സഹകരണ ബാങ്ക്​ ജപ്തി: സർക്കാർ ഫീസ്​ 10,000 രൂപയിൽ കവിയില്ല

തി​രു​വ​ന​ന്ത​പു​രം: സ​ഹ​ക​ര​ണ​ബാ​ങ്കു​ക​ളി​ലെ വാ​യ്പാ കു​ടി​ശ്ശി​ക ജ​പ്തി​ചെ​യ്ത് പി​രി​ച്ചെ​ടു​ക്കാ​നു​ള്ള സ​ർ​ക്കാ​ർ ഫീ​സ്​ 10,000 രൂ​പ​യി​ൽ ക​വി​യ​രു​തെ​ന്ന്​ ധാ​ര​ണ. തി​രി​ച്ചു​പി​ടി​ക്കേ​ണ്ട തു​ക​യു​ടെ 7.5 ശ​ത​മാ​നം ഫീ​സാ​യി നി​ശ്ച​യി​ക്കാ​ൻ വ്യ​വ​സ്ഥ ചെ​യ്യു​ന്ന ക​ര​ട്​ ച​ട്ടം ര​ജി​സ്​​ട്രേ​ഷ​ൻ വ​കു​പ്പ്​ മ​ന്ത്രി വി.​എ​ൻ. വാ​സ​വ​ന്​ സ​മ​ർ​പ്പി​ച്ചി​രു​ന്നു. മ​ന്ത്രി​യു​ടെ​യും സ​ഹ​ക​ര​ണ വ​കു​പ്പ്​ സെ​ക്ര​ട്ട​റി​യു​ടെ​യും സാ​ന്നി​ധ്യ​ത്തി​ൽ ഒ​രാ​ഴ്ച മു​മ്പ്​ ആ​ദ്യ​വ​ട്ട ച​ർ​ച്ച പൂ​ർ​ത്തി​യാ​ക്കു​ക​യും ചെ​യ്തി​രു​ന്നു.

ജ​പ്തി ചെ​യ്യു​ന്ന തു​ക​യു​ടെ 7.5 ശ​ത​മാ​നം ഫീ​സാ​യി നി​ശ്ച​യി​ക്കാ​നു​ള്ള വ്യ​വ​സ്ഥ അം​ഗീ​ക​രി​ക്കാ​നാ​കി​ല്ലെ​ന്ന്​ യോ​ഗ​ത്തി​ൽ ധാ​ര​ണ​യാ​യി. പ​ര​മാ​വ​ധി 10,000 രൂ​പ ഫീ​സാ​യി ഈ​ടാ​ക്കി​യാ​ൽ മ​തി​യെ​ന്നാ​ണ്​ യോ​ഗ​ത്തി​ലെ ധാ​ര​ണ. ഒ​രു​മാ​സ​ത്തി​ന​കം അ​ന്തി​മ തീ​രു​മാ​ന​മെ​ടു​ക്കും. ര​ണ്ട്​ ല​ക്ഷം രൂ​പ വ​രെ​യു​ള്ള ജ​പ്തി​ക്ക്​ 5000 രൂ​പ​യാ​ണ്​ ര​ജി​സ്​​ട്രേ​ഷ​ൻ വ​കു​പ്പ്​ നി​ർ​ദേ​ശി​ച്ചി​രി​ക്കു​ന്ന​ത്. ഈ ​തു​ക​യും അ​ധി​ക​മാ​ണെ​ന്ന നി​ല​പാ​ടാ​ണ്​ സ​ഹ​ക​ര​ണ വ​കു​പ്പി​ന്.

കു​റ​ഞ്ഞ തു​ക​യി​ൽ ധാ​ര​ണ​യാ​യി​ട്ടി​ല്ലെ​ങ്കി​ലും പ​ര​മാ​വ​ധി 10,000 രൂ​പ മ​തി​യെ​ന്ന്​ ഏ​റ​ക്കു​റെ​ തീ​രു​മാ​ന​മാ​യി​ട്ടു​ണ്ട്. ജ​പ്തി വ​ഴി​യു​ള്ള അ​ധി​ക ബാ​ധ്യ​ത വാ​യ്പ​യെ​ടു​ത്ത​വ​രു​ടെ ത​ല​യി​ലാ​കു​മെ​ന്നും അ​തി​നു​ള്ള സാ​ഹ​ച​ര്യ​മു​ണ്ടാ​ക​രു​തെ​ന്നും മ​ന്ത്രി​ത​ല​യോ​ഗ​ത്തി​ൽ ചൂ​ണ്ടി​ക്കാ​ട്ടി​യി​രു​ന്നു. സ​ർ​ക്കാ​റി​​ന്‍റെ വ​രു​മാ​ന വ​ർ​ധ​ന ല​ക്ഷ്യ​മി​ട്ട്​ ക​ഴി​ഞ്ഞ ബ​ജ​റ്റി​ന്​ മു​മ്പു​ത​ന്നെ ഇ​തു​സം​ബ​ന്ധി​ച്ച്​ ര​ജി​സ്​​ട്രേ​ഷ​ൻ വ​കു​പ്പി​ൽ​നി​ന്നും ധ​ന​വ​കു​പ്പി​ൽ​നി​ന്നും നി​ർ​ദേ​ശ​ങ്ങ​ൾ ഉ​യ​ർ​ന്നി​രു​ന്നു. അ​ന്ന്​ സ​ഹ​ക​ര​ണ വ​കു​പ്പ്​ എ​തി​ർ​പ്പ​റി​യി​ച്ചു. പി​ന്നീ​ടാ​ണ്​ ധ​ന​വ​കു​പ്പി​ന്‍റെ അം​ഗീ​കാ​ര​ത്തോ​ടെ ര​ജി​സ്​​ട്രേ​ഷ​ൻ വ​കു​പ്പ്​ 7.5 ശ​ത​മാ​നം തു​ക ഫീ​സാ​യി നി​ർ​ദേ​ശി​ച്ച്​ ക​ര​ട്​ ച​ട്ടം സ​മ​ർ​പ്പി​ച്ച​ത്.

സ​ഹ​ക​ര​ണ സം​ഘ​ങ്ങ​ൾ വി​വി​ധ കാ​ര്യ​ങ്ങ​ൾ​ക്ക്​ സ​ർ​ക്കാ​റി​ന്​​ ന​ൽ​കേ​ണ്ട ഫീ​സ്​ നി​ര​ക്ക്​ ഉ​യ​ർ​ത്താ​ൻ ല​ക്ഷ്യ​മി​ട്ടാ​ണ്​ ക​ര​ട്​ ച​ട്ടം ത​യാ​റാ​ക്കി​യ​ത്. എ​ന്നാ​ൽ, ക​ര​ടി​ൽ നി​ർ​ദേ​ശി​ച്ച തു​ക അ​മി​ത​മാ​ണെ​ന്ന്​ ക​ണ്ട്​ സ​ഹ​ക​ര​ണ വ​കു​പ്പ്​ ഇ​ത്​ ത​ള്ളു​ക​യാ​യി​രു​ന്നു. പി​ന്നീ​ട്​ ചേ​ർ​ന്ന മ​ന്ത്രി​ത​ല യോ​ഗ​ത്തി​ലാ​ണ്​ തു​ക പ​തി​നാ​യി​ര​ത്തി​ൽ ക​വി​യ​രു​തെ​ന്ന്​ ധാ​ര​ണ​യി​ലെ​ത്തി​യ​ത്.