പി​യൂ​ഷ് ഗോയലിന്​ സുരക്ഷിത മണ്ഡലമൊരുക്കി ബി.ജെ.പി

മും​ബൈ: ന​രേ​ന്ദ്ര മോ​ദി, അ​മി​ത്​ ഷാ ​ടീ​മി​ലെ വി​ശ്വ​സ്ത​നും ആ​സൂ​ത്ര​ക​നു​മാ​യ പി​യൂ​ഷ്​ ഗോ​യ​ലി​ന്​ ലോ​ക്​​സ​ഭ തെ​ര​ഞ്ഞെ​ടു​പ്പി​ൽ സു​ര​ക്ഷി​ത സീ​റ്റൊ​രു​ക്കി ബി.​ജെ.​പി. സി​റ്റി​ങ്​ എം.​പി ഗോ​പാ​ൽ ഷെ​ട്ടി​യെ മാ​റ്റി മും​ബൈ നോ​ർ​ത്ത്​ മ​ണ്ഡ​ല​ത്തി​ലാ​ണ്​ ഗോ​യ​ലി​നെ മ​ത്സ​രി​പ്പി​ക്കു​ന്ന​ത്.

മും​ബൈ​ക്കാ​ര​നാ​യ ഗോ​യ​ൽ 2010 മു​ത​ൽ രാ​ജ്യ​സ​ഭാം​ഗ​മാ​ണ്. മോ​ദി​ഭ​ര​ണ​ത്തി​ൽ വി​വി​ധ വ​കു​പ്പു​ക​ളു​ടെ ചു​മ​ത​ല​യു​ള്ള അ​ദ്ദേ​ഹ​ത്തി​ന്റെ ജീ​വി​ത​ത്തി​ലെ ആ​ദ്യ തെ​ര​ഞ്ഞെ​ടു​പ്പാ​ണി​ത്.

വാ​ജ്​​പേ​യി സ​ർ​ക്കാ​റി​ൽ ഷി​പ്പി​ങ് മ​ന്ത്രി​യാ​യി​രു​ന്ന പി​താ​വ്​ വേ​ദ്​​പ്ര​കാ​ശ്​ ഗോ​യ​ലും രാ​ജ്യ​സ​ഭ​യി​ലൂ​ടെ​യാ​ണ്​ സ​ഭ​യി​ലെ​ത്തി​യ​ത്. മാ​താ​വ്​ ച​ന്ദ്ര​കാ​ന്ത ഗോ​യ​ൽ 1990 മു​ത​ൽ 99 വ​രെ തു​ട​ർ​ച്ച​യാ​യി മൂ​ന്നു​ത​വ​ണ മും​ബൈ​യി​ലെ മാ​ട്ടു​ൻ​ഗ​യി​ൽ​നി​ന്ന്​ എം.​എ​ൽ.​എ​യാ​യി​രു​ന്നു. 2014ലും 2019​ലും 4.5 ല​ക്ഷ​ത്തി​ലേ​റെ വോ​ട്ടി​ന്റെ ഭൂ​രി​പ​ക്ഷ​ത്തി​ലാ​ണ്​ ഗോ​പാ​ൽ ഷെ​ട്ടി മും​ബൈ നോ​ർ​ത്തി​ൽ ജ​യി​ച്ച​ത്.

കോ​ൺ​ഗ്ര​സ്​ ടി​ക്ക​റ്റി​ൽ മ​ത്സ​രി​ച്ച ബോ​ളി​വു​ഡ്​ ന​ടി ഊ​ർ​മി​ള മ​ടോ​ന്ദ്​​ക​റാ​യി​രു​ന്നു ക​ഴി​ഞ്ഞ​ത​വ​ണ എ​തി​രാ​ളി. മു​മ്പ്​ കോ​ൺ​ഗ്ര​സി​ന്റെ വി.​കെ. കൃ​ഷ്​​ണ​മേ​നോ​നും ജ​ന​താ പാ​ട്ടി​യു​ടെ മൃ​ണാ​ൾ ഗോ​റെ​യും പ്ര​തി​നി​ധാ​നം​ചെ​യ്ത മ​ണ്ഡ​ലം ഇ​ന്ന്​ പൂ​ർ​ണ​മാ​യും ബി.​ജെ.​പി​യു​ടെ കൈ​യി​ലാ​ണ്.

2004ൽ ​കോ​ൺ​ഗ്ര​സ്​ ടി​ക്ക​റ്റി​ൽ മ​ത്സ​രി​ച്ച ന​ട​ൻ ഗോ​വി​ന്ദ​യും ഇ​വി​ടെ ജ​യി​ച്ചി​ട്ടു​ണ്ട്. നി​ല​വി​ൽ മ​ണ്ഡ​ല​ത്തി​നു കീ​ഴി​ലെ ആ​റ്​ നി​യ​മ​സ​ഭ സീ​റ്റു​ക​ളി​ൽ നാ​ലും ബി.​ജെ.​പി​ക്കാ​ണ്. ഒ​ന്നി​ൽ ശി​വ​സേ​ന​യും ശേ​ഷി​ച്ച​തി​ൽ കോ​ൺ​ഗ്ര​സു​മാ​ണ്.