ർ​ഷം വ​രെ ജ​യി​ൽ ശി​ക്ഷ​യും 25,000 രൂ​പ പി​ഴ​യും ല​ഭി​ക്കും.

കൂ​ട്ട മ​ത​പ​രി​വ​ർ​ത്ത​ന​ത്തി​ന് മൂ​ന്നു​വ​ർ​ഷം മു​ത​ൽ പ​ത്തു​വ​ർ​ഷം വ​രെ ജ​യി​ൽ ശി​ക്ഷ​യും ഒ​രു​ല​ക്ഷം രൂ​പ വ​രെ പി​ഴ​യും ല​ഭി​ക്കാ​മെ​ന്ന​താ​ണ് വ്യ​വ​സ്ഥ. ഏ​തു​ത​ര​ത്തി​ലു​ള്ള മ​തം​മാ​റ്റ​വും നി​യ​മ​ത്തി​ന്‍റെ പ​രി​ധി​യി​ലാ​വു​ന്ന ത​ര​ത്തി​ലു​ള്ള​വ​യാ​ണ്​ ഇ​തി​ലെ വ്യ​വ​സ്ഥ​ക​ൾ. അ​തേ​സ​മ​യം, ക്രി​സ്ത്യ​ൻ സം​ഘ​ട​ന​ക​ളും കോ​ൺ​ഗ്ര​സും നി​യ​മ​ത്തി​നെ​തി​രെ ഹൈ​കോ​ട​തി​യെ സ​മീ​പി​ക്കാ​ൻ തീ​രു​മാ​നി​ച്ചി​ട്ടു​ണ്ട്.