വിദ്വേഷ പ്രചാരക ജഡ്ജിയാകുമോ? പരാതി മുഖവിലക്കെടുത്തെന്ന് സുപ്രീംകോടതി

ന്യൂ​ഡ​ൽ​ഹി: വി​ദ്വേ​ഷ പ്ര​ചാ​ര​ക​യെ​ന്ന് ആ​ക്ഷേ​പം നേ​രി​ടു​ന്ന ബി.​ജെ.​പി നേ​താ​വി​നെ മ​ദ്രാ​സ് ഹൈ​കോ​ട​തി ജ​ഡ്ജി​യാ​യി നി​യ​മി​ക്കാ​ൻ ത​ങ്ങ​ൾ​ത​ന്നെ ന​ൽ​കി​യ ശി​പാ​ർ​ശ​ക്കെ​തി​രാ​യ പ​രാ​തി സു​പ്രീം​കോ​ട​തി കൊ​ളീ​ജി​യം മു​ഖ​വി​ല​ക്കെ​ടു​ത്തു​വെ​ന്ന് ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡ് തി​ങ്ക​ളാ​ഴ്ച കോ​ട​തി​യി​ൽ അ​റി​യി​ച്ചു.

അ​വ​ർ ഹൈ​കോ​ട​തി ജ​ഡ്ജി​യാ​കു​ന്ന​തി​നെ​തി​രെ സ​മ​ർ​പ്പി​ച്ച ഹ​ര​ജി ചൊ​വ്വാ​ഴ്ച ഉ​ചി​ത​മാ​യ ബെ​ഞ്ച് പ​രി​ഗ​ണി​ക്കു​മെ​ന്നും അ​സാ​ധാ​ര​ണ​മാ​യ നീ​ക്ക​ത്തി​ൽ ചീ​ഫ് ജ​സ്റ്റി​സ് അ​റി​യി​ച്ചു.

അ​തേ​സ​മ​യം, മ​ഹി​ള മോ​ർ​ച്ച മു​ൻ ദേ​ശീ​യ ജ​ന​റ​ൽ സെ​ക്ര​ട്ട​റി​യാ​യ വി​ക്ടോ​റി​യ ഗൗ​രി​ക്കെ​തി​രെ വ്യാ​പ​ക പ​രാ​തി​ക​ളു​യ​ർ​ന്ന​തി​നി​ടെ മ​ദ്രാ​സ് ഹൈ​കോ​ട​തി അ​ഡീ​ഷ​ന​ൽ ജ​ഡ്ജി​യാ​യി അ​വ​രെ നി​യ​മി​ച്ച് തി​ങ്ക​ളാ​​ഴ്ച​ത​ന്നെ കേ​ന്ദ്ര സ​ർ​ക്കാ​ർ അ​ടി​യ​ന്ത​ര ഉ​ത്ത​ര​വി​റ​ക്കി. ഈ ​സാ​ഹ​ച​ര്യ​ത്തി​ൽ സു​പ്രീം​കോ​ട​തി​യു​ടെ നി​ല​പാ​ട് ഏ​റെ നി​ർ​ണാ​യ​ക​മാ​യി.

മു​സ്‍ലിം​ക​ൾ​ക്കും ക്രി​സ്ത്യാ​നി​ക​ൾ​ക്കു​മെ​തി​രെ വി​ദ്വേ​ഷ പ്ര​ചാ​ര​ണം ന​ട​ത്തി​യ അ​ഡ്വ. വി​ക്ടോ​റി​യ ഗൗ​രി​യെ ജ​ഡ്ജി​യാ​ക്കാ​നു​ള്ള ശി​പാ​ർ​ശ തി​രി​ച്ചു​വി​ളി​ക്ക​ണ​മെ​ന്ന് ആ​വ​ശ്യ​പ്പെ​ട്ട് മ​ദ്രാ​സ് ഹൈ​കോ​ട​തി അ​ഭി​ഭാ​ഷ​ക​ർ ഒ​രാ​ഴ്ച മു​മ്പ് ചീ​ഫ് ജ​സ്റ്റി​സി​ന് എ​ഴു​തി​യി​രു​ന്നു​വെ​ങ്കി​ലും അ​ടി​യ​ന്ത​ര ന​ട​പ​ടി​യു​ണ്ടാ​യി​രു​ന്നി​ല്ല.

അ​തി​ന് പി​ന്നാ​ലെ അ​വ​രെ ജ​ഡ്ജി​യാ​ക്ക​രു​തെ​ന്ന് ആ​വ​ശ്യ​പ്പെ​ട്ട് മൂ​ന്ന് അ​ഭി​ഭാ​ഷ​ക​ർ സു​പ്രീം​കോ​ട​തി​യി​ൽ ഹ​ര​ജി സ​മ​ർ​പ്പി​ച്ച കാ​ര്യം മു​തി​ർ​ന്ന അ​ഭി​ഭാ​ഷ​ക​ൻ രാ​ജു രാ​മ​ച​ന്ദ്ര​ൻ ഉ​ച്ച​ക്ക് അ​റി​യി​ച്ച​പ്പോ​ഴും വെ​ള്ളി​യാ​ഴ്ച പ​രി​ഗ​ണി​ക്കാ​മെ​ന്നാ​യി​രു​ന്നു ചീ​ഫ് ജ​സ്റ്റി​സി​ന്റെ നി​ല​പാ​ട്.

