You are here

ലോൺ തിരിച്ചടക്കുന്നത്​ മുടങ്ങി: കർഷകനെ ട്രാക്​റ്റർ കയറ്റി കൊന്നു

13:16 PM
22/01/2018
tractor

ലഖ്​നോ: ഉത്തർപ്രദേശിൽ സ്വകാര്യ പണമിടപാടു സ്ഥാപനത്തിൽ നിന്നും വായ്​പയെടുത്ത തുകയുടെ തിരിച്ചടവ്​ മുടങ്ങിയതിനെ തുടർന്ന്​ ഗുണ്ടകൾ കർഷകനെ ട്രാക്റ്റർ കയറ്റി കൊന്നു. ഉത്തർപ്രദേശിലെ സിതാപൂരിലാണ്​ സംഭവം. ഭാവുരി സ്വദേശിയായ ഗ്യൻചന്ദ്ര്​(45) ആണ്​  ദാരുണമായി കൊല്ലപ്പെട്ടത്​.

ട്രാക്​റ്റർ വാങ്ങിക്കുന്നതിനാണ്​ ഗ്യൻചന്ദ്ര്​​ 99,000 രൂപ സ്വകാര്യ പണമിടപാടു സ്ഥാപനത്തിൽ നിന്നും വായ്​പയെടുത്തിരുന്നത്​. ഇതിൽ 35,000 രൂപ ഇയാൾ തിരിച്ചടച്ചിരുന്നു. എന്നാൽ തിരിച്ചടവ്​ തവണകൾ മുടങ്ങിയതോടെ പണപിരിവ്​ നടത്തുന്ന ഏജൻൻറുമാർ എത്തുകയായിരുന്നു. ട്രാക്​റ്ററി​​​െൻറ താക്കോൽ ഉൗരി കൊണ്ടുപോകാനൊരുങ്ങിയ ഗുണ്ടകളെ ഗ്യാൻചന്ദ്ര്​ തടയാൻ ശ്രമിച്ചു. ഇവർ ഗ്യാൻചന്ദ്രിനെ ഒാടുന്ന ട്രാക്​റ്ററിന്​ മുന്നിലേക്ക്​ തള്ളിയിടുകയായിരുന്ന​ു. സംഭവശേഷം ഗുണ്ടകൾ രക്ഷപ്പെട്ടു. സംഭവത്തിൽ അഞ്ചുപേർക്കെതിരെ കേസ്​ രജിസ്​റ്റർ ചെയ്​തു. പ്രദേശത്ത്​ കർഷകർ പ്രതിഷേധ ധർണ നടത്തി.

COMMENTS