ഏറ്റുമുട്ടലിൽ കൊല്ലപ്പെട്ടവരുടെ ബന്ധുക്കൾക്ക് ധനസഹായം; പട്ടികയിൽ ബുർഹാൻ വാനിയുടെ കുടുംബവും

ശ്രീനഗർ: കശ്​മീരിൽ കൊല്ലപ്പെട്ട ഹിസ്​ബുൽ മുജാഹിദീൻ കമാൻഡർ ബുർഹാൻ വാനിയുടെ സഹോദരൻ ഖാലിദി​െൻറ കുടുംബത്തിന്​ ജമ്മു–കശ്​മീർ സർക്കാറി​െൻറ നഷ്​പരിഹാരം. സുരക്ഷാസേനയുടെ വെടിയേറ്റ്​ മരിച്ചവരുടെ കുടുംബാംഗങ്ങൾക്ക്​ നാലു ലക്ഷം രൂപയോ കുടുംബാംഗത്തിന്​ ​​​ജോലിയോ നൽകുന്ന  പദ്ധതി പ്രകാരമാണ്​ പണം നൽകു​ന്നതെന്ന്​​​ പുൽവാമ ഡെപ്യൂട്ടി കമീഷണർ മുനീറുൽ ഇസ്​ലാം അറിയിച്ചിരിക്കുന്നത്​.

അതേസമയം ധനസഹായം പ്രഖ്യപിച്ചത്​​ താൻ അറിഞ്ഞിട്ടി​ല്ലെന്നും പണം സ്വീകരിക്കില്ലെന്നും പകരം ബുർഹാ​െൻറ ഇളയ സഹോദരന് ജോലി നൽകണമെന്നും ബുർഹാൻ വാനിയുടെ പിതാവും സ്​കൂൾ പ്രിൻസിപ്പലുമായ മുസഫർ വാനി പറഞ്ഞു.

2015 ഏ​പ്രിൽ 13നാണ്​ സുഹൃത്തുക്കൾക്കൊപ്പം വിനോദയാത്രക്ക്​ പോയ  ഖാലിദി​നെ ​കാണാതായത്​. പിന്നീട്​ ഇദ്ദേഹത്തി​െൻറ മൃതദേഹം വനത്തിനുള്ളിൽ കണ്ടെത്തുകയായിരുന്നു. ഖാലിദിനെ സൈനികർ ക്രൂരമായി കൊലപ്പെടുത്തിയെന്നാണ്​ മുസഫർ വാനി പറയുന്നത്​. അതേസമയം ഖാലിദ്​ ഹിസ്​ബ്​ പ്രവർത്തകനാണെന്നും ഏറ്റുമുട്ടലിൽ വധിക്കുകയായിരുന്നെന്നുമാണ്​ സൈനികരുടെ ഭാഷ്യം. ഇതിനിടയിലാണ്​ സൈനികരാൽ കൊല്ലപ്പെട്ടവരുടെ കുടുംബങ്ങൾക്ക്​ കശ്​മീർ സർക്കാർ നഷ്​ടപരിഹാരം പ്രഖ്യാപിച്ചവരിൽ ബുർഹാ​െൻറ കുടുംബവും ഉൾപ്പെട്ടത്​.