അ​തി​നി​ട​യി​ലാ​ണ് മ​ഹി​ള ബി.​ജെ.​പി നേ​താ​വ് അ​ട​ക്കം ഏ​താ​നും പേ​രു​ടെ ജ​ഡ്ജി നി​യ​മ​ന​ത്തി​ന് കേ​ന്ദ്ര സ​ർ​ക്കാ​ർ ഉ​ത്ത​ര​വി​റ​ക്കി​യെ​ന്ന് കേ​ന്ദ്ര നി​യ​മ മ​ന്ത്രി കി​ര​ൺ റി​ജി​ജു ട്വീ​റ്റ് ചെ​യ്ത​ത്. അ​ത് ക​ണ്ട് ഉ​ച്ച​ക്ക് ര​ണ്ടു മ​ണി​ക്ക് രാ​ജു രാ​മ​ച​ന്ദ്ര​ൻ വീ​ണ്ടും ചീ​ഫ് ജ​സ്റ്റി​സി​ന്റെ കോ​ട​തി​യി​ലെ​ത്തി കേ​​ന്ദ്രം അ​വ​രെ ജ​ഡ്ജി​യാ​യി നി​യ​മി​ച്ച​ത് ശ്ര​ദ്ധ​യി​ൽ​പ്പെ​ടു​ത്തി.

അ​പ്പോ​ഴാ​ണ് കൊ​ളീ​ജി​യം ത​ങ്ങ​ൾ​ക്ക് കി​ട്ടി​യ പ​രാ​തി മു​ഖ​വി​ല​ക്കെ​ടു​ത്തി​ട്ടു​ണ്ടെ​ന്ന് ചീ​ഫ് ജ​സ്റ്റി​സ് അ​റി​യി​ച്ച​ത്. മ​ദ്രാ​സ് ഹൈ​കോ​ട​തി ജ​ഡ്ജി നി​യ​മ​ന​ത്തി​നു​ള്ള ശി​പാ​ർ​ശ ത​ങ്ങ​ൾ കേ​ന്ദ്ര സ​ർ​ക്കാ​റി​ന് കൈ​മാ​റി​യ ശേ​ഷം ചി​ല സം​ഭ​വ വി​കാ​സ​ങ്ങ​ൾ ഉ​ണ്ടാ​യി​ട്ടു​ണ്ട് എ​ന്ന് ചീ​ഫ് ജ​സ്റ്റി​സ് പ​റ​ഞ്ഞു.

ശി​പാ​ർ​ശ​ക്ക് ശേ​ഷ​മു​ണ്ടാ​യ സം​ഭ​വ വി​കാ​സ​മാ​യ​തി​നാ​ൽ വി​ഷ​യം സു​പ്രീം​കോ​ട​തി ചൊ​വ്വാ​ഴ്ച​ത​ന്നെ പ​രി​ഗ​ണി​ക്കു​മെ​ന്നും ഉ​ചി​ത​മാ​യ ബെ​ഞ്ചി​ന് കേ​സ് വി​ടു​മെ​ന്നും ചീ​ഫ് ജ​സ്റ്റി​സ് കൂ​ട്ടി​ച്ചേ​ർ​ത്തു.

വി​ക്ടോ​റി​യ ഗൗ​രി​ക്ക് സ​മൂ​ഹ​ത്തി​ലെ ചി​ല വി​ഭാ​ഗ​ങ്ങ​ളോ​ട് മോ​ശം മ​നഃ​സ്ഥി​തി​യാ​ണെ​ന്നും അ​തി​നാ​ൽ അ​വ​ർ​ക്ക് പ​ക്ഷ​പാ​ത​മി​ല്ലാ​തെ പെ​രു​മാ​റാ​നാ​കി​ല്ലെ​ന്നും അ​ഭി​ഭാ​ഷ​ക​രാ​യ അ​ന്ന മാ​ത്യൂ​സ്, സു​ധ രാ​മ​ലിം​ഗം, ഡി. ​നാ​ഗ​ശി​ല എ​ന്നി​വ​ർ സ​മ​ർ​പ്പി​ച്ച ഹ​ര​ജി​യി​ൽ ബോ​ധി​പ്പി​ച്ചു.

അ​തി​നി​ടെ സു​​പ്രീം​കോ​ട​തി മാ​സ​ങ്ങ​ളാ​യി സ​മ​ർ​പ്പി​ച്ച ​നി​ര​വ​ധി ശി​പാ​ർ​ശ​ക​ൾ ഇ​പ്പോ​ഴും ന​ട​പ​ടി​യെ​ടു​ക്കാ​തെ വെ​ച്ചു​താ​മ​സി​പ്പി​ക്കു​ന്ന കേ​ന്ദ്ര സ​ർ​ക്കാ​ർ വി​ക്ടോ​റി​യ ഗൗ​രി​യെ​കു​റി​ച്ചു​ള്ള ചി​ല വി​വ​ര​ങ്ങ​ൾ സു​പ്രീം​കോ​ട​തി കൊ​ളീ​ജി​യ​ത്തി​ൽ​നി​ന്ന് മ​റ​ച്ചു​വെ​ച്ചു​വെ​ന്നാ​ണ് സൂ​ച​ന.