ഹിമാചൽ പ്രദേശ്; നിരീക്ഷക റിപ്പോർട്ട്​ ഇന്ന്​ ഹൈകമാൻഡിന്​

ന്യൂ​ഡ​ൽ​ഹി: ഭ​ര​ണം നി​ല​നി​ർ​ത്തു​ന്ന​ത്​ ശ്ര​മ​ക​ര​മാ​യി മാ​റി​യ ഹി​മാ​ച​ൽ​ പ്ര​ദേ​ശി​ൽ കോ​ൺ​ഗ്ര​സ്​ ഹൈ​ക​മാ​ൻ​ഡി​ന്‍റെ തു​ട​ർ​ന​ട​പ​ടി നി​രീ​ക്ഷ​ക​രു​ടെ റി​പ്പോ​ർ​ട്ട്​ കി​ട്ടി​യ ശേ​ഷം.

പാ​ർ​ട്ടി അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ​യു​ടെ നി​ർ​ദേ​ശ പ്ര​കാ​രം സം​സ്ഥാ​ന​ത്ത്​ എ​ത്തി​യ മു​തി​ർ​ന്ന നേ​താ​ക്ക​ളാ​യ ഭൂ​പീ​ന്ദ​ർ​സി​ങ്​ ഹൂ​ഡ, ഭൂ​പേ​ശ്​ ബാ​ഘേ​ൽ, ഡി.​കെ. ശി​വ​കു​മാ​ർ, സം​സ്ഥാ​ന ചു​മ​ത​ല​യു​ള്ള എ.​ഐ.​സി.​സി ജ​ന​റ​ൽ സെ​ക്ര​ട്ട​റി രാ​ജീ​വ്​ ശു​ക്ല എ​ന്നി​വ​രോ​ട്​ പാ​ർ​ട്ടി എം.​എ​ൽ.​എ​മാ​രോ​ട്​ വെ​വ്വേ​റെ സം​സാ​രി​ക്കാ​ൻ നി​ർ​ദേ​ശി​ച്ചി​ട്ടു​ണ്ട്.

അ​ത​നു​സ​രി​ച്ച്​ കൂ​റു​മാ​റ്റം എ​ന്തു​കൊ​ണ്ട്​ സം​ഭ​വി​ച്ചു, ജ​ന​വി​ധി സം​ര​ക്ഷി​ക്കാ​ൻ ഇ​നി എ​ന്തു വേ​ണം എ​ന്നീ ചോ​ദ്യ​ങ്ങ​ൾ​ക്കു​ള്ള ഉ​ത്ത​രം നി​രീ​ക്ഷ​ക​ർ വ്യാ​ഴാ​ഴ്ച റി​പ്പോ​ർ​ട്ടി​ലൂ​ടെ കൈ​മാ​റും. മു​ഖ്യ​മ​ന്ത്രി സു​ഖ്​​വീ​ന്ദ​ർ സി​ങ്​ സു​ഖു​വി​നെ മാ​റ്റ​ണ​മെ​ന്ന ആ​വ​ശ്യം എ​തി​ർ​പ​ക്ഷ എം.​എ​ൽ.​എ​മാ​ർ ഉ​യ​ർ​ത്തു​ക​യും മു​ഖ്യ​മ​ന്ത്രി​പ​ദം ല​ക്ഷ്യ​മി​ട്ട്​ പൊ​തു​മ​രാ​മ​ത്തു മ​ന്ത്രി വി​ക്ര​മാ​ദി​ത്യ സി​ങ്​ രാ​ജി​വെ​ക്കു​ക​യും ചെ​യ്തി​രി​ക്കെ, ഭ​ര​ണം നി​ല​നി​ർ​ത്താ​ൻ വേ​ണ്ടി​വ​ന്നാ​ൽ​ മു​ഖ്യ​മ​​ന്ത്രി​യെ മാ​റ്റാ​നും​ ത​യാ​റാ​യേ​ക്കും. വ്യ​​ക്തി​ക​ള​ല്ല, പാ​ർ​ട്ടി താ​ൽ​പ​ര്യ​മാ​ണ്​ പ്ര​ധാ​ന​മെ​ന്ന്​ കോ​ൺ​ഗ്ര​സ്​ വ​ക്​​താ​വ്​ ജ​യ്​​റാം ര​മേ​ശ് പ്ര​തി​ക​രി​ച്ചു.

