ശരത്​ യാദവ്​ അപമാനിച്ചു; തെരഞ്ഞെടുപ്പ്​ കമീഷൻ നടപടിയെടുക്കണമെന്ന്​ വസുന്ധര

ഝൽവാർ: രാജസ്ഥാനിലെ തെരഞ്ഞെടുപ്പ്​ റാലിക്കിടെ എൽ.ജെ.ഡി നേതാവ്​ ശരത്​ യാദവ്​ തന്നെ അപമാനിച്ചെന്നും അദ്ദേഹത്തി നെതിരെ നടപടി എടുക്കണമെന്നും ബി.ജെ.പി മുഖ്യമന്ത്രി സ്ഥാനാർഥി വസുന്ധര രാജെ. ശരത്​ യാദവി​​​െൻറ പ്രസ്​താവന ഞെട്ടല ുണ്ടാക്കി. താൻ അപമാനിക്കപ്പെട്ടു​. അദ്ദേഹം സ്​ത്രീത്വത്തെ അപമാനിക്കുകയാണ്​ ചെയ്​തത്​. തെരഞ്ഞെടുപ്പ്​ കമീഷൻ ശരത്​ യാദവിനെതിരെ നടപടിയെടുക്കണം. അത്​ മാതൃകാപരമായ നടപടികയാകണമെന്നും വസുന്ധര രാജെ പറഞ്ഞു. ​സ്​​്ത്രീകൾക്കായുള്ള പിങ്ക്​ ബൂത്തിലെത്തി ​ വോട്ട്​ രേഖപ്പെടുത്തിയ ശേഷം മാധ്യമങ്ങളോട്​ സംസാരിക്കുകയായിരുന്നു അവർ.

വസുന്ധരയുടെ തടി കൂടിയിട്ടുണ്ടെന്നും അവ​ർ ക്ഷീണിതയായതിനാൽ വിശ്രമിക്കാൻ അനുവദിക്കണമെന്നുമായിരുന്നു ശരത്​ യാദവി​​​െൻറ പരാമർശം.
കോൺഗ്രസും സഖ്യകക്ഷികളും അവരുടെ നേതാക്കളുടെ ഭാഷാപ്രയോഗത്തെ നിയന്ത്രിക്കണം. ഇത്തരത്തിലുള്ള മാതൃകയാണോ അണികളായ യുവാക്കൾക്ക്​ ശരത്​ യാദവ്​ നൽകുന്നതെന്നും വസുന്ധര ചോദിച്ചു. യാദവി​​​െൻറ പരാമർശത്തിനെതിരെ ബി.ജെ.പി തെരഞ്ഞെടുപ്പ്​ കമീഷനിൽ പരാതി നൽകിയിട്ടുണ്ട്​.

എന്നാൽ, താൻ തമാശ പറഞ്ഞതാണെന്നും വസുന്ധരയുമായുള്ള പഴയ സുഹൃദ്​ ബന്ധത്തി​​​െൻറ അടിസ്ഥാനത്തിലായിരുന്നു അത്തരമൊരു പരാമർശമെന്നും ശരത്​ യാദവ്​ പിന്നീട്​ പ്രതികരിച്ചു. അവരെ അപമാനിക്കാൻ താൻ ഉദ്ദേശിച്ചിരുന്നില്ല. താൻ അവരെ കണ്ടപ്പോൾ ഭാരം കൂടുന്നതിനെ കുറിച്ച്​ നേരിട്ട്​ സംസാരിച്ചിരുന്നുവെന്നും അദ്ദേഹം പറഞ്ഞു.