അമിത്​ ഷാക്കു മുന്നിൽ കത്തിക്കയറി വിപ്ലവ്​ താക്കൂർ VIDEO

ന്യൂഡൽഹി: ജമ്മു-കശ്​മീരിൽ ബി.ജെ.​പിയുടെ അജണ്ട തുറന്നുകാണിച്ച്​ രാജ്യസഭയിലെ കോൺഗ്രസി​​െൻറ മുതിർന്ന വനിത എം.പി. വിപ്ലവ്​ താക്കൂർ. നാഷനൽ കോൺഫറൻസ​ും കോൺഗ്രസും ജമ്മു-കശ്​മീരിൽ സർക്കാറുണ്ടാക്കുന്നത്​ തടയാൻ ഗവർണറുടെ ഫാക്​സ്​ പ്രവർത്തനരഹിതമാക്കിയെന്നതടക്കം ശക്​തമായ ആരോപണങ്ങളുമായി ബി.ജെ.പി അധ്യക്ഷൻകൂടിയായ കേന്ദ്ര ആഭ്യന്തര മന്ത്രി അമിത്​ ഷാക്കു മുന്നിൽ അവർ കത്തിക്കയറി. ​

രാജ്യസഭയിൽ ജമ്മു-കശ്​മീരി​നായുള്ള പ്രമേയത്തിലും നിയമഭേദഗതിയിലും പ​െങ്കടുത്ത്​ സംസാരിക്കുകയായിരുന്നു വിപ്ലവ്​. കശ്​മീരിൽ മറ്റാരും സർക്കാറുണ്ടാക്കാതിരിക്കാനാണിത്​ ചെയ്​തത്​. ജമ്മു-കശ്​മീരിൽ ജനങ്ങളുടെ ആവശ്യം മാനിക്കാതെയാണ്​ ലോക്​സഭ തെരഞ്ഞെടുപ്പ്​ മാത്രം നടത്തിയത്​. ഇത്​ സ്വന്തം അജണ്ട നടപ്പാക്കാനുള്ള നാടകമായിരുന്നുവെന്നും താക്കൂർ ആരോപിച്ചു.

ചർച്ചയിൽ പ​െങ്കടുത്ത തൃണമൂൽ കോൺഗ്രസ്​ നേതാവ്​ ഡെറിക്​ ഒബ്​റേൻ രാജ്യത്ത്​ ഇപ്പോൾ രണ്ട​്​ കുടുംബങ്ങളുടെ ഭരണമാണ്​ നടക്കുന്നതെന്ന്​ മോദിയെയും അമിത്​ ഷായെയും പരിഹസിച്ചു. ജമ്മു-കശ്​മീരിൽ മൂന്ന്​ കുടുംബങ്ങളുടെ ഭരണമാണ്​ നടക്കുന്നത്​ എന്ന അമിത്​ ഷായുടെ ആരോപണത്തിന്​ അതേ നാണയത്തിൽ മറുപടി നൽകുകയായിരുന്നു ഒബ്​റേൻ.