വ്യ​ക്ത​മാ​യ ഭൂ​രി​പ​ക്ഷ​മു​ണ്ടാ​യി​രു​ന്ന സ​ർ​ക്കാ​റി​നെ​യാ​ണ്​ ഹി​മാ​ച​ൽ പ്ര​ദേ​ശി​ൽ ബി.​ജെ.​പി പ്ര​തി​സ​ന്ധി​യി​ലാ​ക്കി​യ​ത്. തൂ​ക്കു​സ​ഭ​യാ​യി മാ​റി​യ നി​യ​മ​സ​ഭ​യു​ടെ സ​മ്മേ​ള​നം നി​ശ്ച​യി​ച്ച​തി​നേ​ക്കാ​ൾ ഒ​രു ദി​വ​സം മു​മ്പേ അ​നി​ശ്ചി​ത കാ​ല​ത്തേ​ക്ക്​ പി​രി​യാ​ൻ തീ​രു​മാ​നി​ച്ച​തും 15 ബി.​ജെ.​പി എം.​എ​ൽ.​എ​മാ​രെ സ​സ്​​പെ​ൻ​ഡ്​ ചെ​യ്യു​ക​വ​ഴി ബ​ജ​റ്റ്​ പാ​സാ​ക്കാ​ൻ സാ​ധി​ച്ച​തും കോ​ൺ​ഗ്ര​സി​ന്​ ത​ൽ​ക്കാ​ല പി​ടി​വ​ള്ളി​യാ​ണ്. എ​ന്നാ​ൽ, ഒ​മ്പ​തു​പേ​രെ വ​ല​വീ​ശി പി​ടി​ച്ച ബി.​ജെ.​പി​ക്ക്​ കൂ​ടു​ത​ൽ പേ​രെ വ​ല​യി​ലാ​ക്കാ​ൻ ക​ഴി​ഞ്ഞേ​ക്കു​മെ​ന്ന ആ​ശ​ങ്ക​യു​ണ്ട്.

പ​ണ​മെ​റി​ഞ്ഞ്​ ജ​ന​വി​ധി അ​ട്ടി​മ​റി​ച്ച്​ അ​ധി​കാ​രം പി​ടി​ക്കു​ന്ന ബി.​ജെ.​പി​യു​ടെ നി​ന്ദ്യ​രാ​ഷ്ട്രീ​യ​ത്തെ അ​പ​ല​പി​ക്കു​മ്പോ​ൾ ത​ന്നെ, വ്യ​ക്ത​മാ​യ ഭൂ​രി​പ​ക്ഷ​മു​ണ്ടാ​യി​ട്ടും ഭ​ര​ണം നി​ല​നി​ർ​ത്താ​ൻ ക​ഴി​യാ​ത്ത ആ​ഭ്യ​ന്ത​ര ക​ലാ​പ​മാ​ണ്​ പാ​ർ​ട്ടി​യി​ലെ​ന്ന യാ​ഥാ​ർ​ഥ്യം കൂ​ടി​യാ​ണ്​ കോ​ൺ​ഗ്ര​സ് അ​ഭി​മു​ഖീ​ക​രി​ക്കു​ന്ന​ത്.

ആ​റു​വ​ട്ടം മു​ഖ്യ​മ​ന്ത്രി​സ്ഥാ​ന​ത്തി​രു​ന്ന വീ​ര​ഭ​​ദ്ര സി​ങ്ങി​ന്റെ മ​ക​നാ​ണ്​ 14 മാ​സ​ത്തെ കാ​ത്തി​രി​പ്പി​നൊ​ടു​വി​ൽ മു​ഖ്യ​മ​ന്ത്രി​ക്കു​പ്പാ​യം ത​യ്പി​ച്ച്​ ക​ള​ത്തി​ലി​റ​ങ്ങി​യി​രി​ക്കു​ന്ന​ത്.

ഹൈ​ക​മാ​ൻ​ഡി​ന്‍റെ താ​ൽ​പ​ര്യ​ങ്ങ​ളെ​യും രാ​ജ്യ​സ​ഭ തെ​ര​ഞ്ഞെ​ടു​പ്പി​ലെ ഹൈ​ക​മാ​ൻ​ഡ്​ പ്ര​തി​നി​ധി​യെ​ത്ത​ന്നെ​യു​മാ​ണ്​ കോ​ൺ​ഗ്ര​സ്​ എം.​എ​ൽ.​എ​മാ​ർ മ​റു​ക​ണ്ടം ചാ​ടി തോ​ൽ​പി​ച്ച​ത്. വ്യ​ക്ത​മാ​യൊ​രു ജ​ന​വി​ധി സം​ര​ക്ഷി​ക്കേ​ണ്ട​ത്​ ഹൈ​ക​മാ​ൻ​ഡി​ന്​ ഇ​പ്പോ​ൾ അ​ഭി​മാ​ന പ്ര​ശ്ന​മാ​ണ്.